Luxury Car: సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం.
ఇంటర్నెట్ డెస్క్: సొంతంగా కారును కొనుగోలు చేసి దానిలో తమ దైనందిన కార్యక్రమాలకు వెళ్లడానికి చాలా మంది ఆసక్తి చూపుతారు. మరికొందరు ఏదో ఒక కారు అని కాకుండా విలాసవంతమైన కారును సొంతం చేసుకోవడానికి ఇష్టపడతారు. విలాసవంతమైన కారు కొనడం అనేది చాలామందికి ఒక కల. దీంతో చాలామంది సెకండ్ హాండ్ లగ్జరీ కారును కొనుగోలు చేసి తమ కలను నెరవేర్చుకుంటున్నారు. ఈ మధ్యకాలంలో సెకండ్ హ్యాండ్ లగ్జరీ కార్ల మార్కెట్ భారత్లో ఏటా 15-20% వృద్ధి చెందుతోంది. సగటున సంవత్సరానికి 60 వేలకు పైగా విక్రయాలు జరుగుతున్నాయి. వివిధ కార్ల కంపెనీలు కూడా సెకండ్ హ్యాండ్ లగ్జరీ కార్ల అమ్మకాల నిమిత్తం అనేక షోరూంలను తెరిచి బ్యాంకు లోన్ సౌకర్యం కూడా కల్పిస్తున్నాయి. సెకండ్ హ్యాండ్ లగ్జరీ కార్లను కొనడం ప్రయోజనమేనా?
తరుగుదల
చాలామంది కారు కొనుగోలు చేయడానికి సిద్ధమైనా దాని ధర చూసి ఆగిపోతారు. లగ్జరీ కారు అయితే ధర ఎక్కువే ఉంటుంది. అయితే, కొత్త కారు షోరూం నుంచి బయటకు వచ్చిన వెంటనే, దాని విలువ మార్కెట్లో తగ్గుతుంది. 6 నెలల నుంచి 1 సంవత్సరం వ్యవధిలో కారు 15-25 శాతం విలువను కోల్పోతుంది. వాహనం ఐదేళ్ల తర్వాత దాదాపు సగం విలువను కోల్పోతుంది. అదే విధంగా తరుగుదల రేటు ప్రతి సంవత్సరం గడిచేకొద్దీ పెరుగుతూనే ఉంటుంది. ఇది కొత్త కార్లను కొనుగోలు చేసిన యజమానులకు నష్టం అయినప్పటికీ, వారి నుంచి ఈ వాహనాలను కొనుగోలు చేసే వినియోగదారులకు లాభదాయకం. అంతేకాకుండా, కొత్త కారుతో పోల్చితే సెకండ్ హ్యాండ్ లగ్జరీ కారు ధరలు చాలా నెమ్మదిగా తగ్గుతాయి. ఇలాంటి పరిస్థితిలో సెకండ్ హ్యాండ్ లగ్జరీ కారును కొనుగోలు చేయడం మంచి ఎంపిక.
తక్కువ ధరలో లగ్జరీ కారు
నాన్ లగ్జరీ కారు కొనుగోలు బడ్జెట్ కాస్త పెంచితే సెకండ్ హ్యాండ్ లగ్జరీ కారును కొనుగోలు చేయొచ్చు. ఆడి, బీఎండబ్ల్యూ, మెర్సిడెజ్ బెంజ్, ల్యాండ్ రోవర్ వంటి బ్రాండ్ల సెకండ్ హ్యాండ్ లగ్జరీ కారు సగటు ధర రూ.25-40 లక్షలు వరకు ఉంటుంది. ఇవే కొత్తవి అయితే రూ.50-65 లక్షల నుంచి ప్రారంభమవుతాయి. ఉదాహరణకు కొత్త BMW 3 సిరీస్ 320D లగ్జరీ ఎడిషన్ ధర 60.50 లక్షలయితే.. అదే 2015 మోడల్ను రూ.21-22 లక్షలకు కొనుగోలు చేయొచ్చు. ఇది కొత్త టొయోటా ఇన్నోవా క్రిస్టా, లేదా హ్యుందాయ్ వెర్నా ఎస్ఎక్స్ ధరతో సమానంగా ఉంటుంది. కాబట్టి, ప్రీ ఓన్డ్ లగ్జరీ కారు లాభదాయకమైన ఆఫర్ అని చాలా మంది కొనుగోలుదారులు భావిస్తున్నారు.
