Real Estate: స్థిరాస్తి పెట్టుబడుల వైవిధ్యీకరణ ఎలా?
స్థిరాస్తి రంగంలో పెట్టుబడులు పెట్టేటప్పుడు నివాస, వాణిజ్య, పారిశ్రామిక, వివిధ వినియోగ ప్రాపర్టీలలో పెట్టుబడి పెట్టడం ద్వారా అనేక ఆర్థిక ప్రయోజనాలు పొందొచ్చు.
భారత స్థిరాస్తి రంగంలో పెట్టుబడి పెట్టడం అనేది మీ పోర్ట్ఫోలియోను నిర్మించుకోవడంలో కీలక అంశం. దేశంలో వివిధ కాలవ్యవధులలో ఎన్ని ఒడుదొడుకులు ఉన్నప్పటికీ, స్థిరాస్తి రంగం దశాబ్దాలుగా ప్రముఖ పెట్టుబడి రూపంగా ఉంది. దేశ స్థిరాస్తి మార్కెట్ వృద్ధి చెందడంతో, పెట్టుబడిదారులు తమ రాబడిని పెంచుకోవడానికి ఈ రంగంలో అనేక మార్గాల్లో పెట్టుబడి పెట్టడానికి మొగ్గు చూపుతున్నారు. మీ స్థిరాస్తి ఇన్వెస్ట్మెంట్ పోర్ట్పోలియోను వైవిధ్యపరచడం అనేది రిస్క్ను తగ్గించడానికి, రాబడిని పెంచుకోవడానికి ఒక గొప్ప మార్గం. స్థిరాస్తి రంగంలో వైవిధ్యీకరణకు సంబంధించి కొన్ని ముఖ్యమైన విషయాలను ఇక్కడ చూద్దాం..
అనేక ప్రాంతాల్లో పెట్టుబడులు
పెట్టుబడిదారుడు తన వద్ద ఉన్న పెట్టుబడి మొత్తాన్ని ఒకే ప్రాంతంలో కాకుండా అనేక ప్రాంతాల్లో విభజించాలి. దీనివల్ల స్థానిక ఆర్థిక పరిస్థితులు, ప్రకృతి వైపరీత్యాలు, ఆస్తి విలువలను ప్రభావితం చేసే ఇతర కారకాలతో సంబంధం ఉన్న నష్టాన్ని తగ్గించుకోవచ్చు. ఉదాహరణకు ఒక పెట్టుబడిదారుడు ఒకే నగరంలో అనేక ఆస్తులను కలిగి ఉంటే, ఏవైనా పరిస్థితుల కారణంగా ఆ నగరంలో ఇబ్బందులు ఏర్పడితే.. అది అతడి పోర్ట్ఫోలియోపై గణనీయమైన ప్రభావాన్ని చూపుతుంది. ఇటువంటి పరిస్థితుల్లో ఈ నగరానికి పోటీగా ఉన్న ప్రాంతాలు సానుకూల ప్రభావాన్ని చూపిస్తాయి. ముందుచూపుతో ఇతర ప్రాంతాల్లో కూడా పెట్టుబడి పెడితే, ఒకచోట వచ్చిన నష్టాన్ని వేరేచోట కవర్ చేసుకోవచ్చు. ఇలాంటి పరిస్థితుల్లో అతడి స్థిరాస్తి పోర్ట్ఫోలియో మెరుగ్గా ఉంటుంది.
వివిధ రకాల ఆస్తులు
పెట్టుబడిదారుడు ఒకే రకమైన స్థిరాస్తి రకంలో కాకుండా.. వాణిజ్య, నివాస, పారిశ్రామిక, మిశ్రమ వినియోగ ప్రాపర్టీలు వంటి వివిధ రకాల వాటిలో పెట్టుబడి పెట్టొచ్చు. వివిధ రకాల ఆస్తులను కొనుగోలు చేయడం వల్ల పెట్టుబడిదారులు నష్టాన్ని తగ్గించుకోవచ్చు. ఉదాహరణకు పెట్టుబడిదారుడి వాణిజ్యపరమైన ఆస్తులను మాత్రమే కలిగి ఉంటే, వాణిజ్యపరమైన మార్కెట్లో తిరోగమనం ఏర్పడినప్పుడు పోర్ట్ఫోలియోపై గణనీయమైన ప్రభావాన్ని చూపుతుంది. అలాంటి సందర్భంలో పెట్టుబడిదారుడు.. నివాస/పారిశ్రామిక ఆస్తులను కూడా కలిగి ఉంటే, అతడి ఆస్తులు అదే స్థాయిలో ప్రభావితం కాకపోవచ్చు.
