పొన్నూరులో రూ.2,500 కోట్లకు పైగా సహజ వనరుల దోపిడీ: తెదేపా మాజీ ఎమ్మెల్యే ధూళిపాళ్ల

పొన్నూరు: ఐదేళ్ల జగన్‌ పాలనలో అంతా దోపిడీయేనని తెదేపా సీనియర్‌ నేత, మాజీ ఎమ్మెల్యే ధూళిపాళ్ల నరేంద్ర విమర్శించారు. గుంటూరు జిల్లా పొన్నూరులో నిర్వహించిన మీడియా సమావేశంలో ఆయన మాట్లాడారు. పొన్నూరు నియోజకవర్గంలో రూ.2,500 కోట్లకు పైగా సహజ వనరుల దోపిడీ జరిగిందన్నారు. రేషన్‌ మాఫియా లారీకి అడ్డొచ్చాడని ఉద్యోగిని హతమార్చారని ఆరోపించారు. దళితులను ఎమ్మెల్యే కిలారు రోశయ్య బెదిరించి అనుమర్లపూడిలో వారి భూమి లాక్కొన్నారన్నారు. ఆయనపై సీఎం జగన్‌ ఇంతవరకు చర్యలు తీసుకోలేదని ఆక్షేపించారు. పొన్నూరును గంజాయి మాఫియాకు అడ్డాగా మార్చారని విమర్శించారు. పొన్నూరులో రోడ్డు విస్తరణ బాధితులకు ఇంతవరకు పరిహారం ఇవ్వలేదన్నారు.