స్థిరాస్తుల్లో మదుపు చేద్దామా
పెట్టుబడులు పెట్టేందుకు అనేక మార్గాలు అందుబాటులో ఉన్నాయి. షేర్లు, బాండ్లు, ఫిక్స్డ్ డిపాజిట్లలాంటి పెట్టుబడి పథకాలు, బంగారం, స్థిరాస్తుల వరకూ ఎన్నో విస్తృత శ్రేణి ఎంపికలు ఉన్నాయి.
పెట్టుబడులు పెట్టేందుకు అనేక మార్గాలు అందుబాటులో ఉన్నాయి. షేర్లు, బాండ్లు, ఫిక్స్డ్ డిపాజిట్లలాంటి పెట్టుబడి పథకాలు, బంగారం, స్థిరాస్తుల వరకూ ఎన్నో విస్తృత శ్రేణి ఎంపికలు ఉన్నాయి. వీటన్నింటిలోనూ స్థిరాస్తి రంగం ఎప్పుడూ పెట్టుబడి దారులను ఆకర్షిస్తూనే ఉంటుంది. పెద్ద మొత్తంలో పెట్టుబడి అవసరం కావడం ఒక్కటే ఇక్కడ ప్రతికూలాంశం. ఈ ఇబ్బందిని అధిగమిస్తూ.. తక్కువ మొత్తంతోనూ వాణిజ్య స్థిరాస్తులలో పెట్టుబడి పెట్టేందుకు వీలు కల్పించేవే రియల్ ఎస్టేట్ ఇన్వెస్ట్మెంట్ ట్రస్టులు (రీట్స్). రూ.100తోనూ ఇందులో మదుపు చేయొచ్చు. వీటి గురించి తెలుసుకుందామా..
ఏదైనా వాణిజ్య భవనాన్ని చూసినప్పుడు ఇందులో మనకూ వాటా ఉంటే ఎంత బాగుంటుంది అనుకుంటూ ఉంటాం. కానీ, అది అందరికీ సాధ్యమయ్యే పని కాదు. దేశంలో స్థిరాస్తి అంటే నివాస గృహాలకే ప్రాధాన్యం ఇస్తుంటారు. వాణిజ్య స్థిరాస్తి రంగం దేశ అభివృద్ధిలో కీలకపాత్ర పోషిస్తోంది. కార్యాలయాల స్థలాలు, ఐటీ సంస్థలు, గ్లోబల్ క్యాపబిలిటీ సెంటర్లు, హబ్లు, నాలెడ్జ్ పార్కుల వంటి వాటితో గణనీయమైన వృద్ధిని సాధిస్తోంది. ఇలాంటి వాటిల్లో పెట్టుబడి పెట్టేందుకు అవకాశం కల్పించేవే రీట్స్. మరోమాటలో చెప్పాలంటే.. ఆస్తులను ప్రత్యక్షంగా కొనాల్సిన అవసరం లేకుండా, రీట్స్లో మదుపు చేస్తే చాలు. అది నిర్వహించే వాణిజ్య ఆస్తుల్లో మనకు వాటా ఉంటుందన్నమాట.
రకాలున్నాయి...
రీట్స్లో కొన్ని రకాలూ ఉన్నాయి. ఈక్విటీ రీట్స్ స్థిరాస్తులలో నేరుగా మదుపు చేస్తాయి. వాటిలో వాటాలను కొనుగోలు చేస్తాయి. అద్దె ద్వారా ఆదాయాన్ని సంపాదిస్తాయి. కొన్ని రీట్స్ స్థిరాస్తి డెవలపర్లకు డబ్బును అప్పుగా ఇస్తాయి. వీటికి వడ్డీ ఆదాయం లభిస్తుంది. మరికొన్ని హైబ్రిడ్ రీట్స్ వాణిజ్య స్థలాలను కొనడంతోపాటు, అప్పులూ ఇస్తుంటాయి. పెట్టుబడి పెట్టేటప్పుడు ఏ రీట్స్ అనుకూలంగా ఉన్నాయన్నది పరిశీలించి నిర్ణయం తీసుకోవాలి.
రూ.100తోనూ..
