Breaking | Feedback | ePratibha | E-PAPER | Pratibha

WI vs IND: టీమ్‌ఇండియా ఘన విజయం.. 2-2తో సిరీస్‌ సమం

వెస్టిండీస్‌తో కీలకమైన నాలుగో టీ20లో భారత్‌ అదరగొట్టింది. విండీస్‌పై టీమ్‌ఇండియా 9 వికెట్ల తేడాతో ఘన విజయం సాధించి సిరీస్‌ను 2-2తో సమం చేసింది.

Updated : 12 Aug 2023 23:27 IST

12/08/2023 23:24(IST)

భారత్ ఘన విజయం

నాలుగో టీ20లో విండీస్‌పై టీమ్‌ఇండియా 9 వికెట్ల తేడాతో ఘన విజయం సాధించి సిరీస్‌ను 2-2తో సమం చేసింది. కరీబియన్‌ జట్టు నిర్దేశించిన 179 పరుగుల లక్ష్యాన్ని భారత్.. 17 ఓవర్లలో ఒకే వికెట్ కోల్పోయి ఛేదించింది. ఓపెనర్లు శుభ్‌మన్ గిల్ (77), యశస్వి జైస్వాల్ (84*) వీరవిహారం చేశారు.

12/08/2023 22:47(IST)

గిల్, యశస్వి అర్ధ శతకాలు

రోవ్‌మన్ పావెల్ వేసిన 11 ఓవర్‌లో శుభ్‌మన్‌ గిల్, యశస్వి జైస్వాల్ అర్ధ శతకం పూర్తి చేసుకున్నారు. గిల్ 30 బంతుల్లో, యశస్వి 33 బంతుల్లో హాఫ్‌ సెంచరీ మార్క్‌ను అందుకున్నారు. యశస్వికి టీ20ల్లో ఇది తొలి హాఫ్‌ సెంచరీ. 11 ఓవర్లకు స్కోరు 113/0.

12/08/2023 22:09(IST)

శుభ్‌మన్‌ సిక్సర్‌

మెకాయ్‌ వేసిన నాలుగో ఓవర్లో శుభ్‌మన్‌ గిల్‌ సిక్సర్‌ బాదాడు. 3.5వ బంతికి డీప్‌ మిడ్‌వికెట్‌ మీదుగా బంతిని బౌండరీ దాటించాడు. దీంతో ఈ ఓవర్లో మొత్తం 9 పరుగులు వచ్చాయి. జైశ్వాల్‌ (25), గిల్‌ (12) క్రీజులో ఉన్నారు. 4 ఓవర్లకు స్కోరు 37/0.

12/08/2023 21:39(IST)

భారత్‌ ముందు భారీ లక్ష్యం

భారత్‌తో జరుగుతున్న నాలుగో టీ20లో విండీస్ భారీ స్కోరు చేసింది. నిర్ణీత 20 ఓవర్లలో ఆ జట్టు 8 వికెట్ల నష్టానికి 178 పరుగులు చేసింది. హెట్‌మయర్ (61; 39 బంతుల్లో 3 ఫోర్లు, 4 సిక్స్‌లు) అర్ధ శతకం బాదాడు. షై హోప్‌ (45; 29 బంతుల్లో 3 ఫోర్లు, 2 సిక్స్‌లు) రాణించాడు. ఓపెనర్లు కైల్ మేయర్స్ (17), బ్రాండన్ కింగ్ (18) పరుగులు చేశారు. నికోలస్ పూరన్ (1), రోవ్‌మన్‌ పావెల్ (1) సింగిల్ డిజిట్‌కే పరిమితమయ్యారు. భారత బౌలర్లలో అర్ష్‌దీప్‌ సింగ్ 3, కుల్‌దీప్ యాదవ్ 2, అక్షర్‌ పటేల్, ముకేశ్ కుమార్ ఒక్కో వికెట్ పడగొట్టారు.

12/08/2023 21:12(IST)

ఏడో వికెట్

విండీస్ ఏడో వికెట్ కోల్పోయింది. ముకేశ్‌ కుమార్ వేసిన 15.3 ఓవర్‌కు జేసన్ హోల్డర్ (3) క్లీన్‌బౌల్డ్ అయ్యాడు. తర్వాత నాలుగో బంతి నో బాల్. ఫ్రీ హిట్‌ను హెట్‌మయర్ (36) సిక్సర్‌గా మలిచాడు. 16 ఓవర్లకు స్కోరు 132/7. ఒడియన్ స్మిత్ (1) క్రీజులో ఉన్నాడు.

12/08/2023 20:42(IST)

వరుసగా ఫోర్‌, సిక్స్‌

వరుసగా వికెట్లు కోల్పోయి కష్టాల్లో పడిన విండీస్‌ను షై హోప్ (37) ఆదుకుంటున్నాడు. చాహల్‌ వేసిన 10వ ఓవర్‌లో తొలి రెండు బంతులకు వరుసగా ఫోర్, సిక్స్‌ బాదాడు. 10 ఓవర్లకు స్కోరు 79/4. హెట్‌మయర్ (5) పరుగులతో ఉన్నాడు.