అధునాతన ఫీచర్లు
ఎవరైనా సౌకర్యాలు ఆశించి కారును కొనుగోలు చేస్తారు. సాధారణ కార్లతో పోలిస్తే లగ్జరీ కార్లు చాలా సురక్షితమైనవి. లగ్జరీ కార్లలో సౌకర్యాలు చాలా ఎక్కువే ఉంటాయి. 6/7 ఎయిర్ బ్యాగ్లు, రివర్స్ పార్కింగ్ సెన్సార్స్, హిల్-హోల్డ్ అసిస్ట్, క్రూయిజ్ కంట్రోల్, జీపీఎస్ ట్రాకింగ్, 360 డిగ్రీ కెమెరా సదుపాయం వంటి యాంటీ-థెఫ్ట్ ఫీచర్స్తో పాటు బ్లైండ్ స్పాట్ మానటరింగ్ ఎనేబుల్ చేయడానికి కార్లు ఆటోమెటిక్, అధునాతన సెన్సార్లు ఉంటాయి. నాన్ లగ్జరీ కార్లలో లేని ఫీచర్లు.. సెకండ్ హ్యాండ్ లగ్జరీ కార్లలో కనిపిస్తాయి. వినియోగదారులు నిరంతరం అధునాతన సాంకేతికతలు, ఫీచర్లు, డిజైన్లు, హై-ఎండ్ టెక్నికల్ పీచర్లను, భద్రతను కోరుకుంటారు. ఇటువంటి అన్ని అంశాలు గల లగ్జరీ కారును సెకండ్ హ్యాండ్ మార్కెట్లో కొనుగోలు చేయడం వినియోగదారులకు మేలే అని చెప్పవచ్చు.
బీమా
సెకండ్ హ్యాండ్ కార్లకు బీమా ఖర్చులపై గణనీయమైన తగ్గింపు ఉంటుంది. కారు వయసును పరిగణనలోకి తీసుకుంటే, బీమా ప్రీమియం మొత్తం స్థిరంగా తగ్గుతుంది. బీమా కోసం చెల్లించాల్సిన మొత్తం సాధారణంగా కారు ప్రస్తుత విలువపై ఆధారపడి ఉంటుంది. సాధారణంగా ప్రమాదం జరిగినప్పుడు మరమ్మతులకు అయ్యే ఖర్చు ఎక్కువగా ఉండడంతో బీమా కంపెనీలు కొత్త వాహనాలకు అధిక ప్రీమియం వసూలు చేస్తాయి. ప్రీ-ఓన్డ్ లగ్జరీ కార్ల ధరలు తక్కువే ఉంటాయి. కాబట్టి, బీమా ప్రీమియం తక్కువే ఉంటుంది. కారు పై క్లెయిమ్స్ లేకపోతే NCB ప్రయోజనం కూడా పొందొచ్చు.
మెయింటెనెన్స్
సాధారణంగా లగ్జరీ కార్లను వాటి యజమానులు తమ సొంత పనులపై బయటకు వెళ్లడానికి మాత్రమే ఉపయోగిస్తారు. కారు నిర్వహణ ఎక్కువ మందికి ఇవ్వకుండా సింగిల్ హ్యాండ్లో నిర్వహిస్తారు. దీనివల్ల వాహనం త్వరగా పాడయ్యే అవకాశం ఉండదు. ఇటువంటి కార్లను సెకండ్ హ్యాండ్ మార్కెట్లో కొనుగోలు చేసిన వారికి భవిష్యత్లో పెద్దగా నిర్వహణ బాధ్యతలు ఉండకపోవచ్చు.
వెయిటింగ్ పీరియడ్
సరికొత్త లగ్జరీ కారును పొందడానికి వెయిటింగ్ పీరియడ్ ఉండడమే కాకుండా పన్నులు కూడా ఎక్కువే ఉంటాయి. సెకండ్ హ్యాండ్ కారు అయితే ఆయా కంపెనీల షోరూంలలో వెంటనే తీసుకోవచ్చు. అక్కడే నచ్చిన మోడళ్లను ఎంచుకోవచ్చు. ప్రీ-ఓన్డ్ షోరూంలు కూడా పాత లగ్జరీ కారు కొనుగోలుపై బ్యాంకు లోన్ సౌకర్యాన్ని కల్పిస్తున్నాయి. కొన్ని ప్రీ-ఓన్డ్ కార్ల ఏజెన్సీలు సెకండ్ హ్యాండ్ కార్ల నాణ్యతను వీలైనంత వరకు కొత్త కారుతో సమానంగా ఉండేలా చూస్తాయి. కొన్ని సందర్భాల్లో ఒక ఏడాది నుంచి రెండు ఏళ్ల పాటు వారంటీని కూడా అందిస్తాయి.
