Breaking | Feedback | ePratibha | E-PAPER | Pratibha

Apple Diwali sale: యాపిల్‌ దీపావళి సేల్‌ షురూ.. ఐఫోన్‌ 15 కొనుగోలుపై ఇయర్‌ బడ్స్‌ ఫ్రీ

By Business News Team Updated : 03 Oct 2024 11:51 IST

Font size

ABC MEDIUM
ABC LARGE
ABC EXTRA LARGE

1 min read

Apple Diwali sale | ఇంటర్నెట్‌ డెస్క్‌: ప్రముఖ టెక్‌ సంస్థ యాపిల్‌ (Apple) భారత్‌లో దీపావళి సేల్‌ను ప్రారంభించింది. ప్రత్యేక డిస్కౌంట్లు, బ్యాంక్‌ ఆఫర్లతో ఈ డీల్‌ తీసుకొచ్చింది. ఐఫోన్లతో పాటు, మ్యాక్‌బుక్‌, ఐప్యాడ్‌.. ఇలా పలురకాల యాపిల్‌ ఉత్పత్తులపై పెద్దఎత్తున రాయితీలు అందిస్తోంది. ఐఫోన్‌ 15 (iPhone 15) కొనుగోలు చేసినవారికి ఉచితంగా బీట్స్‌ సోలో బడ్స్‌ ఇవ్వనున్నట్లు తెలిపింది.

యాపిల్‌ దీపావళి సేల్‌లో కార్డులపై రూ.10వేల వరకు ఇన్‌స్టంట్‌ డిస్కౌంట్లు అందిస్తున్నట్లు యాపిల్‌ తన అధికారిక వెబ్‌సైట్లో పేర్కొంది. అమెరికన్‌ ఎక్స్‌ప్రెస్‌, యాక్సిస్‌ బ్యాంక్‌, ఐసీఐసీఐ బ్యాంక్‌ కార్డుదారులు మాత్రమే ఈ ప్రయోజనాలు పొందొచ్చు. ఇన్‌స్టంట్‌ డిస్కౌంట్‌తో పాటు కార్డ్‌ హోల్టర్లకు 12 నెలల పాటు నో కాస్ట్‌ ఈఎంఐ సదుపాయం జోడించింది. ఇక ఐఫోన్16 సిరీస్‌ మొబైల్స్‌పై రూ.5వేలు, మ్యాక్‌బుక్‌ ఎయిర్‌ ఎం3, మ్యాక్‌బుక్‌ ప్రో పై రూ.10వేల వరకు రాయితీ అందిస్తోంది.

మార్కెట్‌కు గండాలున్నాయి.. జాగ్రత్త

మ్యాక్‌బుక్‌ ఎయిర్‌ ఎం2పై రూ.8వేలు వరకు క్యాష్‌బ్యాక్‌ అందిస్తున్నట్లు యాపిల్‌ ప్రకటించింది. ఇక ఐఫోన్‌ 15 (iPhone 15) కొనుగోలు చేసేవారికి బీట్స్‌ సోలో బడ్స్‌ ఉచితంగా ఇస్తోంది. అయితే ఈ ఆఫర్‌ అక్టోబర్‌4 వరకు మాత్రమే అందుబాటులో ఉంటుందని స్పష్టంచేసింది. ఐప్యాడ్‌, యాపిల్‌ వాచ్‌లపై రూ.6వేలు వరకు క్యాష్‌బ్యాక్‌ ప్రకటించింది. ఇక ఎయిర్‌పాడ్‌లపై రూ.4వేలు వరకు ఇన్‌స్టంట్‌ క్యాష్‌బ్యాక్‌ ఇస్తున్నట్లు తెలిపింది. ఎక్స్ఛేంజీ ఆఫర్లను కూడా అందిస్తోంది. ఎంపిక చేసిన వస్తువుల కొనుగోళ్లపై మూడు నెలల యాపిల్‌ మ్యూజిక్‌ సబ్‌స్క్రిప్షన్‌ ఉచితంగా ఇస్తున్నట్లు తెలిపింది.

► Read latest Business News and Telugu News

► Follow us on Facebook, Twitter, Instagram & Google News.

Tags :

Published : 03 Oct 2024 11:32 IST

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.