Kalyan Ram: ‘డెవిల్‌’.. ఆరోజే

కల్యాణ్‌ రామ్‌ కథానాయకుడిగా నవీన్‌ మేడారం తెరకెక్కిస్తున్న పాన్‌ ఇండియా చిత్రం ‘డెవిల్‌’. ది బ్రిటీష్‌ సీక్రెట్‌ ఏజెంట్‌.. అన్నది ఉపశీర్షిక. అభిషేక్‌ నామా నిర్మాత. సంయుక్తా మేనన్‌ కథానాయిక. నవంబరు 24న ప్రేక్షకుల ముందుకు రానుంది. ఈ విషయాన్ని చిత్ర బృందం ఆదివారం అధికారికంగా ప్రకటించింది. ‘‘ఎవరికీ అంతు చిక్కని ఓ రహస్యాన్ని ఛేదిస్తూ ఓ బ్రిటిష్‌ ఏజెంట్‌ చేసే ప్రయాణమే ఈ చిత్ర కథాంశం. ఆ ఏజెంట్‌ పాత్రలో కల్యాణ్‌రామ్‌ ఆకట్టుకోనున్నారు. ప్రస్తుతం నిర్మాణాంతర పనులు శరవేగంగా జరుగుతున్నాయి’’ అని సినీవర్గాలు తెలిపాయి. సంగీతం: హర్షవర్ధన్‌ రామేశ్వర్‌, ఛాయాగ్రహణం: ఎస్‌.సౌందర్‌ రాజన్‌.