ముక్కంటికి కార్తిక హారతి

స్వామి, అమ్మవార్లకు హారతులు ఇస్తున్న అర్చకులు  

శ్రీశైలం ఆలయం, న్యూస్‌టుడే: ప్రముఖ శైవక్షేత్రం శ్రీశైలంలో కార్తిక మాసోత్సవాలు వైభవంగా సాగుతున్నాయి. రెండో కార్తిక సోమవారాన్ని పురస్కరించుకొని ఆలయ పుష్కరిణి వద్ద నిర్వహించిన లక్ష దీపోత్సవం కనుల పండువగా జరిగింది. సాయంత్రం ఆలయ పుష్కరిణి వద్ద దేవస్థానం ఆధ్వర్యంలో కార్తిక దీపాలు వెలిగించారు. స్వామి, అమ్మవార్ల ఉత్సవమూర్తులను వేదికపై కొలువుదీర్చారు. అర్చకులు, వేదపండితులు శాస్త్రోక్తంగా స్వామి, అమ్మవార్లకు పూజలు చేసి దశవిధ హారతులు సమర్పించారు. తర్వాత భక్తులు పుష్కరిణి మెట్లపై దీపాలు వెలిగించారు. 

పుష్కరిణికి హారతి ఇస్తున్న అర్చకుడు