ప్రిక్వార్టర్స్‌లో లక్ష్యసేన్‌

సార్‌బ్రూకెన్‌ (జర్మనీ): హైలో ఓపెన్‌ ప్రపంచ టూర్‌ సూపర్‌ 500 టోర్నీలో లక్ష్యసేన్‌ శుభారంభం చేశాడు. పురుషుల సింగిల్స్‌ తొలి రౌండ్లో లక్ష్యసేన్‌ 21-16, 22-20తో క్రిస్టో పొపోవ్‌ (ఫ్రాన్స్‌)పై నెగ్గి ప్రిక్వార్టర్‌ఫైనల్లో అడుగుపెట్టాడు. శంకర్‌ ముత్తుసామి సుబ్రమణ్యన్‌ 21-14, 18-21, 21-16తో లియోంగ్‌ జున్‌ (మలేసియా)పై గెలుపొందాడు. కిదాంబి శ్రీకాంత్‌ 19-21, 11-21తో కిరణ్‌ జార్జ్‌ చేతిలో ఓడి టోర్నీ నుంచి నిష్క్రమించాడు. మహిళల సింగిల్స్‌లో ఉన్నతి హుడా, రక్షితశ్రీ, శ్రియాంషి వలిశెట్టి ప్రిక్వార్టర్స్‌లోకి ప్రవేశించారు. తొలి రౌండ్లో ఉన్నతి 21-4, 21-13తో జూలియానా వియానా (బ్రెజిల్‌)పై, రక్షిత 21-14, 21-16తో క్లారా అజుర్మెండి (స్పెయిన్‌)పై, శ్రియాంషి 21-19, 21-12తో లైన్‌ హాజ్‌మార్క్‌ (డెన్మార్క్‌)పై విజయం సాధించారు. అన్మోల్‌ ఖార్బ్‌ 24-26, 21-23తో జూలీ  జాకబ్‌సెన్‌ (డెన్మార్క్‌) చేతిలో ఓడింది.