Simhachalam: సింహాచలం గిరిప్రదక్షిణ.. ఇసుకేస్తే రాలనంతగా భక్త జనం

విశాఖపట్నం: సింహాచలం గిరిప్రదక్షిణ రెండోరోజు కొనసాగుతోంది. ఆదివారం సాయంత్రం ప్రారంభమైన గిరిప్రదక్షిణకు సోమవారం ఉదయానికి పెద్ద సంఖ్యలో భక్తజనం తరలివచ్చారు. ఉత్తరాంధ్ర జిల్లాల నుంచే కాకుండా ఉభయగోదావరి, తెలంగాణ, ఒడిశా రాష్ట్రాల నుంచి అధిక సంఖ్యలో తరలివచ్చారు. దీంతో గిరి ప్రదక్షిణ మార్గాలు కిక్కిరిసిపోయి గోవింద నామస్మరణతో మార్మోగుతున్నాయి. సోమవారం ఉదయం 7 గంటల ప్రాంతంలో పాతగోశాల టీ జంక్షన్‌ వద్ద రద్దీ జనసంద్రాన్ని తలపించింది. ఆ మార్గంలో కనుచూపు మేరలో ఇసుకేస్తే రాలనంతంగా భక్తులు కనిపించారు. అప్పన్నస్వామిని స్మరించుకుంటూ ముందుకు సాగుతున్నారు.