Loan: వ్యక్తిగత రుణం, పీపీఎఫ్ రుణం.. ఏది మేలు?
పీపీఎఫ్ ఖాతా ఉన్నవారు, పీపీఎఫ్ ఖాతాపై రుణం తీసుకోవాలా? వ్యక్తిగత రుణం తీసుకుంటే మంచిదా తెలుసుకుందాం.
ఇంటర్నెట్ డెస్క్: వ్యక్తులు ఆర్థిక అవసరాల్లో రుణం తీసుకోవడం సహజమే. అయితే, అవకాశాలను అనుసరించి ఎక్కడ రుణం తీసుకోవడం వల్ల ప్రయోజనం ఉంటుందో తెలుసుకోవాలి. ద్రవ్యోల్బణాన్ని అదుపులో ఉంచేందుకు ఈ ఏడాది మే నుంచి ఆర్బీఐ పలుమార్లు రెపో రేటు పెంచుతూ వచ్చింది. దీంతో లెండింగ్ రేట్లు పెరుగుతూ వస్తున్నాయి. బ్యాంకులు కూడా సురక్షిత రుణాలు, అసురక్షిత రుణాలు.. ముఖ్యంగా వ్యక్తిగత రుణాల వడ్డీ రేట్లను పెంచుతున్నాయి. ఈ నేపథ్యంలో పీపీఎఫ్ ఖాతా ఉన్నవారు దానిపై రుణం తీసుకోవాలా? లేక వ్యక్తిగత రుణం తీసుకుంటే మంచిదా?
రుణ అర్హత..
వ్యక్తిగత రుణం: నెలవారీ స్థిర ఆదాయం, మంచి క్రెడిట్ స్కోరు నిర్వహించేవారు, ఎలాంటి హామీ లేకుండా సులభంగానే వ్యక్తిగత రుణాలను పొందవచ్చు.
పీపీఎఫ్: ఖాతా తెరిచిన వారికి 3వ సంవత్సరం నుంచి 6వ సంవత్సరం వరకు రుణం అందుబాటులో ఉంటుంది. మొదటి రెండు ఆర్థిక సంవత్సరాలు రుణం పొందే వీలులేదు. అలాగే, 6వ ఆర్థిక సంవత్సరం తర్వాత రుణం లభించదు. ఉదాహరణకు మీరు 2019-2020 ఆర్థిక సంవత్సరంలో ఖాతా తెరిచినట్లయితే, 2021-22 ఆర్థిక సంవత్సరం నుంచి రుణం పొందేందుకు అర్హులవుతారు. ఆరో సంవత్సరం, అంటే 2025-26 వరకు మాత్రమే రుణం అందుబాటులో ఉంటుంది. రుణ ప్రాసెస్, మంజూరుకు కొంత సమయం పట్టవచ్చు.
లోన్ మొత్తం..
వ్యక్తిగత రుణం: ఈ రుణంపై ఎలాంటి పరిమితులూ ఉండవు. వ్యక్తి ఆదాయం, తిరిగి చెల్లించే సామర్థ్యం, బ్యాంకు నియమాలను అనుసరించి రుణం మంజూరు చేస్తారు.
పీపీఎఫ్: ఈ ఖాతా నిబంధనల ప్రకారం రుణ మొత్తంపై గరిష్ఠ పరిమితి ఉంటుంది. రుణం తీసుకువాలకున్నప్పుడు.. అంతకు ముందు ఆర్థిక సంవత్సరం క్లోజింగ్ బ్యాలెన్స్పై 25% మొత్తం మించకుండా రుణం తీసుకోవచ్చు.
రుణ కాలవ్యవధి..
వ్యక్తిగత రుణం: తిరిగి చెల్లించేందుకు గరిష్ఠంగా 5-7 సంవత్సరాల వరకు సమయం ఇస్తారు.
పీపీఎఫ్ రుణం: తిరిగి చెల్లింపులకు 36 నెలల సమయం ఇస్తారు. రుణం మంజూరు చేసిన నెలలో మొదటి రోజు నుంచి కాలవ్యవధిని లెక్కిస్తారు.
వడ్డీరేటు..
