Home Rent: ఆన్లైన్ ప్లాట్ఫామ్స్ ద్వారా ఇల్లు అద్దెకు తీసుకోవడం ప్రయోజనమేనా?
ఒకప్పటితో పోలిస్తే ఇప్పుడు డిజిటల్ సాంకేతికత చాలా పెరిగింది. ఇంటిని ఆన్లైన్ ప్లాట్ఫామ్ ద్వారా అద్దెకు తీసుకోవడం ప్రస్తుతకాలంలో పెరిగింది.
ఇంటర్నెట్ డెస్క్: పట్టణ ప్రాంతాల్లో నివసించే ప్రజల సంఖ్య పెరుగుదల కారణంగా అద్దె ఇళ్లకు డిమాండ్ పెరిగింది. అద్దె ఇళ్లను ఆన్లైన్ ప్లాట్ఫామ్స్ ద్వారా ఇప్పుడు వెతుక్కోవచ్చు. ఇందుకోసం ఆన్లైన్లో అనేక వెబ్సైట్లు అందుబాటులో ఉన్నాయి. పెద్ద పట్టణాలలో ఆన్లైన్ ప్లాట్ఫామ్స్ ద్వారా ఇళ్లను అద్దెకు తీసుకోవడం ఇప్పుడు ట్రెండ్గా మారింది. ఇంటిని అద్దెకు తీసుకోవడానికి వివిధ ప్రసార సాధనాల ప్రకటనలు, సోషల్ మీడియా, రియల్ ఎస్టేట్ ఏజెంట్ల మాటలు నమ్మడం కష్టమే కావచ్చు. సాంకేతికత ద్వారా అద్దె ప్రక్రియను మరింత సమర్థంగా, సురక్షితమైనదిగా చేయడానికి ఇప్పుడు అవకాశం ఉంది. డిజిటలైజేషన్.. స్థిరాస్తి మార్కెట్తో సహా వివిధ రంగాలకు సాంకేతికతను జోడించింది. ఇంటిని అద్దెకు తీసుకోవడానికి.. అద్దెదారుడు అందించిన సమాచారాన్ని ఇంటి యజమాని జాగ్రత్తగా పరిశీలించడం అవసరం. ఆన్లైన్ ప్లాట్ఫామ్స్ ఈ విషయంలో ఎంతో స్నేహాపూర్వకంగా ఉన్నాయి. ఈ ఆన్లైన్ ప్లాట్ఫామ్స్ మోసాల తీవ్రతను తగ్గిస్తాయి. ఇల్లు కావలసిన అద్దెదారులు గుర్తింపు పత్రాలను ఆన్లైన్లో సమర్పించాల్సి ఉంటుంది. అనేక ప్లాట్ఫామ్స్ తదుపరి ధ్రువీకరణ కోసం భౌతిక సైట్ సందర్శనలను నిర్వహిస్తాయి.
పారదర్శకత
డిజిటల్ రెంటల్ ప్లాట్ఫామ్స్ వద్ద సంప్రదాయ బ్రోకర్లు అందించలేని పారదర్శకత ఉంటుంది. ఈ ప్లాట్ఫామ్స్ ఇంటికి సంబంధించిన అన్ని విషయాలను వివరణాత్మకంగా అందిస్తాయి. వీటిలో హై క్వాలిటీ ఫోటోలతో పాటు ఆస్తికి సంబంధించిన విషయాలన్నీ వివరంగా పూర్తిగా ఉంటాయి. మరోవైపు సంప్రదాయ బ్రోకర్లు సమగ్ర జాబితాలను కలిగి ఉండరు. దీనివల్ల అద్దెదారులకు అవసరమయ్యే ఇంటిని కనుగొనడంలో కష్టం అవుతుంది. అంతేకాకుండా మానవ ప్రమేయం కారణంగా అద్దె విషయంలో పక్షపాతంగా ఉండడమే కాకుండా సొంత ప్రయోజనాలను అధికంగా ఆశిస్తారు. ఆన్లైన్ ఫ్లాట్ఫామ్స్లో ఇటువంటి సమస్యలు ఉండవు. కొన్ని వెబ్సైట్లు సేవలను చౌకగా అందిస్తుండంగా.. కొన్ని ఫ్రీగా కూడా ఇస్తున్నాయి.
