Cyclone Montha: మొంథా ఎఫెక్ట్‌.. చెట్టు కూలి మహిళ మృతి

మామిడికుదురు: కాకినాడ తీరం దిశగా దూసుకువస్తున్న ‘మొంథా’ తీవ్ర తుపాను కారణంగా ఈదురుగాలులు బలంగా వీస్తున్నాయి. కోనసీమ జిల్లా మామిడికుదురు మండలం మాకనపాలెంలో చెట్టు కూలి వీరవేణి అనే మహిళ మృతి చెందింది. అనకాపల్లి జిల్లా నర్సీపట్నం మండలంలో తీవ్ర తుపాను తీవ్ర ప్రభావం చూపుతోంది. బలిఘట్టం రాజరాజేశ్వరి పర్వతంపై గుడిసెల్లో నివసిస్తున్న వారిని అధికారులు తరలించారు. మొత్తం 55 మందిని పునరావాస కేంద్రాలకు తరలించినట్లు వెల్లడించారు. తుపాను దృష్ట్యా ముందస్తు చర్యల్లో భాగంగా పశ్చిమగోదావరి జిల్లా నరసాపురం వలంధర రేవు- సఖినేటిపల్లి మధ్య పంటు సేవలను నిలిపివేశారు. అల్లూరి జిల్లా పాడేరు మండలం నందిగరువులో చెట్టు కూలడంతో విద్యుత్‌ స్తంభాలు విరిగిపడ్డాయి. బాపట్ల జిల్లా చీరాల మండలం వాడరేవు తీరంలో రాకాసి అలలు ఎగసిపడుతున్నాయి.