రూ.లక్ష సాయం పథకానికి రూ.400 కోట్లు

ఈనాడు, హైదరాబాద్‌: కులవృత్తులు చేసుకునే బీసీలకు పరికరాల కొనుగోలుకు కుటుంబానికి రూ.లక్ష ఆర్థిక సాయం అందించే పథకానికి రూ.400 కోట్లు మంజూరు చేస్తూ రాష్ట్ర ప్రభుత్వం మంగళవారం ఉత్తర్వులు జారీచేసింది. వీటిని బీసీ కార్పొరేషన్‌ ద్వారా వెచ్చించాలని ఆదేశించింది. ఈ పథకానికి ఇప్పటికే రాష్ట్రవ్యాప్తంగా 5 లక్షల మందికి పైగా దరఖాస్తు చేసుకున్నారు. వాటిని పరిశీలించి అర్హుల ఎంపికకు ప్రభుత్వం ప్రస్తుతం క్షేత్రస్థాయి పరిశీలనలు నిర్వహిస్తోంది. త్వరలోనే లబ్ధిదారులను ఎంపిక చేసి వారి పేర్లను గ్రామ పంచాయతీ బోర్డులపై అంటించనుంది.