12/08/2023 20:32(IST)

మరో వికెట్

కుల్‌దీప్‌ యాదవ్‌ విండీస్‌కు మరో షాకిచ్చాడు.అతడు వేసిన 6.5 ఓవర్‌కు రోవ్‌మన్ పావెల్ (1) ఔటయ్యాడు. పావెల్ స్లిప్‌లో శుభ్‌మన్‌ గిల్‌కు చిక్కాడు. దీంతో విండీస్‌ నాలుగు పరుగుల వ్యవధిలో మూడు వికెట్లు కోల్పోయింది. 7 ఓవర్లకు స్కోరు 57/4. హోప్ (20), హెట్‌మయర్‌ (0) క్రీజులో ఉన్నారు.

12/08/2023 20:22(IST)

సిక్స్.. వెంటనే ఔట్

అర్ష్‌దీప్‌ సింగ్ రెండో వికెట్ ఖాతాలో వేసుకున్నాడు. అతడు వేసిన ఆరో ఓవర్‌లో మూడో బంతికి సిక్స్‌ బాదిన బ్రాండన్ కింగ్ (18).. తర్వాతి బంతికి కుల్‌దీప్‌ యాదవ్‌కు క్యాచ్‌ ఇచ్చాడు. పవర్‌ ప్లే పూర్తయ్యేసరికి స్కోరు 55/2. నికోలస్ పూరన్ (1), హోప్ (19) పరుగులతో ఉన్నారు.

12/08/2023 20:09(IST)

మేయర్స్‌ ఔట్

కైల్ మేయర్స్‌ (17; 7 బంతుల్లో) దూకుడుకు అర్ష్‌దీప్‌ సింగ్ చెక్‌ పెట్టాడు. అతడు వేసిన రెండో ఓవర్‌లో మూడో బంతికి ఫోర్ బాదిన మేయర్స్.. తర్వాతి బంతికే వికెట్ కీపర్‌ శాంసన్‌కు క్యాచ్‌ ఇచ్చాడు. 2 ఓవర్లకు విండీస్‌ స్కోరు 19/1. బ్రాండన్ కింగ్ (2), షై హోప్‌ (0) క్రీజులో ఉన్నారు.

12/08/2023 19:35(IST)

టాస్ గెలిచిన వెస్టిండీస్‌..భారత్‌ సిరీస్‌ను సమం చేస్తుందా?

వెస్టిండీస్, భారత్‌ మధ్య మరికాసేపట్లో కీలకమైన నాలుగో టీ20 ప్రారంభంకానుంది. అమెరికాలోని ఫ్లోరిడా ఈ మ్యాచ్‌కు ఆతిథ్యమిస్తోంది. విండీస్‌ కెప్టెన్‌ రోవ్‌మన్‌ పావెల్ టాస్‌ గెలిచి తొలుత బ్యాటింగ్‌ చేయాలని నిర్ణయించుకున్నాడు. ఐదు టీ20ల సిరీస్‌లో మొదటి రెండు మ్యాచ్‌ల్లో విండీస్‌ గెలవగా.. మూడో టీ20లో భారత్ నెగ్గింది. ఈ మ్యాచ్‌లో విజయం సాధించి సిరీస్‌ను 2-2తో సమం చేయాలని లక్ష్యంతో టీమ్‌ఇండియా బరిలోకి దిగుతోంది.

12/08/2023 17:53(IST)

‘యూఎస్ఏ’ పేరు వినగానే మీకేమనిపిస్తుంది..? భారత క్రికెటర్లు ఎవరేం చెప్పారంటే?

భారత క్రికెట్ జట్టు ప్రస్తుతం విండీస్‌తో టీ20 సిరీస్‌ ఆడుతోంది. ఐదు టీ20ల సిరీస్‌లో భాగంగా చివరి రెండు మ్యాచ్‌లు ఆడేందుకు టీమ్‌ఇండియా క్రికెటర్లు యూఎస్‌ఏకు చేరుకున్న విషయం తెలిసిందే. ఫ్లోరిడాలోని లాడర్‌హిల్స్ వేదికగా నాలుగో టీ20 మ్యాచ్‌ రాత్రి 8 గంటలకు ప్రారంభం కానుంది. ఈ సందర్భంగా క్రికెటర్లను యూఎస్ఏ పేరు వినిపించగానే ఏమనిపిస్తుందని చెప్పమంటూ సరదాగా చేసిన వీడియోను బీసీసీఐ తన ట్విటర్‌లో పోస్టు చేసింది. పూర్తి వార్త కోసం క్లిక్‌ చేయండి

12/08/2023 17:52(IST)

త్వరలోనే కొత్త పాత్రలోకి యువ బ్యాటర్లు: భారత బౌలింగ్‌ కోచ్ పరాస్ మాంబ్రే

వెస్టిండీస్‌ పర్యటనలో భారత్ విభిన్న ప్రయోగాలు చేస్తున్న సంగతి తెలిసిందే. యువకులతో కూడిన జట్టుతోనే టీ20 సిరీస్ ఆడుతోంది. యువ క్రికెటర్లు యశస్వి జైస్వాల్, తిలక్ వర్మ అరంగేట్రం చేశారు. మూడు మ్యాచుల్లోనూ తిలక్ అదరగొట్టే ప్రదర్శన ఇచ్చాడు. ఇవాళ ఫ్లోరిడా వేదికగా నాలుగో టీ20 మ్యాచ్‌ జరగనుంది. సిరీస్‌ రేసులో నిలవాలంటే భారత్‌ తప్పనిసరిగా విజయం సాధించాలి. పూర్తి వార్త కోసం క్లిక్ చేయండి

