అస్థిరతే.. అసలైన తరుణం...
స్టాక్ మార్కెట్లో హెచ్చుతగ్గులు సర్వసాధారణం. చిన్న కారణంతో పడిపోయిన మార్కెట్లు.. మళ్లీ నిలదొక్కుకునేందుకు ఎక్కువ సమయం తీసుకోవు.
స్టాక్ మార్కెట్
స్టాక్ మార్కెట్లో హెచ్చుతగ్గులు సర్వసాధారణం. చిన్న కారణంతో పడిపోయిన మార్కెట్లు.. మళ్లీ నిలదొక్కుకునేందుకు ఎక్కువ సమయం తీసుకోవు. అందుకే, వీలైనంత ఎక్కువ కాలం మార్కెట్లో కొనసాగిన వారికే మంచి లాభాలు కనిపిస్తుంటాయి. ప్రస్తుతం కొనసాగుతున్న అనిశ్చితి మదుపరులకు మంచి తరుణంగానే చెప్పొచ్చు.
బీఎస్ఈ సెన్సెక్స్ జనవరి 14, 2020న 41,952 పాయింట్ల వద్ద ముగిసింది. అప్పటికి ఇది జీవన కాల గరిష్ఠం. కానీ ప్రపంచ వ్యాప్తంగా కొవిడ్ వేగంగా వ్యాప్తి చెందడంతో పెట్టుబడిదారుల్లో భయాందోళనలు సృష్టించింది. మార్చి 23, 2020న మార్కెట్లు దాదాపు 40 శాతం దిగువన 25,981 పాయింట్ల కనిష్ఠ స్థాయికి పడిపోయింది. ఈ సమయంలో చాలామంది తమ ధైరాన్ని కోల్పోయారు. పెట్టుబడులను వెనక్కి తీసుకునేందుకు తొందరపడ్డారు. కానీ, సంవత్సర కాలం తిరిగే సరికి ఫిబ్రవరి 2021 నాటికి 100 శాతానికి పైగా పెరిగాయి. సెప్టెంబరు 2021లో 60,000 మార్కును దాటాయి. అప్పటి నుంచి రష్యా-ఉక్రెయిన్ వివాదం, ఇతర భౌగోళిక- రాజకీయ ఆందోళనల చుట్టే మార్కెట్ తిరుగుతోంది.
ఎన్నో సంక్షోభాలు వచ్చినా..
మార్కెట్లు గతంలో ఇలాంటి ఎన్నో సంక్షోభాలు ఎదుర్కొన్నాయి. ప్రతి సంక్షోభం తర్వాత తదుపరి 3-5-7 ఏళ్ల కాలానికి ప్రతిసారీ రెట్టింపు రాబడితో దూసుకెళ్లాయి. మదుపరులు ఈ విషయాన్ని గుర్తించకుండా, ఇటీవలి సంక్షోభాలనే పట్టించుకుంటారు. ఈ ప్రవర్తన వల్ల రాబడిని ఆర్జించేందుకు ఉన్న అవకాశాలను కోల్పోతుంటారు. చాలామంది మదుపరులు సరైన సమయం కోసం వేచి చూస్తున్నామని చెబుతుంటారు. అయితే, తదుపరి మంచి సమయం, మార్కెట్ ర్యాలీలను ఎవరూ ఊహించలేరు.
దిద్దుబాట్లు ఉంటేనే...
ఇక్కడ ఒక ఉదాహరణ గమనిద్దాం.. కారుకు బ్రేకులు ఉంటాయి. కారు వేగాన్ని నియంత్రించేందుకు వీటి అవసరం అని అనుకుంటాం. కానీ, బ్రేకులున్నాయనే మనం కారును వేగంగా నడిపిస్తాం. అవి లేకపోతే ఎంత వేగంగా నడపగలం? అంటే.. కారును నడిపేందుకు సౌకర్యాన్ని ఇచ్చేది బ్రేకులే. అదే విధంగా మన జీవితంలో కష్టాలను మన వేగానికి ఆటంకం కలిగించే బ్రేకులుగా చూస్తాం. కానీ, అవి మనల్ని మరింత శక్తిమంతంగా మారుస్తాయి. విజయం వైపు నడిచేందుకు ఉత్ప్రేరకాలుగా పనిచేస్తాయి. అదే విధంగా పెట్టుబడులు పెట్టేటప్పుడు మార్కెట్ అస్థిరత, దిద్దుబాటును బ్రేకులుగానే చూడాలి. ఇవి కొత్త పెట్టుబడులకు ఒక అవకాశం కల్పిస్తాయి. ఇలాంటి దిద్దుబాట్ల తర్వాత మార్కెట్లు ప్రతిసారీ పుంజుకుంటున్న పరిస్థితులు మనం చూస్తూనే ఉన్నాం.
