Saindhav: ‘సైంధవ్‌’.. సిద్ధం

‘సైంధవ్‌’గా సంక్రాంతి బరిలో సందడి చేయనున్నారు కథానాయకుడు వెంకటేశ్‌. ఆయన నటించిన ఈ 75వ చిత్రాన్ని శైలేశ్‌ కొలను తెరకెక్కించారు. వెంకట్‌ బోయనపల్లి నిర్మాత. శ్రద్ధా శ్రీనాథ్‌ కథానాయిక. నవాజుద్దీన్‌ సిద్ధిఖీ, రుహానీ శర్మ, ఆండ్రియా తదితరులు కీలక పాత్రలు పోషిస్తున్నారు. ఈ పాన్‌ ఇండియా సినిమా జనవరి 13న ప్రేక్షకుల ముందుకు రానుంది. ఈ క్రమంలోనే తాజాగా సెన్సార్‌ పనులు పూర్తి చేసుకొని యూ/ఏ సర్టిఫికెట్‌ అందుకుంది. ఈ విషయాన్ని చిత్ర బృందం శనివారం ప్రకటించింది. ‘‘భావోద్వేగాలతో నిండిన వినూత్నమైన యాక్షన్‌ కథాంశంతో ఈ చిత్రం రూపొందింది. దీంట్లోని తండ్రీకూతుళ్ల అనుబంధం అందరి మనసుల్ని హత్తుకుంటుంది. వెంకటేశ్‌ శక్తిమంతమైన పాత్రలో కనిపిస్తారు’’ అని చిత్ర వర్గాలు తెలిపాయి. ఈ చిత్రానికి సంగీతం: సంతోష్‌ నారాయణన్‌, ఛాయాగ్రహణం: ఎస్‌.మణికందన్‌.