ఆన్లైన్ అద్దె ఒప్పందాలకు సరైన ఆధారాలను నమోదు చేయాల్సి ఉంటుంది. అంతేకాకుండా ‘డేటా’ యాక్సెస్ ఉన్నవారికి మాత్రమే అందుబాటులో ఉంటుంది. అందువల్ల ఆన్లైన్ అద్దె ఒప్పందంలో ఉల్లంఘనలకు అవకాశం ఉండదు. స్థిరాస్తి వంటి అధిక విలువ కలిగిన ఆస్తులకు సంబంధించిన లావాదేవీలో ఎల్లప్పుడూ జాగ్రత్తగా ఉండాలని సూచన ఉన్నప్పటికీ, ఆన్లైన్ ఇంటి అద్దె ప్లాట్ఫామ్స్ భద్రత, సౌలభ్యం, పారదర్శకతలో గణనీయమైన పురోగతిని సాధిస్తున్నాయి.
సమయం ఆదా
ఆన్లైన్ ప్లాట్ఫామ్స్ వల్ల ఇంటికి సంబంధించిన మొత్తం భాగాన్ని వీడియో ద్వారా ఆన్లైన్లో చూడొచ్చు. ఇలాంటి అనేక ఇళ్ల వీడియోలు చూసి అద్దెదారులు షార్ట్లిస్ట్ చేసుకోవచ్చు. ఆసక్తి ఉన్న ఇంటిని కన్ఫర్మ్ చేసుకోవచ్చు. దీనివల్ల సమయం ఆదా అవుతుంది. ముఖ్యంగా బయట తిరిగే పని చాలా వరకు తగ్గిపోతుంది. ఈ విషయంలో ఎక్కువ మానవ ప్రమేయం లేకుండా పని పూర్తి చేసుకోవచ్చు. ఆన్లైన్ విధానం వేగవంతమైనది. సమర్థమైనది. అవాంతరాలు లేనిది కూడా.
సులభం
ఆన్లైన్ అద్దె ఒప్పందాలు సహజంగానే సులభంగా ఉంటాయి. ఇంటిని అద్దెకు తీసుకునే మొత్తం ప్రక్రియలో భారాన్ని తగ్గిస్తాయి. ఎందుకంటే, ప్రాపర్టీలను అద్దెకిచ్చే సంప్రదాయ ప్రక్రియ నెమ్మదిగా, శ్రమగా ఉంటుంది. అంతేకాకుండా అద్దె ఒప్పందాన్ని ఆఫ్లైన్లో రూపొందించడం సవాలుతో కూడుకున్న ప్రక్రియ కావొచ్చు. చిన్న పొరపాటు వల్ల కూడా మొత్తం ఇంటి అగ్రిమెంట్ పత్రాన్ని మళ్లీ టైప్ చేయాల్సి రావచ్చు. అయినప్పటికీ, ఆన్లైన్ అద్దె ఒప్పందాలతో సమానంగా ఉండదు. ఆఫ్లైన్ అద్దె ఒప్పందాలలో డాక్యుమెంట్స్ను టైప్ చేసి ప్రింట్ చేయడం, సంతకం చేయడం, స్కాన్ చేయడం వంటివి ఉంటాయి. అదే ఆన్లైన్ అద్దె ఒప్పంద సర్వీస్లో ప్రక్రియ పూర్తయిన తర్వాత మీరు ఒప్పందం కాపీతో ఇ-మెయిల్ అందుకుంటారు. అవసరమైతే హార్డ్ కాపీని కూడా తీసుకోవచ్చు. మామూలుగా అయితే సంప్రదాయ అద్దె ఒప్పందంతో చాలా జాగ్రత్తగా ఉండాలి. చట్టపరమైన పత్రాలను సరిగ్గా భద్రపరచుకోవాలి. ఒక్కోసారి పోగొట్టుకోవచ్చు కూడా. అయితే ఆన్లైన్ రికార్డులతో ఆ ఇబ్బంది ఉండదు. ఇ-మెయిల్లో ఉన్న దాన్ని ఎప్పుడైనా యాక్సెస్ చేయొచ్చు.