సంపద సృష్టికి వీలుగా..
ఈక్విటీలు ఒక ప్రత్యేక తరగతికి చెందిన పెట్టుబడి పథకాలు. ఇందులో నష్టభయం ఉంటుంది. అదే సమయంలో మంచి రాబడులకూ అవకాశం కనిపిస్తుంది. దీర్ఘకాలంలో సంపదను సృష్టించే సామర్థ్యం ఈక్విటీలకు ఉంది అని ఇప్పటికే చాలా సందర్భాల్లో రుజువయ్యింది. అత్యాశ, భయంలాంటి భావోద్వేగాలు ఇక్కడ చాలామందిని నష్టాల్లోకి నెట్టేస్తాయి. పెరుగుతున్నప్పుడు కొనడం, తగ్గుతున్నప్పుడు విక్రయం లాంటివి ఇందుకు ఉదాహరణలు. మార్కెట్ సూచీలు ఎలా ఉన్నాయన్న దానితో సంబంధం లేకుండా.. పెట్టుబడులు కొనసాగించాలి.
అవకాశాలను చూడాలి..
ప్రస్తుత మార్కెట్ పరిస్థితిని చూస్తే కొంత అస్థిరత కనిపిస్తోంది. దీన్ని మనం మిత్రుడిగా భావించొచ్చు. స్వల్పకాలంలో డబ్బు కోల్పోతామనే భయం ఉంటే పెట్టుబడులు పెట్టకూడదు. దీర్ఘకాలిక పెట్టుబడులకు ఇదొక అవకాశంగా చూడొచ్చు. తక్షణ రాబడులు ఇప్పుడు కష్టం. విజయవంతమైన మదుపరిగా ఉండాలంటే.. మార్కెట్లో వీలైనంత సమయం కొనసాగాలి.
సిప్ మార్గంలోనే..
మార్కెట్ ఎలా ప్రవర్తిస్తుందనే దానిపై దృష్టి పెట్టడం మానేయాలి. మీ పెట్టుబడితో మీరు ఎలా ప్రవర్తిస్తున్నారు అనేదే ఇక్కడ సాధారణ సూత్రం. మంచి ఫండ్లను ఎంచుకొని, క్రమానుగత పెట్టుబడి విధానం (సిప్) ద్వారా మదుపు చేయడం వల్ల కలిసొస్తుంది. మార్కెట్లు పడిపోతున్నప్పుడే సిప్ ప్రారంభించాలి. దీనివల్ల మీకు ఎక్కువ యూనిట్లు వస్తాయి. ఉదాహరణకు మీరు నెలకు రూ.1,000 సిప్ చేస్తున్నారనుకుందాం.. ఎన్ఏవీ రూ.100 ఉంటే 10 యూనిట్లే వస్తాయి. అదే ఎన్ఏవీ రూ.50 ఉంటే 20 యూనిట్లు వస్తాయి. మార్కెట్ పెరిగినప్పుడు ఈ 20 యూనిట్ల ధర ఎంతవుతుందో చూసుకోండి. కాబట్టి, మార్కెట్ తగ్గినప్పుడు సిప్ మొత్తాన్ని పెంచడం అలవాటు చేసుకోండి. భవిష్యత్తులో మార్కెట్లు వృద్ధి పథంలో సాగుతున్నప్పుడు సంపద పెరిగేందుకు వీలవుతుంది.
బుల్ మార్కెట్లో నష్టాలకు అవకాశాలు ఎక్కువ. బేర్ మార్కెట్లో అవకాశాలు అధికంగా ఉంటాయి. మార్కెట్లు అస్థిరంగా ఉన్నప్పుడు పెట్టుబడి పెడితే.. దీర్ఘకాలంలో మంచి రాబడిని ఆర్జించేందుకు వీలవుతుంది. ఈ తరుణంలో దూరంగా ఉంటే వచ్చిన అవకాశాన్ని కోల్పోయినట్లు అవుతుంది.
సతీశ్ ప్రభు, హెడ్- కంటెంట్ డెవలప్మెంట్- ఇండియా, ఫ్రాంక్లిన్ టెంపుల్టన్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వీలునామా ఎలా రాయాలి?
