ఈ దండలను ఎంచక్కా తినేయొచ్చు!

పాయసంలోకి కమ్మని రుచిని ఇచ్చేది జీడిపప్పు. అదే జీడిపప్పుతో చేసిన దండలను నూతన వధూవరులు, రాజకీయ నాయకుల మెడలో వేస్తే ప్రత్యేకమే కదా. జీడిపప్పునకు పేరుగాంచిన బాపట్ల జిల్లా వేటపాలెంలో ఈ తరహా దండలను తయారుచేస్తున్నారు. ఇందుకోసం జీడిపప్పు గుండ్లు మాత్రమే వినియోగిస్తారు. వీటిని చాలా ఓర్పుతో పూలు కట్టినట్లు కడతారు. ఏ మాత్రం అజాగ్రత్తగా ఉన్నా గుండు చిట్లిపోయి దండకు పనికిరాకుండా పోతుంది. నాలుగు కిలోల నుంచి పది కిలోల వరకు ఇలా కడతారు. ప్రస్తుతం జీడిపప్పు బొకేలు కూడా వచ్చాయి. ఖర్చుతో కూడుకున్నా చూపరులను ఆకర్షించేలా ఉంటాయి.

న్యూస్‌టుడే, వేటపాలెం