నష్టాలు
లగ్జరీ కార్లకు ఫీచర్లు ఎక్కువే ఉంటాయి.. అదే సమయంలో లగ్జరీ కార్లు చాలా ఇంధనాన్ని వినియోగిస్తాయి. సరసమైన ధరలో సెకండ్ హ్యాండ్ లగ్జరీ కారును పొందినా.. ఇంధన ఖర్చు, నిర్వహణ ఖర్చు ఎక్కువే ఉంటుంది. లగ్జరీ కారు లోపల, వెలుపల అందంగా ఉన్నప్పటికీ, అనేక సంక్లిష్టమైన ఫీచర్లు ఇందులో ఉంటాయి. సెన్సార్లు, కంట్రోలర్స్, డ్రైవింగ్ మోడ్స్, బహుళ డిజిటల్ డిస్ప్లేస్ మొదలైన హై-టెక్ ఎలిమెంట్స్ ఉంటాయి. వీటి నిర్వహణ సరిగ్గా ఉండాలి. వీటిలో సమస్యలుంటే నిర్వహించడం సవాలుగా మారే అవకాశం ఉంది. లగ్జరీ కార్ల నిర్వహణ ఖర్చు సంవత్సరానికి రూ.80 వేల నుంచి రూ.3 లక్షల వరకు ఉంటుంది. కారును కొనుగోలు చేసేముందు వాహన నిపుణులతో తనిఖీ చేయించాలి. ముఖ్యంగా బ్యాటరీలు, సెంట్రల్ కంట్రోల్ సిస్టం, హైటెక్ ఫీచర్లను తనిఖీ చేయాలి. రిపేర్లు వచ్చినప్పుడు, విడిభాగాలకు ఖర్చు ఎక్కువయ్యే అవకాశముంది. ఉదాహరణకు ఈ కార్లలో ఇంధన ఫిల్టర్, బ్రేక్ ప్యాడ్ వంటి భాగాన్ని మార్చాల్సి వస్తే రూ.30-50 వేల దాకా అవుతుంది. పాత కార్లకు రిపేర్లు, సర్వీస్లు అవసరం కూడా ఎక్కువే. కాబట్టి, వీటి ఖర్చులు అదనంగా ఉంటాయి.
చివరిగా: సెకండ్ హ్యాండ్ లగ్జరీ కారును కోనుగోలు చేయడం వల్ల మీ బడ్జెట్లో విస్తృత శ్రేణి లగ్జరీ కారు మోడల్స్, ఫీచర్లు అందుబాటులోకి వస్తాయి. అయితే, లగ్జరీ కారును కొనుగోలు చేయాలా అనే నిర్ణయం వివిధ అంశాలపై ఆధారపడి ఉంటుంది. ఈ కార్ల ఎంపికలో లాభాలు, నష్టాలు ఉంటాయి. నిర్ణయం మీ బడ్జెట్, అవసరాలకు అనుగుణంగా ఉండాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వీలునామా ఎలా రాయాలి?
వీలునామా అనేది ఒక వ్యక్తి మరణించిన తర్వాత అతడి ఆస్తులు, అప్పుల పంపిణీకి సంబంధించిన డిక్లరేషన్తో కూడిన చట్టపరమైన పత్రం. -
ఆదాయపు పన్ను ఫారం-16 లేకున్నా రిటర్నులు
గత ఆర్థిక సంవత్సరానికి (2023-24)గాను ఆదాయపు పన్ను రిటర్నులను దాఖలు చేయడానికి (అసెస్మెంట్ ఇయర్ 2024-25) జులై 31తో గడువు ముగియనుంది. ఇప్పటికీ రిటర్నులు దాఖలు చేయని వారు సాధ్యమైనంత త్వరగా ఈ ప్రక్రియను పూర్తి చేయాలి. -
సరైన పాలసీ ఎంపిక ఇలా
ఆరోగ్య సంరక్షణ ఖర్చులు రోజురోజుకూ పెరుగుతున్నాయి. ఊహించని వైద్య ఖర్చుల నుంచి మీ కష్టార్జితాన్ని కాపాడుకోవాలంటే ఆరోగ్య బీమా పాలసీని తీసుకోవడం తప్పనిసరి అవసరంగా మారింది. మీ నిర్దిష్ట అవసరాలను తీర్చగల మంచి పాలసీని ఎంచుకున్నప్పుడే అది కష్టకాలంలో అండగా ఉంటుంది. ఇలాంటి పాలసీని ఎలా గుర్తుపట్టాలి.. చూద్దాం. -
ఇంటి రుణం పదేళ్లలో తీర్చేద్దాం..
