PPF vs VPF: పీపీఎఫ్, వీపీఎఫ్లో ఏది బెటర్..?
PPF or VPF: వాలంటరీ ప్రావిడెండ్ ఫండ్, పబ్లిక్ ప్రావిడెంట్ ఫండ్లో ఏది బెటర్ అని ఆలోచిస్తున్నారా? ఈ విషయాల్ని పరిశీలించాక మీ నిర్ణయం తీసుకోండి..
PPF or VPF | ఇంటర్నెట్డెస్క్: ఉద్యోగం చేసే వారైనా.. వ్యాపారంలో ఉన్న వారైనా.. కష్టపడి సంపాదించిన సొమ్మును భవిష్యత్ కోసం దాచుకుంటారు. దానికోసం వివిధ దీర్ఘకాలిక పెట్టుబడి పథకాలను ఎంచుకుంటూ ఉంటారు. అధిక రాబడి ఇచ్చే పెట్టుబడి సాధనాలు ఎన్ని ఉన్నా.. ఇప్పటికీ చాలామంది పొదుపు కోసం ప్రభుత్వ హామీనిచ్చే పథకాలపైనే మక్కువ చూపుతున్నారు. ఆ కోవకే చెందుతాయి వాలంటరీ ప్రావిడెండ్ ఫండ్ (VPF), పబ్లిక్ ప్రావిడెంట్ ఫండ్ (PPF). ఇందులో ఉద్యోగం చేస్తున్న వారికి ఏది మంచిది? వ్యాపారులకైతే ఏది సరిపోతుంది? అలాగే, వడ్డీ, పన్ను ప్రయోజనాలు.. వంటి వివరాలు ఇప్పుడు చూద్దాం..
ఉద్యోగులకు పదవీ విరమణ ప్రయోజనాలను అందించే పథకం ఎంప్లాయిస్ ప్రావిడెండ్ ఫండ్ (EPF)కు అదనంగా కంట్రిబ్యూట్ చేసేందుకు తీసుకొచ్చిన సదుపాయమే VPF. సాధారణంగా ఉద్యోగులు తమ వేతనం నుంచి 12శాతం మొత్తాన్ని ఈపీఎఫ్కు జమ చేస్తారు. దీనికి సమానమైన మొత్తాన్ని సంస్థ యజమాని కూడా ఉద్యోగి ఈపీఎఫ్ ఖాతాకు జమచేస్తారు. ఒకవేళ ఉద్యోగులు అదనంగా పొదుపు చేయాలనుకుంటే ఈ వీపీఎఫ్ (VPF) ఆప్షన్ ఎంచుకోవచ్చు. ఈ మొత్తం ఈపీఎఫ్ ఖాతాలో జమ అవుతుంది. యాక్టివ్ ఈపీఎఫ్ ఖాతా ఉన్న వాళ్లు మాత్రమే ఈ అకౌంట్ తెరిచే సదుపాయం ఉంటుంది. అంటే వీపీఎఫ్ అనేది ఉద్యోగులకు మాత్రమే. ఇక భారతీయ పౌరులెవరైనా PPF ఖాతా తెరవొచ్చు.
చెల్లింపు
కేవలం రూ.100తోనే పీపీఎఫ్ ఖాతాను తెరవొచ్చు. ఏడాదిలో కనీసం రూ.500 ఖాతాకు జమ చేయాలి. ఏడాదిలో గరిష్ఠంగా రూ.1,50,000 వరకు జమ చేయొచ్చు. ఇక వీపీఎఫ్లో కనీస మొత్తంపై ఎటువంటి పరిమితీ లేదు. వీపీఎఫ్లో గరిష్ఠంగా ఉద్యోగి బేసిక్+డీఏకు 100% సమానమైన మొత్తాన్ని డిపాజిట్ చేయొచ్చు.
విత్డ్రా
పీపీఎఫ్కు 15 సంవత్సరాల కాలపరిమితి ఉంటుంది. కాలపరిమితి ముగిశాక మొత్తం నగదును విత్ డ్రా చేసుకోవచ్చు. కావాలనుకుంటే ఐదేసి సంవత్సరాల చొప్పున ఖాతాను పొడిగించుకోవచ్చు. ఖాతా తెరిచిన ఆర్థిక సంవత్సరం చివరి నుంచి 5 సంవత్సరాల తర్వాత పాక్షిక విత్డ్రాలను అనుమతిస్తారు. మూడేళ్ల నుంచి ఆరు సంవత్సరాల మధ్య పీపీఎఫ్ బ్యాలెన్స్పై రుణం పొందొచ్చు.
