Jamtara Gang: సాఫ్ట్వేర్ ఇంజినీర్లకు తెలియని విషయాలూ వీరికి తెలుసు
చేతిలో స్మార్ట్ఫోన్.. హైస్కూల్ దాటని చదువు... నలుగురైదుగురు కలిసి చాయ్ దుకాణం.. చెట్ల కింద ముచ్చట్లు.. ఝార్ఖండ్ రాష్ట్రంలోని జాంతారా తాలూకా
బాధితుల సొమ్ముతో విందులు.. వినోదాలు
జాంతారా నేరస్థుల జీవనశైలి..
ఈనాడు, హైదరాబాద్: చేతిలో స్మార్ట్ఫోన్.. హైస్కూల్ దాటని చదువు... నలుగురైదుగురు కలిసి చాయ్ దుకాణం.. చెట్ల కింద ముచ్చట్లు.. ఝార్ఖండ్ రాష్ట్రంలోని జాంతారా తాలూకా తారట్, ధన్బాద్, దేవ్గడ్ గ్రామాల్లో కనిపించే దృశ్యాలివి.. చూడగానే అమాయకుల్లా కనిపించే వీరు 14 రాష్ట్రాల్లో సైబర్ నేరాలకు పాల్పడుతున్నారు. ఝార్ఖండ్, పశ్చిమబంగా రాష్ట్రాల్లోని హిందీ యాసతో మాట్లాడుతున్న వీరు నిజానికి అసాధ్యులు... సాఫ్ట్వేర్ ఇంజినీర్లకు తెలియని విషయాలూ వీరికి తెలుసు.. నిమిషాల వ్యవధిలో ఈ-వ్యాలెట్ల ద్వారా నగదు బదిలీ చేయడం మంచినీళ్లు తాగినంత సులువు.. జాంతారా తాలూకాల్లోని ఐదు గ్రామాల్లో నివసిస్తున్న యువకులంతా కలిసి 200 నుంచి 250 ముఠాలుగా ఏర్పడ్డారు. ఆరేడు ఏళ్ల నుంచి డెబిట్కార్టు, క్రెడిట్కార్టుల మోసాలతో నేరాల బాట పట్టారు.. కొద్దిరోజుల క్రితం అక్కడికి వెళ్లిన ఇన్స్పెక్టర్ ప్రశాంత్ బృందం వారిలో ఇద్దరు నిందితులను అరెస్ట్ చేసి ఇక్కడి తీసుకువచ్చింది.
పొరుగు రాష్ట్రం నుంచి సిమ్కార్టులు...
పోలీసులు సిమ్కార్డుల ద్వారా తమను గుర్తిస్తున్నారని తెలుసుకున్న జాంతారా సైబర్ నేరస్థులు పంథా మార్చేశారు. సిమ్కార్డులు కొనేందుకు కోల్కతాకు వెళ్తున్నారు. లల్లా, కసాబా, ప్రాంతాలకు వెళ్లి వందల సంఖ్యలో సిమ్కార్డులు తీసుకువస్తున్నారు. తప్పుడు పేర్లతో నకిలీ ఆధార్కార్డులు సృష్టించడం, ఫొటోలు అప్పటికప్పుడు లేవంటూ చెప్పడంతో సిమ్కార్డులు అమ్ముతున్న వారు వీరికి అడిగినన్ని సిమ్లను ఇచ్చేస్తున్నారు. వాటితో బ్యాంక్ అధికారులు, పేటీఎం, ఫోన్పే ప్రతినిధులమంటూ ఫోన్లు చేస్తున్నారు. బాధితుల నుంచి నగదు బదిలీ చేసుకోగానే ఆ సిమ్కార్డులను పంటకాల్వలు, మురుగు కాల్వల్లో పారేస్తున్నారు.
నిరుపేదలమంటూ నమ్మబలుకుతూ..
