Nara Lokesh: ‘మీ బిడ్డను’ అంటూ.. జగన్‌ ఊరూరా తిరిగినప్పుడే అనుమానించా: లోకేశ్‌

అమరావతి: ల్యాండ్ టైటిలింగ్ యాక్ట్.. ప్రజల భూములు కొట్టేసే నల్ల చట్టమని తెదేపా జాతీయ ప్రధాన కార్యదర్శి నారా లోకేశ్‌ దుయ్యబట్టారు. ఈ చట్టంతో ఆస్తి ప్రజలదా? జగన్, భారతి రెడ్డిలకు చెందుతుందా?అని నిలదీశారు. జగన్ బొమ్మతో సర్వే రాళ్లు, ఆస్తి పట్టాపై జగన్ ఫొటో ఉండటం వెనక ఆంతర్యమేంటని ప్రశ్నించారు. తాజా చట్టంతో ఆస్తి ఒరిజినల్ డాక్యుమెంట్లు జగన్ దగ్గర ఉంటాయని ధ్వజమెత్తారు. ‘ మీ బిడ్డను’ అని జగన్‌ ఊరూరా తిరిగినప్పుడే అనుమానం వచ్చిందన్నారు. ఇక‌పై జ‌నం భూమి జ‌గ‌న్‌ది, జ‌నం ఆస్తి జ‌గ‌న్ సొంతమని ల్యాండ్ టైటిలింగ్ యాక్ట్ అమ‌ల్లోకి వ‌చ్చేస‌రికి అర్థమైందని ఎక్స్‌లో పోస్టు చేశారు.