పునరుద్ధరణ
రెసిడెన్షియల్ రెంటల్ అగ్రిమెంట్లు సాధారణంగా 11 నెలల పాటు కొనసాగుతాయి. రెండు పార్టీల పరస్పర సమ్మతి ప్రకారం.. ఈ సమయం తర్వాత తప్పనిసరిగా అగ్రిమెంట్ పునరుద్ధరణ జరగాలి. ఆన్లైన్ సర్వీస్ అయితే అద్దెదారుడికి, యజమానికి రాబోయే గడువు ముగింపు వ్యవధిని ముందుగానే తెలియజేస్తుంది. వారి లీజును పొడిగించే ఆప్షన్ వారికి అందిస్తుంది. ధ్రువీకరణ అయిన లీజు ఆన్లైన్లో ఉన్నందున మళ్లీ ఎక్కువ పని అవసరం లేదు. యజమాని చేయవలసిందల్లా అద్దెదారులకు మార్చిన అద్దె వివరాలు తెలిపి, తాజా కాపీని ఇ-మెయిల్కు పంపాలి. డిజిటల్ మోడ్లో ముఖ్యమైన ప్రయోజనమేంటంటే అక్షరాలు, సంతకాలను పొరపాటుగా దాటవేయలేరు. ఏదైనా వ్యత్యాసం ఉంటే ప్లాట్ఫామ్ వారి తప్పును హెచ్చరిస్తుంది.
ఒప్పందం తర్వాత
ఇల్లు ఖరారు అయిన తర్వాత అద్దెదారుడు, యజమాని మధ్య ఏవైనా విభేదాలు తలెత్తితే ఆఫ్లైన్ ఛానెల్లో సరైన సపోర్ట్ ఉండదు. కానీ, ఆన్లైన్ ప్లాట్ఫామ్లో అయితే తమ సమస్యలను నివేదించవచ్చు. అద్దె ఒప్పందం విషయంలో కూడా ఇరుపక్షాల ప్రయోజనాలను పరిగణనలోకి తీసుకుంటారు. అదే బ్రోకర్లు అయితే ఇంటి యజమానులతో బలమైన సంబంధాలను కలిగి ఉంటారు. ఒప్పందంలో నిబంధనలు కూడా ఇంటి యజమానికే అనుకూలంగా ఉండేటట్లుగా చూస్తారు. ఆన్లైన్ ప్రక్రియలు చాలా నిష్పాక్షికంగా ఉంటాయి. డిజిటల్ ప్లాట్ఫామ్స్ అద్దెదారులు, యజమానులు ఇద్దరి హక్కులను సమర్థించే చట్టబద్ధమైన ఒప్పందాలను సులభతరం చేస్తాయి. తద్వారా ఇరువురి ప్రయోజనాలు నెరవేరతాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వీలునామా ఎలా రాయాలి?
వీలునామా అనేది ఒక వ్యక్తి మరణించిన తర్వాత అతడి ఆస్తులు, అప్పుల పంపిణీకి సంబంధించిన డిక్లరేషన్తో కూడిన చట్టపరమైన పత్రం. -
ఆదాయపు పన్ను ఫారం-16 లేకున్నా రిటర్నులు
గత ఆర్థిక సంవత్సరానికి (2023-24)గాను ఆదాయపు పన్ను రిటర్నులను దాఖలు చేయడానికి (అసెస్మెంట్ ఇయర్ 2024-25) జులై 31తో గడువు ముగియనుంది. ఇప్పటికీ రిటర్నులు దాఖలు చేయని వారు సాధ్యమైనంత త్వరగా ఈ ప్రక్రియను పూర్తి చేయాలి. -
సరైన పాలసీ ఎంపిక ఇలా
ఆరోగ్య సంరక్షణ ఖర్చులు రోజురోజుకూ పెరుగుతున్నాయి. ఊహించని వైద్య ఖర్చుల నుంచి మీ కష్టార్జితాన్ని కాపాడుకోవాలంటే ఆరోగ్య బీమా పాలసీని తీసుకోవడం తప్పనిసరి అవసరంగా మారింది. మీ నిర్దిష్ట అవసరాలను తీర్చగల మంచి పాలసీని ఎంచుకున్నప్పుడే అది కష్టకాలంలో అండగా ఉంటుంది. ఇలాంటి పాలసీని ఎలా గుర్తుపట్టాలి.. చూద్దాం. -
ఇంటి రుణం పదేళ్లలో తీర్చేద్దాం..
