కాశీబుగ్గకు జనసేన ఎమ్మెల్యేలు

ఈనాడు, అమరావతి: కాశీబుగ్గకు జనసేన ఎమ్మెల్యేలు, పార్టీ నాయకులు వెళ్లాలని పార్టీ అధ్యక్షుడు పవన్‌కల్యాణ్‌ ఆదేశించారు. మృతుల కుటుంబాలను పరామర్శించి, ధైర్యం చెప్పడంతో పాటు క్షతగాత్రులకు మెరుగైన వైద్యం అందేలా చూడాలని సూచించారు. ఎమ్మెల్యేలు వంశీకృష్ణ శ్రీనివాస్, నిమ్మక జయకృష్ణ, లోకం నాగమాధవిలకు ఈ పని అప్పగించారు. వీరు ఘటనకు గల కారణాలు పరిశీలించి పవన్‌ కల్యాణ్‌కు నివేదిక ఇవ్వనున్నారు. పార్టీ నాయకులు చంద్రమోహన్, కొరికాన రవికుమార్, దానేటి శ్రీధర్, గేదెల చైతన్యలనూ అక్కడికి వెళ్లాలని,  సేవలు అందించాలని పవన్‌కల్యాణ్‌ సూచించారు.