ఈ-వ్యాలెట్ల ద్వారా దోచుకున్న నగదుతో జాంతారా సైబర్ నేరస్థులు విందులు, వినోదాలు చేసుకుంటున్నారు. పోలీసులు అరెస్ట్ చేసినా డబ్బులు స్వాధీనం చేసుకోని విధంగా జాగ్రత్త పడుతున్నారు. తాము నిరుపేదలమని, అప్పు తీసుకున్నామంటూ పత్రాలు చూపిస్తున్నారు. వారు దొంగలు కాదు.. నిజంగా కష్టపడేవారేనంటూ స్థానికులు సైతం పోలీసులకు సాక్ష్యం చెబుతున్నారు. దీంతో వీరిని అరెస్ట్ చేసేందుకు వెళ్లిన తెలంగాణ, కర్ణాటక, తమిళనాడు పోలీసులు ఇబ్బందులు ఎదుర్కొంటుండగా.. ఇటీవలే ఆ రాష్ట్రపోలీస్ ఉన్నతాధికారులు సహకారం అందిస్తున్నారు. ఇతర రాష్ట్రాల పోలీసులకు దర్యాప్తులో సహకరించాలంటూ జాంతారా ఎస్పీకి ఆదేశాలు జారీ చేశారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నాలుగో రోజూ 46 డిగ్రీలపైనే..
రాష్ట్రంలో వరుసగా నాలుగో రోజు గరిష్ఠ ఉష్ణోగ్రత 46 డిగ్రీలు దాటింది. శుక్రవారం 10 జిల్లాల్లోని 20 మండలాల్లో 46.3 నుంచి 46.7 డిగ్రీల సెల్సియస్ వరకు నమోదయ్యాయి. -
రిజిస్ట్రార్ కోర్టు ముందు లిస్ట్ కావాల్సిన కేసు ఇక్కడికెలా వచ్చింది?
ప్రస్తుతం తెలంగాణలో విచారణ జరుగుతున్న ఓటుకు నోటు కేసును మధ్యప్రదేశ్ హైకోర్టుకు బదిలీ చేయాలని కోరుతూ భారాస నేత, మాజీ మంత్రి జగదీశ్రెడ్డి దాఖలు చేసిన పిటిషన్పై విచారణను జస్టిస్ బీఆర్ గవాయి, జస్టిస్ సతీష్చంద్ర శర్మ, జస్టిస్ సందీప్ మెహతాలతో కూడిన సుప్రీంకోర్టు ధర్మాసనం జులైకి వాయిదా వేసింది. -
ఎమ్మెల్సీ దండే విఠల్ ఎన్నిక రద్దు
భారాస ఎమ్మెల్సీ దండే విఠల్ ఎన్నికను రద్దు చేస్తూ శుక్రవారం హైకోర్టు తీర్పు వెలువరించింది. ఆయన ఎన్నికైనట్లు 2021 డిసెంబరు 14న జారీ చేసిన ప్రకటన, 15న ప్రభుత్వం జారీ చేసిన గెజిట్ చెల్లవని పేర్కొంది. -
దోస్త్ నోటిఫికేషన్ విడుదల
తెలంగాణలోని డిగ్రీ కళాశాలల్లో ఆన్లైన్లో 2024-25 విద్యాసంవత్సరం ప్రవేశాల కోసం దోస్త్ (డిగ్రీ ఆన్లైన్ సర్వీసెస్ తెలంగాణ) నోటిఫికేషన్ విడుదలైంది. -
‘టానిక్’కు మినహాయింపుల్లోనే మతలబు!
రాష్ట్రంలో ఎలైట్ వైన్షాప్ ‘టానిక్’ ఏర్పాటు సమయంలో ఇచ్చిన వెసులుబాట్లలోనే మతలబు ఉన్నట్లు తెలంగాణ ఎక్సైజ్ శాఖ నిర్ధారణకు వచ్చింది.
తాజా వార్తలు (Latest News)
-
అన్న వచ్చాడు.. బ్యాంకులో పింఛన్లు బంద్!
-
ముందు మీరు రాయ్బరేలీలో గెలవండి.. రాహుల్కు సలహా ఇచ్చిన చెస్ దిగ్గజం
-
నేటి రాశి ఫలాలు.. 12 రాశుల ఫలితాలు ఇలా... (04/05/24)
-
పాలస్తీనా మద్దతుదారులకు హిమ్స్ సంస్థ సీఈఓ గుడ్న్యూస్
-
‘తుపాకీతో బెదిరించి.. అత్యాచారం చేసి..’ - ప్రజ్వల్పై మహిళ ఫిర్యాదు
-
అషు ‘సూపర్ డీలక్స్ బాడీ’.. సాగరకన్యలా నోరా ఫతేహి!