Breaking | Feedback | ePratibha | E-PAPER | Pratibha

WI vs IND టీమ్‌ఇండియాకు విండీస్‌ షాక్‌.. భారత్‌ ఖాతాలో అనవసరపు రికార్డులు

విండీస్‌(WI vs IND) పర్యటనలో టెస్టు సిరీస్‌, వన్డే సిరీస్‌ను దక్కించుకున్న టీమ్‌ఇండియాకు.. వెస్టిండీస్‌ టీ20 సిరీస్‌లో షాక్‌ ఇచ్చింది.

Published : 14 Aug 2023 16:53 IST

ఇంటర్నెట్‌ డెస్క్‌ : పొట్టి ఫార్మాట్‌లో వెస్టిండీస్‌(West Indies)ను చాలా తక్కువగా అంచనా వేసి టీమ్‌ఇండియా(Team India) బొక్కబోర్లా పడింది. ఐదు మ్యాచ్‌ల టీ20 సిరీస్‌(WI vs IND)ను 2-3 తేడాతో విండీస్‌కు అప్పగించేసింది. యువ బ్యాటర్లు తప్ప.. సీనియర్లు పెద్దగా రాణించని ఈ సిరీస్‌లో ప్రతికూల ఫలితాన్ని చవిచూసింది. మరికొన్ని రోజుల్లోనే ఆసియా కప్‌, ఆ తర్వాత ప్రపంచకప్‌లాంటి ప్రతిష్ఠాత్మక టోర్నీలు ఉండటంతో.. ఈ సిరీస్‌లో విజయం సాధిస్తే టీమ్‌ఇండియాలో మరింత ఆత్మవిశ్వాసం పెరిగి ఉండేది. మరోవైపు ఈ టోర్నీలో పరాజయం ద్వారా భారత్‌ ఖాతాలో కొన్ని అనవసర రికార్డులూ వచ్చి చేరాయి.

గత 25 నెలల్లో టీమ్‌ఇండియా ఓడిన ద్వైపాక్షిక టీ20 సిరీస్‌ ఇదే.
2016 తర్వాత ఓ ద్వైపాక్షిక టీ20 సిరీస్‌లో విండీస్‌ చేతిలో ఓడిపోవడం భారత్‌కు ఇదే తొలిసారి.
ఐదు మ్యాచ్‌ల టీ20 సిరీస్‌ను భారత్‌ కోల్పోవడం ఇదే తొలిసారి.
ఇక ఐదు మ్యాచ్‌ల టీ20 సిరీస్‌లో విండీస్‌.. భారత్‌ను ఓడించడం కూడా ఇదే తొలిసారి.
ద్వైపాక్షిక టీ20 సిరీస్‌లో భారత్‌.. మూడు మ్యాచ్‌లు ఓడిపోవడం ఇదే తొలిసారి.
హార్దిక్‌ పాండ్యా కెప్టెన్‌గా ద్వైపాక్షిక టీ20 సిరీస్‌ను ఓడటం ఇదే తొలిసారి. గతంలో న్యూజిలాండ్‌, శ్రీలంకపై రెండు సార్లు.. ఐర్లాండ్‌పై ఒకసారి హార్దిక్‌ నేతృత్వంలో భారత్‌ గెలిచింది.

► Read latest Sports News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.