అద్దె ఆదాయం
వాణిజ్య ఆస్తులు మెరుగైన అద్దె ఆదాయాన్ని అందిస్తాయి. నివాసయోగ్య ఆస్తులు సాధారణంగా 3-4 శాతం వార్షిక అద్దె ఆదాయాన్ని అందిస్తే వాణిజ్య ఆస్తులు 7-8% ఆదాయాన్ని అందించగలవు. కాబట్టి, మీ పోర్ట్ఫోలియోలో ఇలాంటి వాటిని కూడా పరిశీలించవచ్చు.
REITs
మీ స్థిరాస్తి పోర్ట్ఫోలియోను వైవిధ్యపరచడానికి ఒక ప్రత్యేకమైన మార్గం కోసం చూస్తున్నట్లయితే REITsలో పెట్టుబడి పెట్టవచ్చు. రియల్ ఎస్టేట్లో పెట్టుబడి పెట్టడానికి పెట్టుబడిదారులకు REITs వైవిధ్య, అనుకూలమైన మార్గాన్ని అందిస్తాయి. భారత్లో రియల్ ఎస్టేట్ ఇన్వెస్ట్మెంట్ ట్రస్ట్ (REIT) అనేది కార్యాలయం భవనాలు, నివాస అపార్ట్మెంట్స్, షాపింగ్ మాల్స్, హోటల్స్, గిడ్డంగులు వంటి ఆస్తులను కలిగి ఉండే సంస్థ. చాలా మంది పెట్టుబడిదారుల నుంచి పెట్టుబడులను సేకరించి రియల్ ఎస్టేట్కు సంబంధించిన విభిన్న ఆస్తులను కొనుగోలు చేసి వాటి ద్వారా REITs ఆదాయాన్ని సంపాదిస్తాయి. ఈ ఆస్తుల నుంచి వచ్చే ఆదాయాన్ని పెట్టుబడిదారులకు డివిడెండ్ల రూపంలో పంపిణీ చేస్తాయి. దేశంలో రియల్ ఎస్టేట్ రంగంలో పెట్టుబడిదారులకు పారదర్శకమైన, నియంత్రణలతో కూడిన పెట్టుబడిని అందించడానికి 2014లో సెక్యూరిటీస్ అండ్ ఎక్స్చేంజ్ బోర్డ్ ఆఫ్ ఇండియా(సెబీ) ద్వారా REITsను ప్రవేశపెట్టారు. మార్కెట్లో అనేక REITs ఉన్నాయి, వాటిలో కొన్నింటిని ఇక్కడ చూద్దాం.
ఈక్విటీ REITs: ఈ REITs ప్రధానంగా అపార్ట్మెంట్స్, ఆఫీసులు, షాపింగ్ సెంటర్స్, హోటల్స్ వంటి ఆదాయం వచ్చే ఆస్తులలో పెట్టుబడి పెడతాయి. ఈక్విటీ REITs అద్దె ఆదాయం నుంచి ఆదాయాన్ని పొందుతాయి. అంతేకాకుండా కాలక్రమేణా వీటి ఆస్తుల విలువ కూడా పెరుగుతుంది.
హైబ్రిడ్ REITs: ఇది ఈక్విటీ, డెట్ సాధనాల కలయికను కలిగి ఉంటుంది. ఆదాయం వచ్చే ఆస్తులను, తనఖా ఆధారిత సెక్యూరిటీలు రెండింటిని కలిగి ఉండొచ్చు.
రిటైల్ REITs: ఇది షాపింగ్ మాల్స్, రిటైల్ ప్రాపర్టీలను కలిగి ఉంటుంది. వీటికి ఆదాయం అద్దెల ద్వారా లభిస్తుంది, అంతేకాకుండా ఆస్తుల విక్రయం ద్వారా లాభాలను ఆర్జించవచ్చు.