మార్కెట్ నియంత్రణ సంస్థ సెబీ పర్యవేక్షణలోనే రీట్స్ ఉంటాయి. కాబట్టి, పారదర్శకత ఉంటుంది. కచ్చితమైన నిబంధనలూ పాటిస్తాయి. రీట్స్ను నేరుగా డీమ్యాట్ ద్వారా కొనుగోలు చేయొచ్చు. కొన్ని మ్యూచువల్ ఫండ్ సంస్థలు ఫండ్ ఆఫ్ ఫండ్లూ అందుబాటులో ఉన్నాయి. యూనిట్లను కొనుగోలు చేయడం ద్వారా వీటిలో మదుపు చేయొచ్చు. కనీసం రూ.100తోనూ వీటిలో పెట్టుబడి పెట్టవచ్చు. సిప్ చేయాలంటే కొన్ని ఫండ్లలో రూ.1,000 అవసరం. కావాలనుకున్నప్పుడు యూనిట్లను అమ్ముకునే వీలూ ఉంటుంది.
రాబడి ఎలా..
రీట్స్లను నిర్వహించే సంస్థలు 80 శాతం వరకూ ఆదాయాన్ని ఆర్జించే ఆస్తులలోనే పెట్టుబడులు పెట్టాలనేది నిబంధన. వచ్చిన ఆదాయంలో కనీసం 90 శాతం ప్రతి ఆరు నెలలకోసారి డివిడెండ్ రూపంలో అందించాల్సి ఉంటుంది. ఒక రకంగా ఇది అద్దె ఆదాయం అనుకోవచ్చు.
పరిశోధించండి..
రీట్స్లో మదుపు చేసేందుకు ముందుగా వాటిని అర్థం చేసుకునేందుకు ప్రయత్నించండి. అవి ఎక్కడ పెట్టుబడులు పెడుతున్నాయో పోర్ట్ఫోలియోను గమనించాలి. వాటి పనితీరును అంచనా వేయాలి. ఆయా వాణిజ్య స్థలాలకు ఉన్న గిరాకీలాంటివి చూడాలి. అప్పుడే సరైన రీట్స్ను ఎంచుకోగలం.
వైవిధ్యం కోసం..
పెట్టుబడుల్లో వైవిధ్యం కోసం రీట్స్ను ఎంచుకోవచ్చు. రిటెయిల్, ఆఫీసు స్థలాలు, నివాస గృహాలు ఇలా పలు విధాలుగా మదుపు చేసే రీట్స్కు ప్రాధాన్యం ఇవ్వాలి. దీనివల్ల నష్టభయం తగ్గుతుంది.
ఆదాయంపై దృష్టి..
అద్దెల ద్వారా ఆదాయం సంపాదించడమే రీట్స్ ప్రధాన లక్ష్యం. మీరు ఎంచుకున్న రీట్స్ గత కొంతకాలంగా ఎంత డివిడెండ్ రాబడిని అందించిందో చూసుకోండి. అదే సమయంలో మార్కెట్ పరిస్థితులు, ఆర్థిక వ్యవస్థ పనితీరునూ అంచనా వేయాలి. అవసరాన్ని బట్టి, మార్పులు చేర్పులు చేసుకోవాలి. అప్పుడే రీట్స్ నుంచి మంచి లాభాలను ఆర్జించేందుకు వీలవుతుంది.
నష్టభయాలూ ఉంటాయి..
పెట్టుబడులు ఏమైనా నష్టభయం సహజం. రీట్స్లోనూ ఇది ఉంటుంది. పెట్టుబడి విలువలో హెచ్చుతగ్గులు, ప్రాజెక్టులు మధ్యలోనే ఆగిపోవడంవల్ల ఆదాయం రాకపోవడంలాంటివి ఉండొచ్చు. ఇలాంటప్పుడు మన పెట్టుబడిపై ఆదాయం రాకపోవచ్చు. విలువా తగ్గేందుకు అవకాశాలున్నాయి. వీటికి సిద్ధంగా ఉంటేనే రీట్స్ను ఎంచుకోవాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది.
తాజా వార్తలు (Latest News)
-
ఈనాడు.నెట్లో టాప్ 10 వార్తలు @ 9 PM
-
కల్కి ఆ ఇంగ్లీష్ మూవీకి కాపీనా? నాగ్ అశ్విన్ రిప్లై ఇదే!
-
లైంగిక వేధింపుల కేసు.. ప్రజ్వల్ను సస్పెండ్ చేస్తాం - జేడీఎస్
-
30 వారాల గర్భవిచ్ఛిత్తి కేసు.. తీర్పును వెనక్కి తీసుకున్న ‘సుప్రీం’
-
మహీంద్రా నుంచి ఎక్స్యూవీ 3XO.. ధర ₹7.49 లక్షలు
-
ప్రేమలో విఫలమైతే అలా చేయొద్దు: పూరి జగన్నాథ్