Breaking | Feedback | ePratibha | E-PAPER | Pratibha

WI vs IND: భారత్ ఘన విజయం.. సిరీస్ ఆశలు సజీవం

విండీస్‌తో ఐదు టీ20 మ్యాచ్‌ల సిరీస్‌లో భారత్ బోణీ కొట్టింది. సిరీస్ ఆశలు సజీవంగా ఉండాలంటే తప్పక గెలవాల్సిన మూడో టీ20లో టీమ్‌ఇండియా 7 వికెట్ల తేడాతో ఘన విజయం సాధించింది. వెస్టిండీస్‌ నిర్దేశించిన 160 పరుగుల లక్ష్యాన్ని 17.5 ఓవర్లలో 3 వికెట్లు కోల్పోయి ఛేదించింది.

Updated : 08 Aug 2023 23:18 IST

08/08/2023 23:17(IST)

భారత్ ఘన విజయం

08/08/2023 22:52(IST)

సూర్య ఔట్

సెంచరీ చేసేలా కనిపించిన సూర్యకుమార్‌ యాదవ్ (83) ఔటయ్యాడు. జోసెఫ్‌ వేసిన 13 ఓవర్‌లో రెండో బంతికి సిక్స్ బాదిన అతడు.. ఫుల్ టాస్‌గా వచ్చిన నాలుగో బంతికి భారీ షాట్ ఆడి కింగ్‌కు చిక్కాడు. 13 ఓవర్లకు స్కోరు 123/3. హార్దిక్ పాండ్య (1), తిలక్ వర్మ (27) పరుగులతో ఉన్నారు.

08/08/2023 22:27(IST)

సూర్య అర్ధ శతకం

సూర్యకుమార్‌ యాదవ్‌ దూకుడుగా ఆడుతూ 23 బంతుల్లోనే అర్ధ శతకం పూర్తి చేసుకున్నాడు. షెఫర్డ్ వేసిన ఎనిమిదో ఓవర్‌లో మొదటి రెండు బంతులను బౌండరీకి పంపి హాఫ్ సెంచరీ మార్క్‌ను అందుకున్నాడు. 8 ఓవర్లకు స్కోరు 79/2. తిలక్ వర్మ (18), సూర్యకుమార్‌ (51) క్రీజులో ఉన్నారు.

08/08/2023 21:56(IST)

తొలి ఓవర్లో 16 పరుగులు ఒక వికెట్‌

లక్ష్య ఛేదనకు దిగిన భారత్‌ తొలి ఓవర్లో ఒక వికెట్‌ నష్టపోయి 16 పరుగులు చేసింది. సూర్యకుమార్‌ యాదవ్‌ (10), శుభ్‌మన్‌ గిల్‌ (4) క్రీజులో ఉన్నారు. తొలి ఓవర్లో చివరి రెండు బంతులు ఎదుర్కొన్న సూర్యకుమార్‌ వరుసగా ఫోర్‌, సిక్సర్‌ బాదాడు.

08/08/2023 21:38(IST)

విండీస్ బ్యాటింగ్ పూర్తి.. చివర్లో పావెల్ మెరుపుల్

భారత్‌తో జరుగుతున్న మూడో టీ20లో విండీస్‌ బ్యాటింగ్ పూర్తయింది. నిర్ణీత 20 ఓవర్లలో 5 వికెట్ల నష్టానికి 159 పరుగులు చేసింది. ఓపెనర్‌ బ్రాండన్ కింగ్ (42; 42 బంతుల్లో 5 ఫోర్లు, 1 సిక్స్) రాణించగా.. చివర్లో రోవ్‌మన్ పావెల్ (40*; 19 బంతుల్లో 1 ఫోర్‌, 3 సిక్స్‌లు) మెరుపులు మెరిపించాడు. కైల్ మేయర్స్ (25; 20 బంతుల్లో), నికోలస్ పూరన్ (20; 12 బంతుల్లో) ఫర్వాలేదనిపించారు. భారత బౌలర్లలో కుల్‌దీప్‌ యాదవ్ 3, అక్షర్‌ పటేల్, ముకేశ్‌ కుమార్‌ ఒక్కో వికెట్ పడగొట్టారు.

08/08/2023 21:08(IST)

మరో వికెట్

కుల్‌దీప్ యాదవ్‌ ఈ ఓవర్‌లో మరో వికెట్ పడగొట్టాడు. ఐదో బంతిని కింగ్ (42) స్ట్రెయిట్‌గా ఆడగా కుల్‌దీపే క్యాచ్‌ అందుకున్నాడు. దీంతో విండీస్ నాలుగో వికెట్ కోల్పోయింది. 15 ఓవర్లకు స్కోరు 106/4. పావెల్ (1), హెట్‌మయర్ (0) క్రీజులో ఉన్నారు.