సొంతిల్లు కోసం రుణం తీసుకొని, దాదాపు 25 ఏళ్లపాటు చెల్లిస్తూనే ఉండాలి. దీనివల్ల వడ్డీ భారం పెరుగుతుంది. ఇతర ఆర్థిక లక్ష్యాలు నెరవేర్చుకునేందుకు ఇబ్బందులు ఏర్పడతాయి. -
ఐటీఆర్లో తప్పులా..? ఇలా చేస్తే రివైజ్డ్ ఐటీఆర్ అవసరం లేదు!
ITR Filing: ఐటీఆర్లో తప్పులు దొర్లాయా? దానికి చింతించాల్సిన అవసరం లేదు. దానికి ఆదాయపు పన్ను శాఖ ఓ అవకాశం కల్పిస్తోంది. -
మీ జీవిత బీమాను సరెండర్ చేస్తున్నారా? ఇవి తెలుసుకోండి..
జీవిత బీమా పాలసీదారుడు ప్రీమియంలు చెల్లించలేక, పాలసీని నిర్దిష్ట కాలవ్యవధి లోపు పునరుద్ధరించుకోలేకపోతే ఆ పాలసీని సరెండర్ చేయొచ్చు. పాలసీని సరెండర్ చేయడం వల్ల వచ్చే పరిణామాలను ఇక్కడ తెలుసుకుందాం. -
విదేశాల్లో విద్యనభ్యసించే ముందు ఎలాంటి ఖర్చులుంటాయి?
విదేశాల్లో చదువుకోవడానికి వెళ్లే ముందు అనేక ప్రక్రియలు ఉంటాయి. అవేంటో, వాటికయ్యే ఖర్చులేంటో ఇక్కడ తెలుసుకుందాం. -
ఐటీఆర్ను ఇలా ఈ-వెరిఫై చేయండి.. లేదంటే..
ITR Filing: ఆదాయపు రిటర్నులు దాఖలు చేసిన తర్వాత దాన్ని వెరిఫై చేయాల్సి ఉంటుంది. దానికి 30 రోజుల గడువు ఉంటుంది. -
అధికంగా ఖర్చు చేయకుండా రివార్డ్ పాయింట్లు ఎలా పెంచుకోవాలి?
క్రెడిట్ కార్డు ద్వారా అధికంగా ఖర్చు పెట్టకుండా కార్డును ఉపయోగించి కూడా రివార్డు పాయింట్లను పొందొచ్చు. -
కొత్త పన్ను విధానం ఎవరికి మేలంటే..?
గత ఆర్థిక సంవత్సరం నుంచి పన్ను రిటర్నుల దాఖలు సమయంలో కొత్త పన్ను విధానం ‘డిఫాల్ట్’గా మారింది. -
ఇల్లు కొంటున్నారా?
జీవితంలో అతి పెద్ద పెట్టుబడి ఇల్లు. దీన్ని సొంతం చేసుకోవాలని అందరూ అనుకుంటారు. ఒకవైపు అధికంగా ఉన్న స్థిరాస్తి ధరలు.. మరోవైపు రుణాలపై వడ్డీ రేటు గరిష్ఠ స్థాయిలో కొనసాగుతుండటం.. -
రేపటి కోసం పాటించండి ఈ ఆర్థిక చిట్కాలు
ఒక విషయంపై పూర్తి సమాచారం తెలుసుకోవడం ఇప్పుడు పెద్ద కష్టమేమీ కాదు. అరచేతిలోనే సమస్త విశ్వ సమాచారం దొరుకుతోంది. ఆర్థిక అంశాలపై అవగాహన పెంచుకోవడం ఎంతో అవసరం. -
ఎస్టేట్ ప్లానింగ్లో వారసత్వ ప్రణాళిక
ఎస్టేట్ ప్లానింగ్ అనేది కుటుంబాలకు తగిన వారసత్వ ప్రణాళికలను, భవిష్యత్తులో వారు చేయబోయే అనేక కార్యకలాపాలకు మార్గదర్శకం వహిస్తుంది. -
ఐటీఆర్ ఫైలింగ్.. ఈ తప్పులు చేయొద్దు..!