రెసిడెన్షియల్ REITs: ఈ REITs నివాస అపార్ట్మెంట్ భవనాలు, ఇళ్ల ప్రాపర్టీలను నిర్వహిస్తాయి. వీటి ద్వారా అద్దె ఆదాయాన్ని పొందుతాయి.
ఆఫీస్ REITs: ఈ REITs కార్యాలయాలపై పెట్టుబడి పెడతాయి. అద్దెల ద్వారా ఆదాయాన్ని సంపాదిస్తాయి. ఉదాహరణకు భారత్లో బ్రూక్ఫీల్డ్ ఇండియా REIT.. ముంబయి, గురుగ్రామ్, నోయిడా, కోల్కతాలో వాణిజ్యపరమైన ఆస్తులతో కూడిన కార్యాలయాలలో పెట్టుబడులను కలిగి ఉంది.
ఇండస్ట్రియల్ REITs: ఈ రకం REITs.. గిడ్డంగులు, పంపిణీ కేంద్రాలు వంటి పారిశ్రామిక ఆస్తులను కలిగి ఉండి, వాటిని నిర్వహిస్తుంది. ఇవి అద్దె ద్వారా ఆదాయం పొందుతాయి. లీజు ఒప్పందాలు, ఆస్తుల విక్రయం నుంచి లాభాలను ఆర్జించవచ్చు.
పెట్టుబడిదారులు తమ స్టాక్ బ్రోకర్ల ద్వారా REIT యూనిట్లను కొనుగోలు చేయొచ్చు. విక్రయించొచ్చు. కొన్ని మ్యూచువల్ ఫండ్లు REITsలో పెట్టుబడి పెడతాయి. వీటిలో పెట్టుబడికి గాను మ్యూచువల్ ఫండ్ సంస్థలు ఇన్వెస్టర్లకు కొన్ని స్కీంలను ఆఫర్ చేస్తాయి. REIT తన యూనిట్లను అమ్మకానికి అందజేసినప్పుడు ప్రైమరీ మార్కెట్ ద్వారా పెట్టుబడిదారులు నేరుగా REITsలో పెట్టుబడి పెట్టొచ్చు.
స్టాక్స్, బాండ్లు వంటి ఇతర ఆస్తులతో పోలిస్తే REITs ఆకర్షణీయమైన రాబడిని అందిస్తున్నాయి. వీటిపై రాబడి నిర్వహణతో సహా అనేక అంశాల ఆధారంగా మారవచ్చు. REITs ఇప్పటివరకు ఆకర్షణీయమైన రాబడిని అందించినప్పటికీ ఇవి మార్కెట్ రిస్క్కు లోబడి ఉంటాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆదాయపు పన్ను ఫారం-16 లేకున్నా రిటర్నులు
గత ఆర్థిక సంవత్సరానికి (2023-24)గాను ఆదాయపు పన్ను రిటర్నులను దాఖలు చేయడానికి (అసెస్మెంట్ ఇయర్ 2024-25) జులై 31తో గడువు ముగియనుంది. ఇప్పటికీ రిటర్నులు దాఖలు చేయని వారు సాధ్యమైనంత త్వరగా ఈ ప్రక్రియను పూర్తి చేయాలి. -
సరైన పాలసీ ఎంపిక ఇలా
ఆరోగ్య సంరక్షణ ఖర్చులు రోజురోజుకూ పెరుగుతున్నాయి. ఊహించని వైద్య ఖర్చుల నుంచి మీ కష్టార్జితాన్ని కాపాడుకోవాలంటే ఆరోగ్య బీమా పాలసీని తీసుకోవడం తప్పనిసరి అవసరంగా మారింది. మీ నిర్దిష్ట అవసరాలను తీర్చగల మంచి పాలసీని ఎంచుకున్నప్పుడే అది కష్టకాలంలో అండగా ఉంటుంది. ఇలాంటి పాలసీని ఎలా గుర్తుపట్టాలి.. చూద్దాం. -
ఇంటి రుణం పదేళ్లలో తీర్చేద్దాం..