08/08/2023 21:05(IST)

పూరన్‌ దొరికిపోయాడు

నికోలస్ పూరన్ (20; 12 బంతుల్లో) ఔటయ్యాడు. కుల్‌దీప్‌ యాదవ్ వేసిన 15 ఓవర్‌లో తొలి బంతికి భారీ షాట్‌ ఆడేందుకు ముందుకు వచ్చాడు. బంతి బ్యాట్‌కు తాకకపోవడంతో వికెట్ కీపర్‌ శాంసన్‌ వికెట్లను గిరాటేశాడు. దీంతో 105 పరుగుల వద్ద విండీస్ మూడో వికెట్ కోల్పోయింది.

08/08/2023 20:48(IST)

చార్లెస్ ఔట్

జాన్సన్ చార్లెస్ (12) ఔటయ్యాడు. కుల్‌దీప్‌ యాదవ్‌ వేసిన 10.5 ఓవర్‌కు వికెట్ల ముందు దొరికిపోయాడు. తొలుత అంపైర్‌ నాటౌట్‌ ఇవ్వగా.. భారత్‌ రివ్యూకు వెళ్లింది. అక్కడ చార్లెస్‌ ఔట్‌ అని తేలడంతో విండీస్‌ రెండో వికెట్ కోల్పోయింది. 11 ఓవర్లకు స్కోరు 76/2. కింగ్ (33), పూరన్ (1) పరుగులతో ఉన్నారు.

08/08/2023 20:34(IST)

తొలి వికెట్

దూకుడుగా ఆడుతున్న కైల్ మేయర్స్‌ (25)కు అక్షర్‌ పటేల్ చెక్‌ పెట్టాడు. అతడు వేసిన ఎనిమిదో ఓవర్‌లో మూడో బంతికి ఫోర్ బాదిన మేయర్స్‌.. నాలుగో బంతికి భారీ షాట్ ఆడి అర్ష్‌దీప్‌ సింగ్‌కు చిక్కాడు. దీంతో 55 పరుగుల వద్ద విండీస్‌ తొలి వికెట్ కోల్పోయింది. 8 ఓవర్లకు స్కోరు 56/1. కింగ్ (29), జాన్సన్ చార్లెస్ (0) క్రీజులో ఉన్నారు.

08/08/2023 19:41(IST)

ఇషాన్‌ కిషన్‌ స్థానంలో యశస్వి జైస్వాల్‌

భారత్‌ తుది జట్టు:

శుభ్‌మన్‌ గిల్, యశస్వి జైస్వాల్, సూర్యకుమార్ యాదవ్, తిలక్ వర్మ, హార్దిక్ పాండ్య (కెప్టెన్‌), సంజు శాంసన్(వికెట్ కీపర్‌), అక్షర్ పటేల్, కుల్‌దీప్ యాదవ్, అర్ష్‌దీప్ సింగ్, యుజ్వేంద్ర చాహల్, ముకేష్ కుమార్

08/08/2023 19:38(IST)

వెస్టిండీస్ తుది జట్టు:

బ్రాండన్ కింగ్, కైల్ మేయర్స్, జాన్సన్ చార్లెస్, నికోలస్ పూరన్(వికెట్‌ కీపర్‌), రోవ్‌మన్ పావెల్ (కెప్టెన్‌), షిమ్రాన్ హెట్‌మయర్, రొమారియో షెఫర్డ్, రోస్టన్ చేజ్, అకీల్ హోసేన్, అల్జారీ జోసెఫ్, ఒబెడ్ మెకాయ్

08/08/2023 19:30(IST)

యశస్వి జైస్వాల్ అరంగేట్రం

ఐపీఎల్‌లో అదరగొట్టి విండీస్‌ టూర్‌కు ఎంపికైన యశస్వి జైస్వాల్ ఈ మ్యాచ్‌తో టీ20ల్లో అరంగేట్రం చేయనున్నాడు. వెస్టిండీస్‌తో టెస్టు సిరీస్‌లో యశస్వి తుది జట్టులో చోటు దక్కించుకుని సెంచరీ (తొలి టెస్టులో) బాదిన విషయం తెలిసిందే.

08/08/2023 19:02(IST)

వారి ప్రదర్శనపైనే దృష్టి.. ఈసారి హార్దిక్‌ నిర్ణయాలు ఎలా ఉంటాయో?

