JioHotstar: ఈ డేటా ప్లాన్లతో ఫ్రీగా ఐపీఎల్‌.. వివరాలు ఇవీ..

JioHotstar | ఇంటర్నెట్‌ డెస్క్‌: ఇండియన్‌ ప్రీమియర్‌ లీగ్‌ 2025 (IPL 2025) సందడి రేపటి (మార్చి 22) నుంచి మొదలు కానుంది. క్రికెట్‌ ప్రియులు ఎంతగానో ఎదురుచూస్తున్న ఈ మ్యాచ్‌లను వీక్షించేందుకు జియో హాట్‌స్టార్‌ (JioHotstar) అవకాశం కల్పిస్తోంది. దాదాపు రెండు నెలలకు పైగా ఈ లీగ్‌ను డిజిటల్‌ వేదికగా చూడాలనుకొనే వారి సంఖ్య కోట్లలోనే ఉంటుంది. వారి కోసం ప్రముఖ టెలికాం సంస్థలైన జియో, ఎయిర్‌టెల్‌, వొడాఫోన్‌ ఐడియా.. జియోహాట్‌స్టార్‌ సబ్‌స్క్రిప్షన్‌తో ప్రత్యేక డేటా ప్లాన్లను తీసుకొచ్చాయి. ఆ వివరాలు ఇవీ..

జియో

•  రూ.100 ప్లాన్‌: 90 రోజుల వ్యాలిడిటీ, 5జీబీ డేటాతో జియో ఈ ప్లాన్‌ అందిస్తోంది. జియోహాట్‌స్టార్‌ సబ్‌స్క్రిప్షన్‌పై 90 రోజుల వ్యాలిడిటీతో లభిస్తుంది.
•  రూ.299 కంటే ఎక్కువ మొత్తంతో రీఛార్జి చేసుకున్నా ఉచితంగా ఐపీఎల్‌ను వీక్షించే సదుపాయాన్ని జియో కల్పిస్తోంది. మార్చి 31 వరకు మాత్రమే ఈ ఆఫర్‌ అందుబాటులో ఉంటుంది. పై ప్లాన్లన్నీ ప్రస్తుతం కంపెనీ అధికారిక వెబ్‌సైట్‌లో అందుబాటులో ఉన్నాయి.

• కాంపా కోలా ఎఫెక్ట్‌.. పెప్సీ, కోకాకోలా నుంచి ₹10కే నో-షుగర్‌ డ్రింక్స్‌

ఎయిర్‌టెల్‌ 

•  రూ.100 ప్లాన్‌: 5జీబీ డేటా, 30 రోజుల వ్యాలిడిటీ అందిస్తోంది. జియోహాట్‌స్టార్‌ సబ్‌స్క్రిప్షన్‌పై 30 రోజుల వ్యాలిడిటీతో లభిస్తుంది.
•  రూ.195 ప్లాన్‌: 90 రోజుల వ్యాలిడిటీ, 15 జీబీ డేటా పొందొచ్చు. జియోహాట్‌స్టార్‌ సబ్‌స్క్రిప్షన్‌పై 90 రోజుల వ్యాలిడిటీతో వస్తుంది.

వొడాఫోన్‌ ఐడియా

•  రూ.101 ప్లాన్‌: 30 రోజుల వ్యాలిడిటీ, 3 జీబీ డేటా, 90 రోజుల పాటు జియోహాట్‌స్టార్‌ మొబైల్‌ సబ్‌స్క్రిప్షన్‌
•  రూ.151 ప్లాన్‌: 30 రోజుల వ్యాలిడిటీ, 4జీబీ డేటా, 90 రోజుల జియోహాట్‌స్టార్‌ మొబైల్‌ సబ్‌స్క్రిప్షన్‌
•  రూ.169 ప్లాన్‌: 30 రోజుల వ్యాలిడిటీ, 8జీబీ డేటా, 30 రోజుల పాటు జియోహాట్‌స్టార్‌ మొబైల్‌ సబ్‌స్క్రిప్షన్‌