Jio Ai Classroom: జియో ఏఐ క్లాస్‌రూమ్‌

కృత్రిమ మేధ గురించి ప్రాథమిక అంశాలు నేర్చుకోవాలని అనుకుంటున్నారా? అయితే జియో ఏఐ క్లాస్‌రూమ్‌-ఫౌండేషన్‌ కోర్స్‌ సాయం తీసుకోండి. ఇటీవల నిర్వహించిన ఇండియన్‌ మొబైల్‌ కాంగ్రెస్‌ 2025 సదస్సులో రిలయన్స్‌ సంస్థ దీన్ని పరిచయం చేసింది. ఏఐ విద్యను సమగ్రంగా అందించటం, భవిష్యత్తుకు సిద్ధంగా ఉండేలా తీర్చిదిద్దటం దీని ఉద్దేశం. 

• జియో ఇన్‌స్టిట్యూట్‌ భాగస్వామ్యంతో రూపొందించిన ఏఐ క్లాస్‌రూమ్‌-ఫౌండేషన్‌ కోర్స్‌ జియోపీసీతో పనిచేస్తుంది. ఏఐతో బోధన, సృజన, ఉత్పాదకత, కమ్యూనికేషన్లను పెంపొందించు
• కోవాలని భావించేవారికిది మంచి అవకాశం. విద్యార్థులు, ఏఐ అంటే తెలియని కొత్తవారికిది ఎంతో ఉపయుక్తం.
• చాట్‌జీపీటీ, నోట్‌బుక్‌ఎల్‌ఎం, అడోబ్‌ ఎక్స్‌ప్రెస్‌ వంటి టూల్స్‌తో సాధన చేసి ఏఐని సురక్షితంగా, సమర్థంగా వాడుకోవటమెలాగో నేర్చుకోవచ్చు. భవిష్యత్‌ ఏఐ కాలానికి సరిపోయేలా చదువుకోవటం దగ్గరి నుంచి దృశ్యాలను, కథలను సృష్టించటం వరకూ ఎన్నెన్నో చేయొచ్చు. 
• ప్రాక్టికల్‌ పరీక్షలు, క్రియేటివ్‌ టూల్స్, ఫైనల్‌ ప్రాజెక్టుతో కూడిన కోర్సు వ్యవధి 4 వారాలు. డెస్క్‌టాప్స్, ల్యాప్‌టాప్స్, జియో సెట్‌-టాప్‌ బాక్సెస్‌లో దీన్ని యాక్సెస్‌ చేయొచ్చు. 
• ఆయా అంశాలతో కూడిన వీడియో లెక్చర్లు.. పీడీఎఫ్, వీడియో రిఫరెన్స్‌లతో ప్రత్యేక వనరులు.. మోడల్‌ క్విజ్‌లు అన్నీ ఉంటాయి. https://www.jio.com/ai-classroom ద్వారా ఉచితంగా రిజిస్టర్‌ చేసుకోవచ్చు.