వివాదాలకు అవకాశం ఇవ్వొద్దు: కలెక్టర్‌

నేడు నామినేషన్ల ఉపసంహరణ

వర్చువల్‌ సమావేశంలో సుమిత్‌కుమార్‌ తదితరులు

భీమవరం అర్బన్‌, న్యూస్‌టుడే: నామినేషన్ల ఉపసంహరణ ప్రక్రియ సోమవారం మధ్యాహ్నం 3 గంటల వరకు జరుగుతుందని కలెక్టర్‌ సుమిత్‌కుమార్‌ తెలిపారు. నియోజకవర్గాల రిటర్నింగ్‌ అధికారులతో ఆయన సోమవారం వర్చువల్‌ సమావేశం నిర్వహించారు. ఈ సందర్భంగా మాట్లాడుతూ ఎక్కడా ఎలాంటి వివాదాలకు అవకాశం లేకుండా అప్రమత్తంగా వ్యవహరించాలన్నారు. ఉపసంహరణ ప్రక్రియ పూర్తయిన వెంటనే అభ్యర్థులకు గుర్తులు కేటాయించి వారికి తెలియజేయాలన్నారు. బ్యాలెట్‌పై అభ్యర్థి పేరు ఎలా ఉండాలో వారు సూచించిన విధంగానే నమోదు చేసుకోవాలన్నారు.  సంయుక్త కలెక్టర్‌ ప్రవీణ్‌ఆదిత్య, డీఆర్వో ఉదయభాస్కర్‌ తదితరులు పాల్గొన్నారు.

ప్రశాంత వాతావరణంలో ఎన్నికలు జరిగేలా చూడాలని కలెక్టర్‌ అధికారులను ఆదేశించారు. ఈ మేరకు ఆదివారం ఒక ప్రకటన విడుదల చేశారు. ఎన్నికల ప్రక్రియపై ఏమైనా సందేహాలుంటే జిల్లా అధికారుల ద్వారా నివృత్తి చేసుకోవాలని ఆర్వోలకు సూచించారు.