ఇక వీపీఎఫ్లో ఉద్యోగం నుంచి విరమణ పొందేవరకు పెట్టుబడులు పెట్టొచ్చు. రిటైర్మెంట్ తర్వాత ఈపీఎఫ్ మొత్తాన్ని విత్డ్రాలను అనుమతిస్తారు. రెండు నెలలకు పైగా నిరుద్యోగిగా ఉన్నట్లయితే పూర్తి వీపీఎఫ్ మొత్తాన్ని విత్డ్రా చేసుకోవచ్చు. వైద్యపరమైన ఖర్చులు, సొంతింటి నిర్మాణం లేదా కొనుగోలు, పునర్నిర్మాణం వంటి ప్రయోజనాల కోసం పాక్షిక ఉపసంహరణకు అనుమతిస్తారు.
వడ్డీ
వడ్డీ విషయానికొస్తే ప్రస్తుతం పీపీఎఫ్ ద్వారా 7.1 శాతం వడ్డీ పొందొచ్చు. ఏప్రిల్-జూన్ త్రైమాసికం వరకు ఇదే వడ్డీనే ఉంటుంది. 2021-22 నుంచి ఇప్పటివరకు పీపీఎఫ్ వడ్డీ రేటు స్థిరంగానే ఉంది. వీపీఎఫ్కు మాత్రం ఈపీఎఫ్కు అందించే వడ్డీనే వర్తిస్తుంది. గత ఆర్థిక సంవత్సరంలో 8.15 శాతంగా ఉన్న వడ్డీ 2023-24 ఆర్థిక సంవత్సరంలో 8.25 శాతంగా ఉంది. అంటే పీపీఎఫ్ కంటే వీపీఎఫ్లోనే వడ్డీ కొంచెం ఎక్కువగా ఉంటుంది.
పన్ను మినహాయింపు
ఈపీఎఫ్, వీపీఎఫ్.. ఈ రెండు పథకాల్లోనూ జమ చేసిన మొత్తాలకు సెక్షన్ 80సి వర్తిస్తుంది. అంటే ఏడాదిలో రూ.1.5 లక్షల వరకు మినహాయింపు పొందొచ్చు. ఈపీఎఫ్, వీపీఎఫ్లో జమ అయిన మొత్తం ఒక ఆర్థిక సంవత్సరంలో రూ.2.5 లక్షలు దాటితే పన్ను భారం పడుతుంది. అదనంగా జమ చేసిన మొత్తంపై వచ్చిన వడ్డీపై పన్ను చెల్లించాల్సి ఉంటుంది. ఇక పీపీఎఫ్ ఖాతాలో చేసే పెట్టుబడిపై 1961 సెక్షన్ 80సి కింద ఏడాదిలో రూ.1.5 లక్షల వరకు మినహాయింపు ఉంటుంది. దీనిపై పొందే వడ్డీపై కూడా పన్ను ఉండదు. పన్ను మినహాయింపు మార్గాల కోసం అన్వేషించే ఉద్యోగులు దీన్ని పరిశీలించొచ్చు.
ఖాతా తెరవడం
పీపీఎఫ్ ఖాతాను పోస్టాఫీసులు, బ్యాంకుల్లో తెరవొచ్చు. చాలా బ్యాంకులు ఆన్లైన్లోనే పీపీఎఫ్ ఖాతా తెరిచే సదుపాయాన్ని అందిస్తున్నాయి. వీపీఎఫ్ కోసం మీరు పని చేస్తున్న సంస్థ హెచ్ఆర్ని సంప్రదించి మీరు జమ చేయాలనుకున్న మొత్తం తెలియజేస్తే సరిపోతుంది.
చివరగా..
మీ అర్హత, వ్యక్తిగత ప్రాధాన్యాలు, దీర్ఘకాలిక ఆర్థిక లక్ష్యాలు.. వంటి అంశాల్ని పరిగణనలోకి తీసుకొని పీపీఎఫ్, వీపీఎఫ్ ఆప్షన్లు ఎంచుకోండి. అధిక వడ్డీ మూలంగా ఉద్యోగులు వీపీఎఫ్ను ఎంచుకోవడం సరైన నిర్ణయమని ఆర్థిక నిపుణులు చెబుతున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వీలునామా ఎలా రాయాలి?