సొంతిల్లు కోసం రుణం తీసుకొని, దాదాపు 25 ఏళ్లపాటు చెల్లిస్తూనే ఉండాలి. దీనివల్ల వడ్డీ భారం పెరుగుతుంది. ఇతర ఆర్థిక లక్ష్యాలు నెరవేర్చుకునేందుకు ఇబ్బందులు ఏర్పడతాయి. -
ఐటీఆర్లో తప్పులా..? ఇలా చేస్తే రివైజ్డ్ ఐటీఆర్ అవసరం లేదు!
ITR Filing: ఐటీఆర్లో తప్పులు దొర్లాయా? దానికి చింతించాల్సిన అవసరం లేదు. దానికి ఆదాయపు పన్ను శాఖ ఓ అవకాశం కల్పిస్తోంది. -
మీ జీవిత బీమాను సరెండర్ చేస్తున్నారా? ఇవి తెలుసుకోండి..
జీవిత బీమా పాలసీదారుడు ప్రీమియంలు చెల్లించలేక, పాలసీని నిర్దిష్ట కాలవ్యవధి లోపు పునరుద్ధరించుకోలేకపోతే ఆ పాలసీని సరెండర్ చేయొచ్చు. పాలసీని సరెండర్ చేయడం వల్ల వచ్చే పరిణామాలను ఇక్కడ తెలుసుకుందాం. -
విదేశాల్లో విద్యనభ్యసించే ముందు ఎలాంటి ఖర్చులుంటాయి?
విదేశాల్లో చదువుకోవడానికి వెళ్లే ముందు అనేక ప్రక్రియలు ఉంటాయి. అవేంటో, వాటికయ్యే ఖర్చులేంటో ఇక్కడ తెలుసుకుందాం. -
ఐటీఆర్ను ఇలా ఈ-వెరిఫై చేయండి.. లేదంటే..
ITR Filing: ఆదాయపు రిటర్నులు దాఖలు చేసిన తర్వాత దాన్ని వెరిఫై చేయాల్సి ఉంటుంది. దానికి 30 రోజుల గడువు ఉంటుంది. -
అధికంగా ఖర్చు చేయకుండా రివార్డ్ పాయింట్లు ఎలా పెంచుకోవాలి?
క్రెడిట్ కార్డు ద్వారా అధికంగా ఖర్చు పెట్టకుండా కార్డును ఉపయోగించి కూడా రివార్డు పాయింట్లను పొందొచ్చు. -
కొత్త పన్ను విధానం ఎవరికి మేలంటే..?
గత ఆర్థిక సంవత్సరం నుంచి పన్ను రిటర్నుల దాఖలు సమయంలో కొత్త పన్ను విధానం ‘డిఫాల్ట్’గా మారింది. -
ఇల్లు కొంటున్నారా?
జీవితంలో అతి పెద్ద పెట్టుబడి ఇల్లు. దీన్ని సొంతం చేసుకోవాలని అందరూ అనుకుంటారు. ఒకవైపు అధికంగా ఉన్న స్థిరాస్తి ధరలు.. మరోవైపు రుణాలపై వడ్డీ రేటు గరిష్ఠ స్థాయిలో కొనసాగుతుండటం.. -
రేపటి కోసం పాటించండి ఈ ఆర్థిక చిట్కాలు
ఒక విషయంపై పూర్తి సమాచారం తెలుసుకోవడం ఇప్పుడు పెద్ద కష్టమేమీ కాదు. అరచేతిలోనే సమస్త విశ్వ సమాచారం దొరుకుతోంది. ఆర్థిక అంశాలపై అవగాహన పెంచుకోవడం ఎంతో అవసరం. -
ఎస్టేట్ ప్లానింగ్లో వారసత్వ ప్రణాళిక
ఎస్టేట్ ప్లానింగ్ అనేది కుటుంబాలకు తగిన వారసత్వ ప్రణాళికలను, భవిష్యత్తులో వారు చేయబోయే అనేక కార్యకలాపాలకు మార్గదర్శకం వహిస్తుంది. -
ఐటీఆర్ ఫైలింగ్.. ఈ తప్పులు చేయొద్దు..!
ITR filing: ఆడిట్ అవసరం లేని వ్యక్తులు జులై 31 వరకూ ఆదాయపు పన్ను రిటర్నులు దాఖలు చేయాల్సి ఉంటుంది. లేదంటే జరిమానా చెల్లించాల్సి వస్తుంది. అలా అని తొందరపడి ఎలాంటి పొరపాట్లు చేయొద్దు. సాధారణంగా ఐటీఆర్ ఫైలింగ్ సమయంలో చేసే తప్పులేంటో చూద్దాం.. -
ఆరోగ్య బీమా క్లెయిం తిరస్కరణకు గురైందా? కారణాలు ఇవే..!
