Central Government Jobs: 2,049 పోస్టులకు ఎస్‌ఎస్‌సీ నోటిఫికేషన్‌.. దరఖాస్తులు షురూ

Central Government Jobs| దిల్లీ: కేంద్ర ప్రభుత్వశాఖల్లోని వివిధ విభాగాల్లో ఖాళీగా ఉన్న ఉద్యోగాల భర్తీకి స్టాఫ్‌ సెలక్షన్‌ కమిషన్‌ (SSC) నోటిఫికేషన్‌ విడుదల చేసింది. మొత్తం 2, 049 పోస్టులకు అర్హులైన వారి నుంచి ఆన్‌లైన్‌లో https://ssc.gov.in/ దరఖాస్తులు స్వీకరిస్తోంది. పదో తరగతి, ఇంటర్‌, డిగ్రీ, పీజీ అర్హత కలిగిన వారు ఆయా పోస్టులకు అర్హులుగా పేర్కొంది. నోటిఫికేషన్‌లో కొన్ని ముఖ్యాంశాలివే..

ఎస్‌ఎస్‌సీ కొత్త వెబ్‌సైట్‌ ఇదే.. OTR మళ్లీ ఇలా చేసుకోండి!

• ఫిబ్రవరి 26న మొదలైన ఆన్‌లైన్‌ దరఖాస్తుల ప్రక్రియ మార్చి 18వరకు కొనసాగనుంది. ఆన్‌లైన్‌ దరఖాస్తు ఫీజు పేమెంట్‌కు 19వరకు గడువు ఉంది. దరఖాస్తుల్లో సవరణలు చేసుకొనేందుకు మార్చి 22 నుంచి 24 వరకు ఛాన్స్‌. 
• ఈ ఉద్యోగాలకు దరఖాస్తు చేసుకొనేందుకు కనీసం  18 ఏళ్లు నుంచి గరిష్ఠంగా 30 ఏళ్ల వయసు లోపువారు అర్హులు. కేటగిరీల వారీగా వయో సడలింపు కల్పించారు. ఎస్సీ/ఎస్టీలకు ఐదేళ్లు, ఓబీసీలు, ఎక్స్‌సర్వీస్‌మెన్‌లకు మూడేళ్లు, దివ్యాంగులకు 10 ఏళ్లు. 
• దరఖాస్తు రుసుం: జనరల్‌/ఓబీసీ/ఈడబ్ల్యూఎస్‌ అభ్యర్థులకు రూ.100. ఎస్సీ/ఎస్టీ/దివ్యాంగులు/మహిళలు/ఎక్స్‌సర్వీస్‌మెన్‌ కేటగిరీకి చెందిన వారికి మినహాయింపు.
• ఎంపిక ప్రక్రియ: కంప్యూటర్ ఆధారిత పరీక్ష, డాక్యుమెంట్‌ వెరిఫికేషన్‌ ఆధారంగా ఎంపిక ఉంటుంది. 
• మే 6 నుంచి 8 వరకు కంప్యూటర్‌ ఆధారిత పరీక్షలు జరుగుతాయి. తప్పు సమాధానానికి అర మార్కు కోత విధిస్తారు.
• ఉద్యోగ హోదాలను బట్టి పే స్కేలు ఉంటుంది. 

ఉద్యోగ ఖాళీలు, హోదా, విద్యార్హతలు వేతనం, వయో పరిమితి, ఖాళీల సంఖ్య తదితర పూర్తి వివరాలను ఈ కింది లింక్‌పై క్లిక్‌ చేసి పీడీఎఫ్‌లో చూడొచ్చు.

నోటిఫికేషన్‌ కోసం క్లిక్‌ చేయండి