వీలునామా అనేది ఒక వ్యక్తి మరణించిన తర్వాత అతడి ఆస్తులు, అప్పుల పంపిణీకి సంబంధించిన డిక్లరేషన్తో కూడిన చట్టపరమైన పత్రం. -
ఆదాయపు పన్ను ఫారం-16 లేకున్నా రిటర్నులు
గత ఆర్థిక సంవత్సరానికి (2023-24)గాను ఆదాయపు పన్ను రిటర్నులను దాఖలు చేయడానికి (అసెస్మెంట్ ఇయర్ 2024-25) జులై 31తో గడువు ముగియనుంది. ఇప్పటికీ రిటర్నులు దాఖలు చేయని వారు సాధ్యమైనంత త్వరగా ఈ ప్రక్రియను పూర్తి చేయాలి. -
సరైన పాలసీ ఎంపిక ఇలా
ఆరోగ్య సంరక్షణ ఖర్చులు రోజురోజుకూ పెరుగుతున్నాయి. ఊహించని వైద్య ఖర్చుల నుంచి మీ కష్టార్జితాన్ని కాపాడుకోవాలంటే ఆరోగ్య బీమా పాలసీని తీసుకోవడం తప్పనిసరి అవసరంగా మారింది. మీ నిర్దిష్ట అవసరాలను తీర్చగల మంచి పాలసీని ఎంచుకున్నప్పుడే అది కష్టకాలంలో అండగా ఉంటుంది. ఇలాంటి పాలసీని ఎలా గుర్తుపట్టాలి.. చూద్దాం. -
ఇంటి రుణం పదేళ్లలో తీర్చేద్దాం..
సొంతిల్లు కోసం రుణం తీసుకొని, దాదాపు 25 ఏళ్లపాటు చెల్లిస్తూనే ఉండాలి. దీనివల్ల వడ్డీ భారం పెరుగుతుంది. ఇతర ఆర్థిక లక్ష్యాలు నెరవేర్చుకునేందుకు ఇబ్బందులు ఏర్పడతాయి. -
ఐటీఆర్లో తప్పులా..? ఇలా చేస్తే రివైజ్డ్ ఐటీఆర్ అవసరం లేదు!
ITR Filing: ఐటీఆర్లో తప్పులు దొర్లాయా? దానికి చింతించాల్సిన అవసరం లేదు. దానికి ఆదాయపు పన్ను శాఖ ఓ అవకాశం కల్పిస్తోంది. -
మీ జీవిత బీమాను సరెండర్ చేస్తున్నారా? ఇవి తెలుసుకోండి..
జీవిత బీమా పాలసీదారుడు ప్రీమియంలు చెల్లించలేక, పాలసీని నిర్దిష్ట కాలవ్యవధి లోపు పునరుద్ధరించుకోలేకపోతే ఆ పాలసీని సరెండర్ చేయొచ్చు. పాలసీని సరెండర్ చేయడం వల్ల వచ్చే పరిణామాలను ఇక్కడ తెలుసుకుందాం. -
విదేశాల్లో విద్యనభ్యసించే ముందు ఎలాంటి ఖర్చులుంటాయి?
విదేశాల్లో చదువుకోవడానికి వెళ్లే ముందు అనేక ప్రక్రియలు ఉంటాయి. అవేంటో, వాటికయ్యే ఖర్చులేంటో ఇక్కడ తెలుసుకుందాం. -
ఐటీఆర్ను ఇలా ఈ-వెరిఫై చేయండి.. లేదంటే..
ITR Filing: ఆదాయపు రిటర్నులు దాఖలు చేసిన తర్వాత దాన్ని వెరిఫై చేయాల్సి ఉంటుంది. దానికి 30 రోజుల గడువు ఉంటుంది. -
అధికంగా ఖర్చు చేయకుండా రివార్డ్ పాయింట్లు ఎలా పెంచుకోవాలి?
క్రెడిట్ కార్డు ద్వారా అధికంగా ఖర్చు పెట్టకుండా కార్డును ఉపయోగించి కూడా రివార్డు పాయింట్లను పొందొచ్చు. -
కొత్త పన్ను విధానం ఎవరికి మేలంటే..?
గత ఆర్థిక సంవత్సరం నుంచి పన్ను రిటర్నుల దాఖలు సమయంలో కొత్త పన్ను విధానం ‘డిఫాల్ట్’గా మారింది. -
ఇల్లు కొంటున్నారా?
జీవితంలో అతి పెద్ద పెట్టుబడి ఇల్లు. దీన్ని సొంతం చేసుకోవాలని అందరూ అనుకుంటారు. ఒకవైపు అధికంగా ఉన్న స్థిరాస్తి ధరలు.. మరోవైపు రుణాలపై వడ్డీ రేటు గరిష్ఠ స్థాయిలో కొనసాగుతుండటం.. -
రేపటి కోసం పాటించండి ఈ ఆర్థిక చిట్కాలు
ఒక విషయంపై పూర్తి సమాచారం తెలుసుకోవడం ఇప్పుడు పెద్ద కష్టమేమీ కాదు. అరచేతిలోనే సమస్త విశ్వ సమాచారం దొరుకుతోంది. ఆర్థిక అంశాలపై అవగాహన పెంచుకోవడం ఎంతో అవసరం. -
ఎస్టేట్ ప్లానింగ్లో వారసత్వ ప్రణాళిక
ఎస్టేట్ ప్లానింగ్ అనేది కుటుంబాలకు తగిన వారసత్వ ప్రణాళికలను, భవిష్యత్తులో వారు చేయబోయే అనేక కార్యకలాపాలకు మార్గదర్శకం వహిస్తుంది. -
ఐటీఆర్ ఫైలింగ్.. ఈ తప్పులు చేయొద్దు..!