12/08/2023 17:51(IST)

ఒక్కో పోస్టుకు రూ. 11.45 కోట్లు.. స్పందించిన విరాట్ కోహ్లీ

సామాజిక మాధ్యమాల్లో అత్యంత ప్రజాదరణ కలిగిన క్రికెటర్‌ విరాట్ కోహ్లీ. అతడు ఇన్‌స్టాగ్రామ్‌లో ఒక్కో పోస్టుకు రూ. 11.45 కోట్లు ఆర్జిస్తాడనే వార్తలు నెట్టింట వైరల్‌గా మారాయి. ఈ జాబితాలో టాప్‌-25లో ఉన్న ఏకైక భారతీయుడు కోహ్లీనేనని హాపర్ హెచ్‌ క్యూ అనే సంస్థ వెల్లడించింది. అయితే, తాను చేసే పోస్టుపై వచ్చే సంపాదన గురించి తాజాగా విరాట్ కోహ్లీ స్పందించాడు. పూర్తి వార్త కోసం క్లిక్‌ చేయండి

12/08/2023 17:50(IST)

సూర్యపై నమ్మకముంది.. పాండ్య ధోనీ కానక్కర్లేదు.. భారత్‌పై ఒత్తిడి ఎక్కువే

వెస్డిండీస్‌తో మూడో టీ20 మ్యాచ్‌లో కీలక ఇన్నింగ్స్‌ ఆడిన సూర్యకుమార్ యాదవ్‌ భారత్‌ను గెలిపించాడు. నేడు విండీస్‌తో నాలుగో మ్యాచ్‌ కోసం భారత్‌ సిద్ధమవుతోంది. టీ20ల్లో అదరగొడుతున్న సూర్య వన్డేల్లో మాత్రం గొప్ప ప్రదర్శన ఇవ్వలేకపోతున్నాడు. దీంతో వచ్చే వన్డే ప్రపంచ కప్‌ జట్టులో స్థానం దక్కడంపై అనుమానాలు నెలకొన్నాయి. ఈ క్రమంలో కెప్టెన్ రోహిత్ శర్మ మాత్రం సూర్యకుమార్‌పై నమ్మకం ఉందని పేర్కొన్నాడు. పూర్తి వార్త కోసం క్లిక్‌ చేయండి

12/08/2023 17:49(IST)

సమమా.. సమర్పణమా?

అనుకున్నట్లే టీ20ల్లో వెస్టిండీస్‌ జట్టు తన బలాన్ని చూపించింది. తొలి రెండు మ్యాచ్‌ల్లో విజయాలతో టీమ్‌ఇండియాకు షాకులిచ్చింది. మరో ఓటమి ఎదురైతే సిరీస్‌ చేజారే స్థితిలో బలంగా పుంజుకున్న హార్దిక్‌ సేన.. మూడో టీ20లో నెగ్గి హమ్మయ్య అనుకుంది. కానీ కథ అంతటితో అయిపోలేదు. నాలుగో టీ20కి ముందు కూడా అదే పరిస్థితి. ఈ మ్యాచ్‌ ఓడినా సిరీస్‌ పోతుంది. కాబట్టి పట్టుదలను, తీవ్రతను కొనసాగిస్తూ మరో విజయం సాధించి సిరీస్‌ను సమం చేయాల్సిన బాధ్యత భారత జట్టుపై ఉంది. మరి చివరి రెండు టీ20ల కోసం అమెరికాలో అడుగు పెట్టిన భారత జట్టుకు ఇక్కడ ఎలాంటి స్వాగతం లభిస్తుందో చూడాలి. పూర్తి వార్త కోసం క్లిక్ చేయండి

WI vs IND: టీమ్‌ఇండియా ఘన విజయం.. 2-2తో సిరీస్‌ సమం

తాజా వార్తలు (Latest News)

అయిదేళ్ల పాలన.. అంతులేని వేదన.. తలరాతలు మార్చుకునే తరుణమిదే

అరకులో కూటమికే మొగ్గు!.. ఈ పార్లమెంటు బరిలో వైకాపా ఎదురీత

ఖండాంతరాలు దాటి ఓట్ల పండగకు.. సొంత ఊర్లకు చేరుకుంటున్న ప్రవాసాంధ్రులు

నేడు 13 జిల్లాల్లో భారీ వర్షాలకు అవకాశం

అతివలు మెచ్చేలా.. అందరూ వచ్చేలా: మహిళా మోడల్‌ పోలింగ్‌ బూత్‌ ఏర్పాటు

జగన్‌ సభలకేనా బస్సులు.. ఓటేసే వారికి ఉండవా!

సుఖీభవ

చదువు