వీలునామా అనేది ఒక వ్యక్తి మరణించిన తర్వాత అతడి ఆస్తులు, అప్పుల పంపిణీకి సంబంధించిన డిక్లరేషన్తో కూడిన చట్టపరమైన పత్రం. -
ఆదాయపు పన్ను ఫారం-16 లేకున్నా రిటర్నులు
గత ఆర్థిక సంవత్సరానికి (2023-24)గాను ఆదాయపు పన్ను రిటర్నులను దాఖలు చేయడానికి (అసెస్మెంట్ ఇయర్ 2024-25) జులై 31తో గడువు ముగియనుంది. ఇప్పటికీ రిటర్నులు దాఖలు చేయని వారు సాధ్యమైనంత త్వరగా ఈ ప్రక్రియను పూర్తి చేయాలి. -
సరైన పాలసీ ఎంపిక ఇలా
ఆరోగ్య సంరక్షణ ఖర్చులు రోజురోజుకూ పెరుగుతున్నాయి. ఊహించని వైద్య ఖర్చుల నుంచి మీ కష్టార్జితాన్ని కాపాడుకోవాలంటే ఆరోగ్య బీమా పాలసీని తీసుకోవడం తప్పనిసరి అవసరంగా మారింది. మీ నిర్దిష్ట అవసరాలను తీర్చగల మంచి పాలసీని ఎంచుకున్నప్పుడే అది కష్టకాలంలో అండగా ఉంటుంది. ఇలాంటి పాలసీని ఎలా గుర్తుపట్టాలి.. చూద్దాం. -
ఇంటి రుణం పదేళ్లలో తీర్చేద్దాం..
సొంతిల్లు కోసం రుణం తీసుకొని, దాదాపు 25 ఏళ్లపాటు చెల్లిస్తూనే ఉండాలి. దీనివల్ల వడ్డీ భారం పెరుగుతుంది. ఇతర ఆర్థిక లక్ష్యాలు నెరవేర్చుకునేందుకు ఇబ్బందులు ఏర్పడతాయి. -
ఐటీఆర్లో తప్పులా..? ఇలా చేస్తే రివైజ్డ్ ఐటీఆర్ అవసరం లేదు!
ITR Filing: ఐటీఆర్లో తప్పులు దొర్లాయా? దానికి చింతించాల్సిన అవసరం లేదు. దానికి ఆదాయపు పన్ను శాఖ ఓ అవకాశం కల్పిస్తోంది. -
మీ జీవిత బీమాను సరెండర్ చేస్తున్నారా? ఇవి తెలుసుకోండి..
జీవిత బీమా పాలసీదారుడు ప్రీమియంలు చెల్లించలేక, పాలసీని నిర్దిష్ట కాలవ్యవధి లోపు పునరుద్ధరించుకోలేకపోతే ఆ పాలసీని సరెండర్ చేయొచ్చు. పాలసీని సరెండర్ చేయడం వల్ల వచ్చే పరిణామాలను ఇక్కడ తెలుసుకుందాం. -
విదేశాల్లో విద్యనభ్యసించే ముందు ఎలాంటి ఖర్చులుంటాయి?
విదేశాల్లో చదువుకోవడానికి వెళ్లే ముందు అనేక ప్రక్రియలు ఉంటాయి. అవేంటో, వాటికయ్యే ఖర్చులేంటో ఇక్కడ తెలుసుకుందాం. -
ఐటీఆర్ను ఇలా ఈ-వెరిఫై చేయండి.. లేదంటే..
ITR Filing: ఆదాయపు రిటర్నులు దాఖలు చేసిన తర్వాత దాన్ని వెరిఫై చేయాల్సి ఉంటుంది. దానికి 30 రోజుల గడువు ఉంటుంది. -
అధికంగా ఖర్చు చేయకుండా రివార్డ్ పాయింట్లు ఎలా పెంచుకోవాలి?
క్రెడిట్ కార్డు ద్వారా అధికంగా ఖర్చు పెట్టకుండా కార్డును ఉపయోగించి కూడా రివార్డు పాయింట్లను పొందొచ్చు. -
కొత్త పన్ను విధానం ఎవరికి మేలంటే..?
గత ఆర్థిక సంవత్సరం నుంచి పన్ను రిటర్నుల దాఖలు సమయంలో కొత్త పన్ను విధానం ‘డిఫాల్ట్’గా మారింది. -
ఇల్లు కొంటున్నారా?
జీవితంలో అతి పెద్ద పెట్టుబడి ఇల్లు. దీన్ని సొంతం చేసుకోవాలని అందరూ అనుకుంటారు. ఒకవైపు అధికంగా ఉన్న స్థిరాస్తి ధరలు.. మరోవైపు రుణాలపై వడ్డీ రేటు గరిష్ఠ స్థాయిలో కొనసాగుతుండటం.. -
రేపటి కోసం పాటించండి ఈ ఆర్థిక చిట్కాలు
ఒక విషయంపై పూర్తి సమాచారం తెలుసుకోవడం ఇప్పుడు పెద్ద కష్టమేమీ కాదు. అరచేతిలోనే సమస్త విశ్వ సమాచారం దొరుకుతోంది. ఆర్థిక అంశాలపై అవగాహన పెంచుకోవడం ఎంతో అవసరం. -
ఎస్టేట్ ప్లానింగ్లో వారసత్వ ప్రణాళిక
ఎస్టేట్ ప్లానింగ్ అనేది కుటుంబాలకు తగిన వారసత్వ ప్రణాళికలను, భవిష్యత్తులో వారు చేయబోయే అనేక కార్యకలాపాలకు మార్గదర్శకం వహిస్తుంది. -
ఐటీఆర్ ఫైలింగ్.. ఈ తప్పులు చేయొద్దు..!