సొంతిల్లు కోసం రుణం తీసుకొని, దాదాపు 25 ఏళ్లపాటు చెల్లిస్తూనే ఉండాలి. దీనివల్ల వడ్డీ భారం పెరుగుతుంది. ఇతర ఆర్థిక లక్ష్యాలు నెరవేర్చుకునేందుకు ఇబ్బందులు ఏర్పడతాయి. -
ఐటీఆర్లో తప్పులా..? ఇలా చేస్తే రివైజ్డ్ ఐటీఆర్ అవసరం లేదు!
ITR Filing: ఐటీఆర్లో తప్పులు దొర్లాయా? దానికి చింతించాల్సిన అవసరం లేదు. దానికి ఆదాయపు పన్ను శాఖ ఓ అవకాశం కల్పిస్తోంది. -
మీ జీవిత బీమాను సరెండర్ చేస్తున్నారా? ఇవి తెలుసుకోండి..
జీవిత బీమా పాలసీదారుడు ప్రీమియంలు చెల్లించలేక, పాలసీని నిర్దిష్ట కాలవ్యవధి లోపు పునరుద్ధరించుకోలేకపోతే ఆ పాలసీని సరెండర్ చేయొచ్చు. పాలసీని సరెండర్ చేయడం వల్ల వచ్చే పరిణామాలను ఇక్కడ తెలుసుకుందాం. -
విదేశాల్లో విద్యనభ్యసించే ముందు ఎలాంటి ఖర్చులుంటాయి?
విదేశాల్లో చదువుకోవడానికి వెళ్లే ముందు అనేక ప్రక్రియలు ఉంటాయి. అవేంటో, వాటికయ్యే ఖర్చులేంటో ఇక్కడ తెలుసుకుందాం. -
ఐటీఆర్ను ఇలా ఈ-వెరిఫై చేయండి.. లేదంటే..
ITR Filing: ఆదాయపు రిటర్నులు దాఖలు చేసిన తర్వాత దాన్ని వెరిఫై చేయాల్సి ఉంటుంది. దానికి 30 రోజుల గడువు ఉంటుంది. -
అధికంగా ఖర్చు చేయకుండా రివార్డ్ పాయింట్లు ఎలా పెంచుకోవాలి?
క్రెడిట్ కార్డు ద్వారా అధికంగా ఖర్చు పెట్టకుండా కార్డును ఉపయోగించి కూడా రివార్డు పాయింట్లను పొందొచ్చు. -
కొత్త పన్ను విధానం ఎవరికి మేలంటే..?
గత ఆర్థిక సంవత్సరం నుంచి పన్ను రిటర్నుల దాఖలు సమయంలో కొత్త పన్ను విధానం ‘డిఫాల్ట్’గా మారింది. -
ఇల్లు కొంటున్నారా?
జీవితంలో అతి పెద్ద పెట్టుబడి ఇల్లు. దీన్ని సొంతం చేసుకోవాలని అందరూ అనుకుంటారు. ఒకవైపు అధికంగా ఉన్న స్థిరాస్తి ధరలు.. మరోవైపు రుణాలపై వడ్డీ రేటు గరిష్ఠ స్థాయిలో కొనసాగుతుండటం.. -
రేపటి కోసం పాటించండి ఈ ఆర్థిక చిట్కాలు
ఒక విషయంపై పూర్తి సమాచారం తెలుసుకోవడం ఇప్పుడు పెద్ద కష్టమేమీ కాదు. అరచేతిలోనే సమస్త విశ్వ సమాచారం దొరుకుతోంది. ఆర్థిక అంశాలపై అవగాహన పెంచుకోవడం ఎంతో అవసరం. -
ఎస్టేట్ ప్లానింగ్లో వారసత్వ ప్రణాళిక
ఎస్టేట్ ప్లానింగ్ అనేది కుటుంబాలకు తగిన వారసత్వ ప్రణాళికలను, భవిష్యత్తులో వారు చేయబోయే అనేక కార్యకలాపాలకు మార్గదర్శకం వహిస్తుంది. -
ఐటీఆర్ ఫైలింగ్.. ఈ తప్పులు చేయొద్దు..!
