Life Insurance: సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి.
ఇంటర్నెట్ డెస్క్: మీ ఆదాయంపై ఆధారపడిన వ్యక్తులు ఉంటే ముఖ్యంగా ఆర్థిక బాధ్యతలు ఉన్నప్పుడు.. మీకు జీవిత బీమా రక్షణ అవసరం. జీవిత బీమా పాలసీని కొనుగోలు చేయాలని నిర్ణయించుకున్న తర్వాత మీపై ఆధారపడిన వారికి ఎంత బీమా రక్షణ అవసరమో తెలుసుకోవడానికి ఆ కుటుంబం స్థిరపడేదాకా అయ్యే ఖర్చులు, పిల్లల ఫీజులు, భాగస్వామి పదవీ విరమణ అనంతరం వ్యయాలు లెక్కపెట్టవలసి ఉంటుంది. ముఖ్యంగా జీవిత బీమా పాలసీ (టర్మ్ ప్లాన్) కొనుగోలు చేసే సమయంలో మీ కుటుంబానికి సంబంధించిన ఆర్థిక అవసరాలను కచ్చితంగా అంచనా వేయడం చాలా అవసరం.
ఖర్చులు
బీమా పాలసీ కవరేజ్ ఎంత ఉండాలో కనుక్కోవడానికి ఒక వ్యక్తి కుటుంబ స్వరూపం, వారి ప్రస్తుత/భవిష్యత్ ఖర్చులు, వారి అప్పులు, ఆస్తులు.. ఇలాంటి వాటినన్నింటినీ లెక్క కట్టవలసి ఉంటుంది. ఉదాహరణకు రవి అనే వ్యక్తి 35 ఏళ్ల సాధారణ వర్కింగ్ ప్రొఫెషనల్. ఆయనతో పాటు తల్లిదండ్రులు, భార్య, 7, 3 సంవత్సరాల వయసు గల ఇద్దరు పిల్లలు ఉన్నారు. ఒకవేళ అతడికి జరగరానిది జరిగితే.. కుటుంబానికి పూర్తిగా అతడే ఆధారం. ఆ కుటుంబానికి నెలవారీ ఖర్చులు దాదాపు రూ.60 వేలు. ఇంటి రుణం కూడా తీసుకున్నారు. దానికి రూ.30 వేలు ఈఎంఐ చెల్లిస్తున్నారు. బకాయి ఇంకా రూ.70 లక్షలు దాకా ఉంది. ఇలాంటి పరిస్థితుల్లో రవి లాంటి వ్యక్తులకు ఎంత బీమా కవరేజ్ అవసరమో ఇక్కడ తెలుసుకుందాం.
వార్షిక ఖర్చులు
రవి కుటుంబ ఖర్చు సంవత్సరానికి రూ.7.20 లక్షలు. సాధారణంగా వార్షిక ఖర్చులకు 10-12 రెట్లు పాలసీ కవరేజ్ను తీసుకుంటే సరిపోతుందని అనుకుంటారు. కానీ, అధిక ద్రవ్యోల్బణం, పిల్లల పెరుగుతున్న విద్యా ఖర్చులు, తల్లిదండ్రుల ఆరోగ్య సంరక్షణ ఖర్చులు బాగానే అవుతాయి. వీటినన్నింటికీ సరిపోవాలంటే, వార్షిక ఖర్చులకు 15 రెట్లు బీమా కవరేజీ ఉండాలి. అంటే భవిష్యత్ ఇంటి ఖర్చులకు బీమా హామీ సుమారుగా రూ.1.10 కోట్లు ఉండాలి.
ఇల్లు
రవి తను ఉద్యోగంలో ఉండగానే రుణంపై ఇల్లు కొనుగోలు చేశారు. అతడు అకస్మికంగా దూరమవ్వడంతో రూ.70 లక్షల వరకు బకాయి ఉంది. నెలవారీ ఖర్చులను భర్తీ చేయడంతో పాటు అలాంటి కుటుంబాలకు సొంత ఇల్లు కూడా చాలా అవసరం. సంపాదించే వ్యక్తి లేనప్పుడు సొంత ఇల్లు చాలా భరోసానిస్తుంది. కాబట్టి రూ.70 లక్షల రుణం కూడా బీమా పరిధిలో ఉండాలి.
పిల్లల ఖర్చులు
రవికి ఇద్దరు చిన్న పిల్లలు. వీరికి విద్య, వివాహం వంటి అనేక బాధ్యతలు ఉన్నాయి. తన పిల్లల భవిష్యత్ ఉత్తమంగా ఉండాలని ప్రతి తండ్రీ లాగే రవి కూడా ఆశించి వారి ఉన్నత చదవుల కోసం రాబోయే 15 ఏళ్లలో రూ.40 లక్షల నిధిని సమకూర్చడానికి ఇప్పటికే రూ.8,000 నెలవారీ సిప్ను ఏర్పాటు చేశాడు. అతడు దూరం కావడంతో ఈ లక్ష్యాన్ని ప్రమాదంలో పడేసింది. కాబట్టి, ఈ (రూ.40 లక్షల) మొత్తాన్ని రవి టర్మ్ జీవిత బీమా కవరేజ్ అవసరాలకు జోడించడం తెలివైన పని.