వ్యక్తిగత రుణం: ఎటువంటి హామీ లేకుండా ఇస్తారు కాబట్టి వ్యక్తిగత రుణాలు అసురక్షితమైనవి. వీటితో బ్యాంకులకు రిస్క్ ఎక్కువగా ఉంటుంది. కాబట్టి, వీటిపై వడ్డీ రేట్లు ఎక్కువగా ఉంటాయి. వార్షికంగా 10-24% మధ్య ఉండవచ్చు
పీపీఎఫ్: రుణ మొత్తంపై 1% వడ్డీ వసూలు చేస్తారు. అయితే, రుణం తిరిగి చెల్లించేంత వరకు పీపీఎఫ్ ఖాతాపై వడ్డీని పొందలేరు. కాబట్టి, ప్రస్తుతం పీపీఎఫ్ ఖాతాకు లభిస్తున్న వడ్డీకి 1% కలుపుకొని వడ్డీ ఎంత వర్తింస్తుందో లెక్కించవచ్చు.
రీపేమెంట్..
వ్యక్తిగత రుణం: ఈఎంఐల రూపంలో ముందుగా ఎంచుకున్న కాలపరిమితిలోపు చెల్లించాల్సి ఉంటుంది. ముందస్తు చెల్లింపులపై ఛార్జీలు వర్తించే అవకాశం ఉంటుంది.
పీపీఎఫ్ రుణం: ఏకమొత్తంగా ఒకేసారి చెల్లింపులు చేయవచ్చు. లేదా చెల్లింపుల కాలవ్యవధిలో రెండు లేదా అంతకంటే ఎక్కువ వాయిదాల్లో ఖాతాదారుడు తన ఇష్ట ప్రకారం చెల్లించవచ్చు.
పీపీఎఫ్, వ్యక్తిగత రుణం.. ఏది మంచిది?
ఎక్కువ మొత్తంలో రుణం కావాలనుకుంటే..
పీపీఎఫ్లో 15 సంవత్సరాల మెచ్యూరిటీ పీరియడ్ ఉంటుంది. ఏడాదికి గరిష్ఠంగా రూ.1.50 లక్షల వరకు మాత్రమే పెట్టుబడి పెట్టే వీలుంది. ఒకవేళ మీరు రెండేళ్లు పాటు ఏడాదికి రూ.1.50 లక్షల చొప్పున పెట్టుబడి పెట్టి, మూడో సంవత్సరం రుణం తీసుకోవాలంటే.. రెండేళ్లలో గరిష్ఠంగా రూ.3 లక్షల వరకు మాత్రమే పెట్టుబడి పెట్టగలరు. కాబట్టి, ఈ మొత్తంపై 25% వరకు, అంటే రూ.75 వేల వరకు మాత్రమే రుణం పొందే వీలుంది. ఒకవేళ 4వ సంవత్సరంలో రుణం తీసుకోవాలంటే రూ.4.50 లక్షలపై రూ.1,12,500 మాత్రమే రుణం పొందగలరు. అంటే, ఎక్కువ మొత్తంలో రుణం కావాలనుకుంటే పీపీఎఫ్లో సాధ్యం కాకపోవచ్చు. అటువంటి వారు వ్యక్తిగత రుణం ఎంచుకోవచ్చు.
వడ్డీ పరంగా..
వడ్డీ పరంగా చూసుకుంటే వ్యక్తిగత రుణంపై 10-24% వరకు కూడా వడ్డ వర్తించే అవకాశం ఉంటుంది. ఇది చాలా ఎక్కువ. పీపీఎఫ్ ప్రస్తుత వడ్డీరేటు 7.10%..1% అదనంగా కలుపుకొంటే 8.10% వడ్డీ వర్తిస్తుంది. ఇది వ్యక్తిగత రుణంతో పోలిస్తే తక్కువే.
చివరిగా..
