Sadineni Yamini: ఏపీకి పెట్టుబడులు వస్తుంటే ఏడుపెందుకు..?

భాజపా రాష్ట్ర అధికార ప్రతినిధి యామినీశర్మ

ఈనాడు, అమరావతి: మోదీ ప్రభుత్వ పాలసీలు, సంస్కరణలు, రాయితీల వల్ల దేశానికి పెద్ద ఎత్తున పెట్టుబడులు వస్తుంటే కాంగ్రెస్‌ పార్టీ జీర్ణించుకోలేకపోతోందని, చంద్రబాబు విజన్‌ వల్ల ఏపీ అభివృద్ధి చెందుతుంటే అడ్డుకోడానికి వైకాపా కుట్రలు పన్నుతోందని భాజపా రాష్ట్ర అధికార ప్రతినిధి యామినీశర్మ విమర్శించారు. భాజపా రాష్ట్ర కార్యాలయంలో గురువారం విలేకర్ల సమావేశంలో మాట్లాడారు. కర్ణాటకలో కాంగ్రెస్‌ ప్రభుత్వానికి స్థిరత్వం లేక ప్రాజెక్టులను కోల్పోతోందని, అవినీతిలో కూరుకుపోయిన ఆ పార్టీ నాయకులు ఏపీలో అభివృద్ధిని చూసి ఓర్వలేక ఏడుస్తున్నారని ఎద్దేవా చేశారు. ఎన్డీయే పాలకుల విజన్‌ వల్ల విశాఖకు గూగుల్‌ ఏఐ డేటా సెంటర్‌ వచ్చిందన్నారు. ఇన్నాళ్లూ ప్రతిపక్ష హోదా కావాలని గోల చేసిన జగన్‌.. తుపానుతో రాష్ట్ర ప్రజలు అల్లాడుతుంటే ఎక్కడికెళ్లారని యామినీశర్మ ప్రశ్నించారు.