వచ్చే ఏడాది జరగనున్న టీ20 ప్రపంచకప్‌ కోసం జట్టును సిద్ధం చేయడంపై దృష్టిపెట్టిన భారత్‌కు ఏదీ కలిసిరావడం లేదు. ఆటగాళ్ల ఎంపిక నుంచి వారిని సరిగ్గా వినియోగించుకోవడం వరకు తప్పిదాలు కొనసాగుతూనే ఉన్నాయి. తాజాగా వెస్టిండీస్‌తో పొట్టి సిరీస్‌లోనూ భారత ప్రదర్శన నిరుత్సాహానికి గురి చేస్తోంది. ఐపీఎల్‌లో కెప్టెన్‌గా బాధ్యతలు చేపట్టిన తొలిసారే గుజరాత్‌ టైటాన్స్‌ను ఛాంపియన్‌గా నిలిపిన హార్దిక్ పాండ్య.. విండీస్‌తో సిరీస్‌లో తీసుకుంటున్న నిర్ణయాలు మాత్రం విమర్శలకు దారితీసింది. పూర్తి వార్త కోసం క్లిక్‌ చేయండి

08/08/2023 19:01(IST)

కనీసం పిచ్‌పై గ్రాస్‌ లేదు.. నెట్స్‌ కూడా పాతవే: అశ్విన్

‘మేం విలాసాలు కోరుకోవడం లేదు. కనీస సౌకర్యాలు కల్పించండి చాలు’.. ఇదీ అని వెస్టిండీస్‌తో సిరీస్‌ సందర్భంగా కెప్టెన్‌ హార్దిక్‌ పాండ్య చేసిన విన్నపం. ఇదే అంశంపై భారత సీనియర్‌ స్పిన్నర్ రవిచంద్రన్ అశ్విన్‌ తన యూట్యూబ్‌ ఛానెల్‌లో స్పందించాడు. అశ్విన్‌ కూడా విండీస్‌తో టెస్టు సిరీస్‌లో ఆడిన విషయం తెలిసిందే. పూర్తి వార్త కోసం క్లిక్‌ చేయండి

08/08/2023 18:33(IST)

ఆ సంబరాలు ఆమె కోసమే

అంతర్జాతీయ కెరీర్‌ను గొప్పగా ఆరంభించిన హైదరాబాదీ బ్యాటర్‌ తిలక్‌వర్మ.. విండీస్‌తో రెండో టీ20లో తొలి అర్ధశతకం అందుకున్నాడు. ఈ మైలురాయి చేరుకున్న తర్వాత.. రెండు చేతులూ ఆడిస్తూ సంబరాలు చేసుకున్నాడు. ఆ సంబరాలు సమైరా (రోహిత్‌ శర్మ తనయ)కు అంకితమని మ్యాచ్‌ తర్వాత తిలక్‌ వెల్లడించాడు. పూర్తి వార్త కోసం క్లిక్ చేయండి

08/08/2023 18:32(IST)

ఓడితే.. అంతే!

టీమ్‌ఇండియా నిండా స్టార్‌ ఆటగాళ్లే! ఒంటి చేత్తో ఫలితం మార్చే వీరులున్నారు. క్రీజులో నిలబడి భారీ ఇన్నింగ్స్‌ ఆడే బ్యాటర్లు.. వికెట్ల వేటలో సాగే బౌలర్లున్నారు. కానీ సమష్టితత్వం.. గెలవాలన్న కసి.. గెలిపించాలన్న బాధ్యత కనిపించడం లేదు. వెరసి వెస్టిండీస్‌తో టీ20 సిరీస్‌లో 0-2తో వెనుకంజ. ఇలాంటి పరిస్థితుల్లో సిరీస్‌ ఆశలు నిలవాలంటే తప్పక గెలవాల్సిన పోరుకు భారత్‌ సిద్ధమైంది. మూడో టీ20 నేడే. మరి హార్దిక్‌ సేన పుంజుకుంటుందా?పూర్తి వార్త కోసం క్లిక్‌ చేయండి

WI vs IND: భారత్ ఘన విజయం.. సిరీస్ ఆశలు సజీవం

తాజా వార్తలు (Latest News)

అమెరికాలో జలపాతంలో మునిగి ఇద్దరు తెలుగు విద్యార్థుల మృతి

ముంబయిని ఓడించి.. ప్లేఆఫ్స్‌కు కోల్‌కతా

నేటి రాశి ఫలాలు.. 12 రాశుల ఫలితాలు ఇలా... (12/05/24)

ఖుషీ-జాన్వీకపూర్‌ల ఉత్సాహం.. చీరకట్టులో దివి హొయలు

భారతీయ విలువలు చూసి ఆశ్చర్యపోయా.. జపాన్‌ కంపెనీ సీఈఓ

సుఖీభవ

చదువు