AP News: ఓట్ల తొలగింపు.. భాస్కర్ రెడ్డిపై సస్పెన్షన్‌ వేటు

అమరావతి: అనంతపురం జిల్లా పరిషత్ ప్రధాన ఎన్నికల అధికారి కె.భాస్కర్ రెడ్డిపై సస్పెన్షన్ వేటు పడింది. ఈసీ ఆదేశాల మేరకు భాస్కర్‌రెడ్డిని సస్పెండ్‌ చేసినట్లు పంచాయతీరాజ్‌, గ్రామీణాభివృద్ధి శాఖ ప్రత్యేక ప్రధాన కార్యదర్శి బుడితి రాజశేఖర్‌ ఉత్తర్వులు జారీ చేశారు.  ఉరవకొండ నియోజకవర్గంలో జరిగిన భారీ ఓట్ల తొలగింపుపై ఎన్నికల సంఘానికి పీఏసీ చైర్మన్, తెదేపా నేత పయ్యావుల కేశవ్ గతంలో ఫిర్యాదు చేశారు. ఓట్ల తొలగింపులో అక్రమాలను నిర్ధారించిన కేంద్ర ఎన్నికల సంఘం.. చర్యలు తీసుకోవాలని ప్రభుత్వాన్ని ఆదేశించింది. ఈ మేరకు అతడిని సస్పెండ్‌ చేశారు.