ఆరోగ్య బీమా పాలసీదారుడికి అత్యవసర సమయాల్లో ఆర్థిక ఉపశమనాన్ని అందిస్తుంది. కొన్ని కారణాల వల్ల పాలసీదారుడి క్లెయిం తిరస్కరణకూ గురవుతుంది. అందుకు గల కారణాలేంటో ఇక్కడ తెలుసుకుందాం. -
తీవ్ర వ్యాధులు ఆర్థికంగా ఇబ్బంది పెట్టకుండా
క్యాన్సర్.. గుండెపోటు.. పక్షవాతం.. కాలేయ సంబంధిత వ్యాధులు.. ఇటీవలి కాలంలో ఇలాంటి జీవన శైలి వ్యాధుల జాబితా పెరిగిపోతూనే ఉంది. -
షేర్లలో మదుపు అవగాహనతో వేయాలి అడుగులు
స్టాక్ మార్కెట్ సూచీలు కొత్త గరిష్ఠాలకు చేరుకున్నాయి. పెట్టుబడులు పెట్టిన వారందరికీ లాభాలు కనిపిస్తున్నాయి. దీంతో కొత్తగా మార్కెట్లో మదుపు చేయాలనుకుంటున్న వారి సంఖ్య పెరుగుతోంది. -
ఆదాయపు పన్ను పత్రాలు సరిచూసుకోండి
ఆదాయపు పన్ను రిటర్నులు సమర్పించేందుకు గడువు సమీపిస్తోంది. ఇప్పటికే చాలామంది ఈ ప్రక్రియను పూర్తి చేశారు. -
కొత్త పథకం
‘ఎడెల్వైజ్ బిజినెస్ సైకిల్ ఫండ్’ అనే కొత్త పథకాన్ని ఎడెల్వైజ్ మ్యూచువల్ ఫండ్ తీసుకొచ్చింది. ఇది కొంత భిన్నమైన పథకం. ‘ఫ్యాక్టర్ ఆధారిత పెట్టుబడి’ విధానాన్ని ఈ పథకం అనుసరిస్తుంది. -
కొత్తగా ఉద్యోగంలో చేరారా?.. ఇవి తెలుసుకోవాల్సిందే..!
కొత్తగా ఉద్యోగ జీవితంలో ప్రవేశించినవారికి ఆర్థిక ప్రణాళికకు సంబంధించి అనేక వ్యవహారాల్లో తగినంత అవగాహన ఉండదు. వారు ఆర్థికంగా మెరుగైన స్థితిలో ఉండడానికి ఏం చేయాలి? ఏం చేయకూడదు? -
అత్యవసర నిధిని ఎలా సమకూర్చుకోవాలి?
అత్యవసర నిధిని నిర్మించడం అనేది చక్కటి ఆర్థిక ప్రణాళికకు సంబంధించిన ముఖ్యమైన నిర్ణయం. -
క్రెడిట్ కార్డులతో ఈ ప్రయోజనాలు తెలుసా?
క్రెడిట్ కార్డులను బాధ్యతాయుతంగా ఉపయోగించడం వల్ల అనేక ఆర్థిక ప్రయోజనాలను పొందొచ్చు.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
బౌలర్లూ కెప్టెన్సీ చేశారుగా.. జట్టు సారథి ఎంపికపై బుమ్రా కీలక వ్యాఖ్యలు
-
గూగుల్కు పోటీగా కొత్త సెర్చింజిన్.. తీసుకొచ్చిన చాట్జీపీటీ ఓనర్
-
రైటర్గా నాని.. జోరందుకున్న ప్రచారం
-
తెదేపా కొనసాగి ఉంటే 2021లోనే పోలవరం పూర్తయ్యేది: సీఎం చంద్రబాబు
-
ఈనాడు.నెట్లో టాప్ 10 వార్తలు @ 1 PM
-
గోదావరిలో నీరుంది.. కానీ ప్రభుత్వానికి ఇచ్చే మనసు లేదు: కేటీఆర్