రామరాజుకు అధిష్ఠానం పిలుపు

పాలకోడేరు, న్యూస్‌టుడే: ఉండి నియోజకవర్గంలో తెదేపా అభ్యర్థిత్వంపై స్పష్టత రానుంది. ఈ సీటును నరసాపురం ఎంపీ కె.రఘురామకృష్ణరాజుకు కేటాయిస్తున్నట్లు ప్రచారం సాగుతోంది. శుక్రవారం ఆయన తరఫున ఉండిలో నామినేషన్‌ దాఖలైంది.. ఈ నేపథ్యంలో ఎమ్మెల్యే రామరాజు చిన అమిరంలోని తన కార్యాలయంలో ముఖ్యనాయకులు, కార్యకర్తలతో శుక్రవారం అత్యవసర సమావేశం ఏర్పాటు చేశారు. ఇంతలోనే ఆయనకు పార్టీ అధినేత చంద్రబాబు నుంచి ఫోన్‌ రావడంతో కార్యాచరణ ప్రకటన వాయిదా వేశారు. శనివారం చంద్రబాబును కలిసిన తరువాత తుది నిర్ణయం వెల్లడిస్తానని ఆయన శ్రేణులకు తెలిపారు.