స్వల్పకాల అవసరాల కోసం చిన్న చిన్న మొత్తాల్లో రుణం తీసుకుని తిరిగి చెల్లించేవారు పీపీఎఫ్ రుణాన్ని ఎంచుకోవచ్చు. అధిక మొత్తంలో రుణం కావాలనుకుంటే వ్యక్తిగత రుణాన్ని పరిశీలించవచ్చు. అయితే, వీలైనంత వరకు అధిక వడ్డీ గల రుణాలను ఇతర మార్గాలు లేనప్పుడు మాత్రమే ఎంచుకోవాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది. -
టర్మ్ బీమా ప్రీమియంలు ఎంతెంత?
చిన్న వయసులోనే జీవిత బీమా తీసుకుంటే ప్రీమియం తక్కువగా ఉంటుంది. వివిధ బీమా సంస్థలు వసూలు చేసే ప్రీమియంలు ఎంతెంతున్నాయో ఇక్కడ చూడండి. -
రెగ్యులర్ Vs డైరెక్ట్ మ్యూచువల్ ఫండ్.. ఏది బెటర్?
Mutual Funds: మ్యూచువల్ ఫండ్లలో మదుపర్లకు రెండు రకాల పథకాలు అందుబాటులో ఉంటాయి. వాటిలో ఏది ఎంచుకోవాలో చాలా మందికి అవగాహన ఉండదు. -
వివిధ లార్జ్ క్యాప్ ఫండ్లపై రాబడులు ఇలా ఉన్నాయి
3, 5, 10 సంవత్సరాల్లో అత్యుత్తమ పనితీరు కనబరిచిన లార్జ్ క్యాప్ మ్యూచువల్ ఫండ్ పథకాలు ఇక్కడ ఉన్నాయి. -
స్థిరాస్తుల్లో మదుపు చేద్దామా
పెట్టుబడులు పెట్టేందుకు అనేక మార్గాలు అందుబాటులో ఉన్నాయి. షేర్లు, బాండ్లు, ఫిక్స్డ్ డిపాజిట్లలాంటి పెట్టుబడి పథకాలు, బంగారం, స్థిరాస్తుల వరకూ ఎన్నో విస్తృత శ్రేణి ఎంపికలు ఉన్నాయి. -
ఓటీపీ ఆ అంకెలు జాగ్రత్త
ఒక్క క్లిక్తో కావాల్సినవన్నీ కొనేస్తున్నాం. బ్యాంకింగ్ లావాదేవీలన్నీ చేసేస్తున్నాం. వీటన్నింటికీ ఆరంకెల ఓటీపీ (వన్ టైమ్ పాస్వర్డ్) చాలు.. ఇంత సౌలభ్యంతోపాటు, కొన్ని ప్రమాదాలూ పొంచి ఉన్నాయి -
పన్ను ప్రణాళికకు తరుణమిదే..
ఆర్థిక సంవత్సరం ప్రారంభం కావడంతో.. ఆదాయపు పన్ను మినహాయింపుల గురించి ఆలోచించాల్సిన సమయం వచ్చేసింది. ఈ నేపథ్యంలో పాత పన్నువిధానంలోనే ముందుకెళ్లాలని ఆలోచిస్తున్న వారు -
రెస్టరంట్లో డబ్బు ఆదా చేయడానికి చిట్కాలు
ఎప్పుడైనా కుటుంబంతో కలిసి రెస్టరంట్కు వెళ్లాలనుకునేవారు బిల్లుపై తగ్గింపు పొందాలనుకుంటారు. అలాంటి వారికోసమే కొన్ని చిట్కాలు. -
ఆన్లైన్ vs ఆఫ్లైన్ బీమా.. ఏది మెరుగైనది?
ప్రస్తుతం అన్ని రకాల బీమా పాలసీలు ఆన్లైన్, ఆఫ్లైన్లో లభిస్తున్నాయి. ఇవి వినియోగదారులకు ఎలాంటి సేవలు అందిస్తాయి? ఎలా మెరుగైనవి అనేది ఇక్కడ తెలుసుకోండి. -
ఎన్పీఎస్ లాగిన్, క్రెడిట్ కార్డ్ రూల్స్.. ఏప్రిల్ 1 నుంచి రాబోతున్న మార్పులివీ..
Changes from april 1st: కొత్త ఆర్థిక సంవత్సరంలో ఆర్థిక పరమైన మార్పులు చోటుచేసుకోబోతున్నాయి. అవేంటో చూసేయండి..