భాగస్వామి వృద్ధాప్య నిధి
రవి, తన కుటుంబం/భాగస్వామికి మరో 25 ఏళ్ల వరకు పైన తెలిపిన ఖర్చులకి సరిపడా టర్మ్ బీమా హామీ మొత్తాన్ని ఎంచుకున్న సంగతి తెలిసిందే. అయితే, ఆ తర్వాత కూడా తన భాగస్వామికి ఖర్చుల కొరకు కొంత మొత్తం అవసరం పడతాయి. ఆమె 60 ఏళ్ల తర్వాత.. 25 ఏళ్లు అదనంగా జీవించే అవకాశం ఉండొచ్చు. దీనికి ప్రతి నెలా అప్పటి ద్రవ్యోల్బణాన్ని బట్టి సుమారు రూ.60 వేల వరకు పొందడానికి రూ.80 లక్షల వరకు అవసరం. దీన్ని కూడా టర్మ్ ఇన్సూరెన్స్లో జోడించవచ్చు.
ఆస్తులు
ప్రతి వ్యక్తికి రుణాలు, బాధ్యతలతో పాటు కొన్ని ఆస్తులు కూడా ఉండే అవకాశం ఉంది. ఇప్పటి దాకా టర్మ్ బీమా కవరేజీని లెక్కించేటప్పుడు.. ఇంటి రుణం, ఇతర బాధ్యతల గురించి ప్రస్తావించాం. అయితే రవి వ్యక్తిగత బ్యాలెన్స్ షీట్కు సంబంధించిన మరొక వైపు కొన్ని సంవత్సరాలుగా చేసిన పెట్టుబడులు (పీఎఫ్, ఎఫ్డీలు, మ్యూచువల్ ఫండ్లు) ఉండొచ్చు. అవి రూ.30 లక్షల వరకు సమకూరాయి అనుకుందాం. ఇవి డబ్బు రూపంలో అతడు దూరమయ్యాక ఆ కుటుంబానికి తక్షణమే అందుబాటులో ఉంటాయి. అంటే అతడు తన జీవిత బీమా కవరేజ్ నుంచి ఆ మొత్తాన్ని తీసివేయొచ్చు.
కవరేజ్ ఎంతుండాలి?
ఈ పై అంశాలను బట్టి రవిని పోలి ఉండే వ్యక్తులకు బీమా కవరేజీ ఎంత ఉండాలి అనేది దాదాపుగా ఒక లెక్క అంచనా ఇక్కడ వచ్చింది. భవిష్యత్ కుటుంబ వార్షిక ఖర్చులకు రూ.1.08 కోట్లు, ఇంటి రుణ బకాయి రూ.70 లక్షలు, పిల్లల విద్యా ఖర్చులు రూ.40 లక్షలు, భాగస్వామి కోసం రూ.80 లక్షలు కలిపితే రూ.2.98 కోట్లు అవుతుంది. ఇందులో రవి సమకూర్చుకున్న పొదుపు రూ.30 లక్షలు తీసివేస్తే, అతడి బీమా కవరేజ్ సుమారుగా రూ.2.68 కోట్లు ఉండాలి. 35 ఏళ్ల వయసులో రవి ఇంత మొత్తానికి టర్మ్ బీమా తీసుకుంటే వార్షిక ప్రీమియం సగటున రూ.28 వేల వరకు ఉండే అవకాశం ఉంది.
గమనిక: ఖర్చులు, ప్రతి కుటుంబంలో ఒకేలా ఉండకపోవచ్చు. వారి వ్యక్తిగత అవసరాలను బట్టి స్వల్ప/భారీ మార్పులుండొచ్చు. ప్రతి ఒక్కరూ తమ కుటుంబ ఖర్చులు, బీమా విషయంలో ఒక అంచనాకు రావడానికి మాత్రమే ఇది ఉపయోగపడుతుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సెక్షన్ 54F.. బంగారం విక్రయించి ఇల్లు కొనుగోలు చేస్తే పన్నుండదు!
Section 54F: వారసత్వంగా వచ్చిన ఆభరణాలను విక్రయించగా వచ్చిన మొత్తాన్ని ఇల్లు కొనుగోలుకు వినియోగిస్తే.. మూలధన లాభాల పన్ను వర్తించదని ఆదాయ పన్ను చట్టం సెక్షన్ 54ఎఫ్ చెబుతోంది. -
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి.