ప్రజలుపంపింది ధర్నాలు చేయమనికాదు

తాజావార్తలు


ప్రజలు పంపింది ధర్నాలు చేయమనికాదు..
పార్లమెంట్‌ సమావేశాల తీరుపై ప్రణబ్‌ అసంతృప్తి
దిల్లీ: పార్లమెంట్‌ శీతాకాల సమావేశాలు జరుగుతున్న తీరుపై రాష్ట్రపతి ప్రణబ్‌ ముఖర్జీ తీవ్ర అసంతృప్తి వ్యక్తంచేశారు. పార్లమెంటరీ వ్యవస్థలో సమావేశాలను అడ్డుకోవడం అంగీకారయోగ్యం కాదని ఆయన వ్యాఖ్యానించారు. పార్లమెంట్‌ శీతాకాల సమావేశాల సందర్భంగా గత 15 రోజులుగా లోక్‌సభ, రాజ్యసభ సమావేశాలు ఎలాంటి కార్యకలాపాలు చేపట్టకుండానే వాయిదాపడుతున్న తీరుపై ఆయన గురువారం స్పందించారు. డిఫెన్స్‌ ఎస్టేట్‌ డే సందర్భంగా ఆయన ప్రసంగిస్తూ.. సభలో చర్చించే హక్కు ఎంపీలకు ఉంటుంది కానీ.. సభను అడ్డుకొనే హక్కులేదన్నారు. పార్లమెంట్‌కు ప్రజలు వారిని పంపించింది ధర్నాలు చేసేందుకు కాదన్నారు.

సభ్యులు దేశం కోసం పనిచేయాలి కానీ దేశం కోసం చేస్తున్న పనిని విమర్శించకూడదని, ఈ మధ్యకాలంలో ప్రతి దానికీ గొడవపడడం ప్రాక్టీస్‌గా మారిందని ప్రణబ్‌ అన్నారు. సభల్లో ఎంపీలు చేస్తున్న ధర్నాలు ఎక్కడైనా చేయొచ్చు కానీ పార్లమెంట్‌లో మాత్రం అవేవీ కుదరవని, ఇక్కడ కేవలం ప్రజలకు సంబంధించిన విషయాలే మాట్లాడాలని సూచించారు.

కేంద్ర ప్రభుత్వం తీసుకున్న పెద్దనోట్ల రద్దు నిర్ణయంపై పార్లమెంట్‌ శీతాకాల సమావేశాలు ప్రారంభమైనప్పట్నుంచి విపక్షాలు ఉభయ సభల్ని స్తంభింపజేస్తున్న సంగతి తెలిసిందే. ప్రభుత్వం చర్చకు సిద్ధమని ప్రకటించినప్పటికీ విపక్షాలు శాంతించకపోవడంతో రెండు సభల్లోనూ గందరగోళ వాతావరణం నెలకొనడంతో వాయిదాల పర్వం కొనసాగుతున్న సంగతి తెలిసిందే.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.