ITR filing: ఆడిట్ అవసరం లేని వ్యక్తులు జులై 31 వరకూ ఆదాయపు పన్ను రిటర్నులు దాఖలు చేయాల్సి ఉంటుంది. లేదంటే జరిమానా చెల్లించాల్సి వస్తుంది. అలా అని తొందరపడి ఎలాంటి పొరపాట్లు చేయొద్దు. సాధారణంగా ఐటీఆర్ ఫైలింగ్ సమయంలో చేసే తప్పులేంటో చూద్దాం.. -
ఆరోగ్య బీమా క్లెయిం తిరస్కరణకు గురైందా? కారణాలు ఇవే..!
ఆరోగ్య బీమా పాలసీదారుడికి అత్యవసర సమయాల్లో ఆర్థిక ఉపశమనాన్ని అందిస్తుంది. కొన్ని కారణాల వల్ల పాలసీదారుడి క్లెయిం తిరస్కరణకూ గురవుతుంది. అందుకు గల కారణాలేంటో ఇక్కడ తెలుసుకుందాం. -
తీవ్ర వ్యాధులు ఆర్థికంగా ఇబ్బంది పెట్టకుండా
క్యాన్సర్.. గుండెపోటు.. పక్షవాతం.. కాలేయ సంబంధిత వ్యాధులు.. ఇటీవలి కాలంలో ఇలాంటి జీవన శైలి వ్యాధుల జాబితా పెరిగిపోతూనే ఉంది. -
షేర్లలో మదుపు అవగాహనతో వేయాలి అడుగులు
స్టాక్ మార్కెట్ సూచీలు కొత్త గరిష్ఠాలకు చేరుకున్నాయి. పెట్టుబడులు పెట్టిన వారందరికీ లాభాలు కనిపిస్తున్నాయి. దీంతో కొత్తగా మార్కెట్లో మదుపు చేయాలనుకుంటున్న వారి సంఖ్య పెరుగుతోంది. -
ఆదాయపు పన్ను పత్రాలు సరిచూసుకోండి
ఆదాయపు పన్ను రిటర్నులు సమర్పించేందుకు గడువు సమీపిస్తోంది. ఇప్పటికే చాలామంది ఈ ప్రక్రియను పూర్తి చేశారు. -
కొత్త పథకం
‘ఎడెల్వైజ్ బిజినెస్ సైకిల్ ఫండ్’ అనే కొత్త పథకాన్ని ఎడెల్వైజ్ మ్యూచువల్ ఫండ్ తీసుకొచ్చింది. ఇది కొంత భిన్నమైన పథకం. ‘ఫ్యాక్టర్ ఆధారిత పెట్టుబడి’ విధానాన్ని ఈ పథకం అనుసరిస్తుంది. -
కొత్తగా ఉద్యోగంలో చేరారా?.. ఇవి తెలుసుకోవాల్సిందే..!
కొత్తగా ఉద్యోగ జీవితంలో ప్రవేశించినవారికి ఆర్థిక ప్రణాళికకు సంబంధించి అనేక వ్యవహారాల్లో తగినంత అవగాహన ఉండదు. వారు ఆర్థికంగా మెరుగైన స్థితిలో ఉండడానికి ఏం చేయాలి? ఏం చేయకూడదు? -
అత్యవసర నిధిని ఎలా సమకూర్చుకోవాలి?
అత్యవసర నిధిని నిర్మించడం అనేది చక్కటి ఆర్థిక ప్రణాళికకు సంబంధించిన ముఖ్యమైన నిర్ణయం.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
మా పాలన బాగా లేదని చెబితే సరిపోతుందా?.. ఆధారాలు చూపండి: హరీశ్రావు
-
నాపై కాల్పులు జరిగిన చోటే ర్యాలీ నిర్వహిస్తా: ట్రంప్
-
ఏపీకి ఐపీఎస్ కేడర్ స్ట్రెంత్ పెంపు
-
‘రాయన్’ సక్సెస్.. ఫొటో వైరల్
-
నీతి ఆయోగ్ భేటీ.. వికసిత్ ఏపీ-2047లోని అంశాలను ప్రస్తావించనున్న చంద్రబాబు
-
ప్రధాని మోదీ అధ్యక్షతన నీతి ఆయోగ్ సమావేశం ప్రారంభం