ITR filing: ఆడిట్ అవసరం లేని వ్యక్తులు జులై 31 వరకూ ఆదాయపు పన్ను రిటర్నులు దాఖలు చేయాల్సి ఉంటుంది. లేదంటే జరిమానా చెల్లించాల్సి వస్తుంది. అలా అని తొందరపడి ఎలాంటి పొరపాట్లు చేయొద్దు. సాధారణంగా ఐటీఆర్ ఫైలింగ్ సమయంలో చేసే తప్పులేంటో చూద్దాం.. -
ఆరోగ్య బీమా క్లెయిం తిరస్కరణకు గురైందా? కారణాలు ఇవే..!
ఆరోగ్య బీమా పాలసీదారుడికి అత్యవసర సమయాల్లో ఆర్థిక ఉపశమనాన్ని అందిస్తుంది. కొన్ని కారణాల వల్ల పాలసీదారుడి క్లెయిం తిరస్కరణకూ గురవుతుంది. అందుకు గల కారణాలేంటో ఇక్కడ తెలుసుకుందాం. -
తీవ్ర వ్యాధులు ఆర్థికంగా ఇబ్బంది పెట్టకుండా
క్యాన్సర్.. గుండెపోటు.. పక్షవాతం.. కాలేయ సంబంధిత వ్యాధులు.. ఇటీవలి కాలంలో ఇలాంటి జీవన శైలి వ్యాధుల జాబితా పెరిగిపోతూనే ఉంది. -
షేర్లలో మదుపు అవగాహనతో వేయాలి అడుగులు
స్టాక్ మార్కెట్ సూచీలు కొత్త గరిష్ఠాలకు చేరుకున్నాయి. పెట్టుబడులు పెట్టిన వారందరికీ లాభాలు కనిపిస్తున్నాయి. దీంతో కొత్తగా మార్కెట్లో మదుపు చేయాలనుకుంటున్న వారి సంఖ్య పెరుగుతోంది. -
ఆదాయపు పన్ను పత్రాలు సరిచూసుకోండి
ఆదాయపు పన్ను రిటర్నులు సమర్పించేందుకు గడువు సమీపిస్తోంది. ఇప్పటికే చాలామంది ఈ ప్రక్రియను పూర్తి చేశారు. -
కొత్త పథకం
‘ఎడెల్వైజ్ బిజినెస్ సైకిల్ ఫండ్’ అనే కొత్త పథకాన్ని ఎడెల్వైజ్ మ్యూచువల్ ఫండ్ తీసుకొచ్చింది. ఇది కొంత భిన్నమైన పథకం. ‘ఫ్యాక్టర్ ఆధారిత పెట్టుబడి’ విధానాన్ని ఈ పథకం అనుసరిస్తుంది. -
కొత్తగా ఉద్యోగంలో చేరారా?.. ఇవి తెలుసుకోవాల్సిందే..!
కొత్తగా ఉద్యోగ జీవితంలో ప్రవేశించినవారికి ఆర్థిక ప్రణాళికకు సంబంధించి అనేక వ్యవహారాల్లో తగినంత అవగాహన ఉండదు. వారు ఆర్థికంగా మెరుగైన స్థితిలో ఉండడానికి ఏం చేయాలి? ఏం చేయకూడదు? -
అత్యవసర నిధిని ఎలా సమకూర్చుకోవాలి?
అత్యవసర నిధిని నిర్మించడం అనేది చక్కటి ఆర్థిక ప్రణాళికకు సంబంధించిన ముఖ్యమైన నిర్ణయం.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ఫైల్స్ దహనం కేసు.. పోలీసుల అదుపులోకి ఎంపీ మిథున్రెడ్డి ప్రధాన అనుచరుడు
-
కేంద్ర బడ్జెట్లో ఏపీకి రూ.50,474 కోట్లు: కేంద్ర మంత్రి మురుగన్
-
పారిస్ ఒలింపిక్స్.. ఎయిర్ పిస్టల్లోనూ మనకు నిరాశే..!
-
వారికి క్షమాపణలు చెప్పా: ‘యానిమల్’ విమర్శలపై తొలిసారి స్పందించిన రణ్బీర్
-
గోదావరిలో పెరుగుతున్న వరద.. ధవళేశ్వరం వద్ద రెండో ప్రమాద హెచ్చరిక జారీ
-
ఒకే ట్రాక్పైకి నాలుగు రైళ్లు.. వైరల్ వీడియోపై రైల్వే శాఖ స్పష్టత