ITR filing: ఆడిట్ అవసరం లేని వ్యక్తులు జులై 31 వరకూ ఆదాయపు పన్ను రిటర్నులు దాఖలు చేయాల్సి ఉంటుంది. లేదంటే జరిమానా చెల్లించాల్సి వస్తుంది. అలా అని తొందరపడి ఎలాంటి పొరపాట్లు చేయొద్దు. సాధారణంగా ఐటీఆర్ ఫైలింగ్ సమయంలో చేసే తప్పులేంటో చూద్దాం.. -
ఆరోగ్య బీమా క్లెయిం తిరస్కరణకు గురైందా? కారణాలు ఇవే..!
ఆరోగ్య బీమా పాలసీదారుడికి అత్యవసర సమయాల్లో ఆర్థిక ఉపశమనాన్ని అందిస్తుంది. కొన్ని కారణాల వల్ల పాలసీదారుడి క్లెయిం తిరస్కరణకూ గురవుతుంది. అందుకు గల కారణాలేంటో ఇక్కడ తెలుసుకుందాం. -
తీవ్ర వ్యాధులు ఆర్థికంగా ఇబ్బంది పెట్టకుండా
క్యాన్సర్.. గుండెపోటు.. పక్షవాతం.. కాలేయ సంబంధిత వ్యాధులు.. ఇటీవలి కాలంలో ఇలాంటి జీవన శైలి వ్యాధుల జాబితా పెరిగిపోతూనే ఉంది. -
షేర్లలో మదుపు అవగాహనతో వేయాలి అడుగులు
స్టాక్ మార్కెట్ సూచీలు కొత్త గరిష్ఠాలకు చేరుకున్నాయి. పెట్టుబడులు పెట్టిన వారందరికీ లాభాలు కనిపిస్తున్నాయి. దీంతో కొత్తగా మార్కెట్లో మదుపు చేయాలనుకుంటున్న వారి సంఖ్య పెరుగుతోంది. -
ఆదాయపు పన్ను పత్రాలు సరిచూసుకోండి
ఆదాయపు పన్ను రిటర్నులు సమర్పించేందుకు గడువు సమీపిస్తోంది. ఇప్పటికే చాలామంది ఈ ప్రక్రియను పూర్తి చేశారు. -
కొత్త పథకం
‘ఎడెల్వైజ్ బిజినెస్ సైకిల్ ఫండ్’ అనే కొత్త పథకాన్ని ఎడెల్వైజ్ మ్యూచువల్ ఫండ్ తీసుకొచ్చింది. ఇది కొంత భిన్నమైన పథకం. ‘ఫ్యాక్టర్ ఆధారిత పెట్టుబడి’ విధానాన్ని ఈ పథకం అనుసరిస్తుంది. -
కొత్తగా ఉద్యోగంలో చేరారా?.. ఇవి తెలుసుకోవాల్సిందే..!
కొత్తగా ఉద్యోగ జీవితంలో ప్రవేశించినవారికి ఆర్థిక ప్రణాళికకు సంబంధించి అనేక వ్యవహారాల్లో తగినంత అవగాహన ఉండదు. వారు ఆర్థికంగా మెరుగైన స్థితిలో ఉండడానికి ఏం చేయాలి? ఏం చేయకూడదు? -
అత్యవసర నిధిని ఎలా సమకూర్చుకోవాలి?
అత్యవసర నిధిని నిర్మించడం అనేది చక్కటి ఆర్థిక ప్రణాళికకు సంబంధించిన ముఖ్యమైన నిర్ణయం.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
రైళ్ల రీ షెడ్యూల్.. గమ్యాల కుదింపు
-
రైలుబండి.. దొంగలున్నారు జాగ్రత్తండీ
-
ఆటల్లో మనమెక్కడ?ఐదేళ్ల వైకాపా పాలనలో క్రీడలపై తీవ్ర నిర్లక్ష్యం
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి
-
గుడిమెట్ల కొండల్లో వజ్రాల వేట
-
ప్రాణాలతో స్వదేశానికి వస్తానని అనుకోలేదు: గల్ఫ్ బాధితుడు వీరేంద్రకుమార్