ITR filing: ఆడిట్ అవసరం లేని వ్యక్తులు జులై 31 వరకూ ఆదాయపు పన్ను రిటర్నులు దాఖలు చేయాల్సి ఉంటుంది. లేదంటే జరిమానా చెల్లించాల్సి వస్తుంది. అలా అని తొందరపడి ఎలాంటి పొరపాట్లు చేయొద్దు. సాధారణంగా ఐటీఆర్ ఫైలింగ్ సమయంలో చేసే తప్పులేంటో చూద్దాం.. -
ఆరోగ్య బీమా క్లెయిం తిరస్కరణకు గురైందా? కారణాలు ఇవే..!
ఆరోగ్య బీమా పాలసీదారుడికి అత్యవసర సమయాల్లో ఆర్థిక ఉపశమనాన్ని అందిస్తుంది. కొన్ని కారణాల వల్ల పాలసీదారుడి క్లెయిం తిరస్కరణకూ గురవుతుంది. అందుకు గల కారణాలేంటో ఇక్కడ తెలుసుకుందాం. -
తీవ్ర వ్యాధులు ఆర్థికంగా ఇబ్బంది పెట్టకుండా
క్యాన్సర్.. గుండెపోటు.. పక్షవాతం.. కాలేయ సంబంధిత వ్యాధులు.. ఇటీవలి కాలంలో ఇలాంటి జీవన శైలి వ్యాధుల జాబితా పెరిగిపోతూనే ఉంది. -
షేర్లలో మదుపు అవగాహనతో వేయాలి అడుగులు
స్టాక్ మార్కెట్ సూచీలు కొత్త గరిష్ఠాలకు చేరుకున్నాయి. పెట్టుబడులు పెట్టిన వారందరికీ లాభాలు కనిపిస్తున్నాయి. దీంతో కొత్తగా మార్కెట్లో మదుపు చేయాలనుకుంటున్న వారి సంఖ్య పెరుగుతోంది. -
ఆదాయపు పన్ను పత్రాలు సరిచూసుకోండి
ఆదాయపు పన్ను రిటర్నులు సమర్పించేందుకు గడువు సమీపిస్తోంది. ఇప్పటికే చాలామంది ఈ ప్రక్రియను పూర్తి చేశారు. -
కొత్త పథకం
‘ఎడెల్వైజ్ బిజినెస్ సైకిల్ ఫండ్’ అనే కొత్త పథకాన్ని ఎడెల్వైజ్ మ్యూచువల్ ఫండ్ తీసుకొచ్చింది. ఇది కొంత భిన్నమైన పథకం. ‘ఫ్యాక్టర్ ఆధారిత పెట్టుబడి’ విధానాన్ని ఈ పథకం అనుసరిస్తుంది. -
కొత్తగా ఉద్యోగంలో చేరారా?.. ఇవి తెలుసుకోవాల్సిందే..!
కొత్తగా ఉద్యోగ జీవితంలో ప్రవేశించినవారికి ఆర్థిక ప్రణాళికకు సంబంధించి అనేక వ్యవహారాల్లో తగినంత అవగాహన ఉండదు. వారు ఆర్థికంగా మెరుగైన స్థితిలో ఉండడానికి ఏం చేయాలి? ఏం చేయకూడదు? -
అత్యవసర నిధిని ఎలా సమకూర్చుకోవాలి?
అత్యవసర నిధిని నిర్మించడం అనేది చక్కటి ఆర్థిక ప్రణాళికకు సంబంధించిన ముఖ్యమైన నిర్ణయం.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
స్టంట్ చేస్తూ, కాలుచేయి పోగొట్టుకున్న యువకుడు: రైల్వే పోస్టు వైరల్
-
మరో రికార్డును సొంతం చేసుకున్న విశాఖ ఉక్కు .. కార్మికుల హర్షాతిరేకాలు
-
‘తప్పు జరిగింది.. క్షమించండి’: పారిస్ ఒలింపిక్స్ నిర్వాహకులు
-
టెస్టుల్లో సచిన్ రికార్డును జో రూట్ బ్రేక్ చేస్తాడా? దినేశ్ కార్తిక్ ఏమన్నాడంటే?
-
ఫైల్స్ దహనం కేసు.. పోలీసుల అదుపులోకి ఎంపీ మిథున్రెడ్డి ప్రధాన అనుచరుడు
-
కేంద్ర బడ్జెట్లో ఏపీకి రూ.50,474 కోట్లు: కేంద్ర మంత్రి మురుగన్