పదవీ విరమణ ప్రణాళిక...వద్దు ఈ పొరపాట్లు..
కాలం ఎవరికోసం వేచి చూడదు. మన జీవితంలోని ఎన్నో దశల మాదిరిగానే విశ్రాంత జీవితమూ ఒక అంకం. దీన్ని ఆనందమయం చేసుకునే అవకాశం మన చేతిలోనే ఉంటుంది
పదవీ విరమణ.. దాదాపు మూడు దశాబ్దాల తర్వాత దొరికే విశ్రాంతి సమయం.. కొంతమంది అప్పటికే ఆర్థికంగా స్థిరత్వం సాధించి ఉంటారు. మరికొందరు ఇంకా సంపాదించాల్సిన అవసరం ఉంటుంది. మలి జీవితంలోకి ప్రవేశించే దశలో కొన్ని పొరపాట్లకు ఏమాత్రం తావీయకూడదు. అవేమిటో చూద్దాం..
కాలం ఎవరికోసం వేచి చూడదు. మన జీవితంలోని ఎన్నో దశల మాదిరిగానే విశ్రాంత జీవితమూ ఒక అంకం. దీన్ని ఆనందమయం చేసుకునే అవకాశం మన చేతిలోనే ఉంటుంది. ముందునుంచే సిద్ధంగా ఉన్నవారికి ఇది పెద్ద సమస్యేమీ కాదు. ఒక సంవత్సరం ఆలస్యం చేసినా.. పదవీ విరమణ నిధిపై ప్రతికూల ప్రభావం పడుతుంది. పదవీ విరమణ చేసిన తర్వాత చూద్దాం అనే ధోరణీ పనికిరాదు. సాధ్యమైనంత తొందరగా పదవీ విరమణ ప్రణాళికను ప్రారంభించడం మంచిది.
తక్కువ అంచనా వేయడం..
పదవీ విరమణ కోసం ప్రణాళికలు వేసుకునేటప్పుడు చాలామంది ఖర్చులను తక్కువగా అంచనా వేస్తుంటారు. మీరు విశ్రాంత జీవితాన్ని ఏ విధంగా గడపాలనుకుంటున్నారు అన్నదాని ఆధారంగా వ్యయాలను గణించాలి. వయసు పెరిగే కొద్దీ ఆరోగ్య సంరక్షణ ఖర్చుల్లాంటివి పెరిగే అవకాశం ఉంది. వీటిన్నింటినీ లెక్కలోకి తీసుకోవాల్సిందే. మీ పదవీ విరమణ అంచనాలను క్రమం తప్పకుండా సమీక్షించడం, వాటిని అవసరమైన విధంగా పెట్టుబడులను సర్దుబాటు చేయడం చాలా ముఖ్యం. చాలామంది పదవీ విరమణ అంటే తమ ఒక్కరి అవసరాలే అనుకుంటారు. జీవిత భాగస్వామి అవసరాలు, ఖర్చులనూ లెక్కలోకి తీసుకున్నప్పుడే సరైన ప్రణాళిక అవుతుంది.
సమీక్షించుకోకపోవడం..
ప్రతి పెట్టుబడి పథకాన్నీ తప్పనిసరిగా ఏడాదికోసారైనా సమీక్షించుకోవాలి. ఒకే తరహా పెట్టుబడి పథకాల్లో ఎట్టి పరిస్థితుల్లోనూ మదుపు చేయొద్దు. సురక్షిత పెట్టుబడి పథకాలకు తోడుగా.. కొంత అధిక రాబడినిచ్చే వాటిని జత చేయాలి. పదవీ విరమణ తర్వాత క్రమానుగతంగా ఆదాయం అందుకునేందుకు ఎంచుకునే పథకాలూ భిన్నంగానే ఉండాలి. సీనియర్ సిటిజన్ సేవింగ్ స్కీం, డెట్ ఫండ్ల నుంచి క్రమానుగతంగా వెనక్కి తీసుకోవడంలాంటివి పరిశీలించాలి.
ద్రవ్యోల్బణాన్ని పట్టించుకోకపోవడం..
మన డబ్బు విలువను హరించేది ద్రవ్యోల్బణం. ఈ రోజు మీ ఇంటి ఖర్చులు రూ.25,000 ఉంటే.. 8 శాతం ద్రవ్యోల్బణం అంచనాతో 20 ఏళ్ల తర్వాత రూ.1,16,524 అవసరం. కాబట్టి, పదవీ విరమణ పెట్టుబడులు ఇందుకు అనుగుణంగానే ఉండాలి. పదవీ విరమణ తర్వాతా ద్రవ్యోల్బణ ప్రభావం ఉంటుంది. అందువల్ల దానికి తగ్గట్టుగా ఆదాయం వచ్చేలా ఏర్పాటు చేసుకోవాలి. పెరిగిన వైద్య పరిజ్ఞానం వల్ల 100 ఏళ్ల వరకూ జీవిస్తామనే అంచనాతో ఖర్చుల లెక్కలు వేసుకోవాలని నిపుణులు సూచిస్తున్నారు. ఏ దశలోనూ ద్రవ్యోల్బణాన్ని నిర్లక్ష్యం చేయొద్దు. పెట్టుబడులు పెట్టేటప్పుడు దీనికి మించి రాబడినిచ్చే పథకాలకు ప్రాధాన్యం ఇవ్వాలి.
సురక్షిత పథకాలనే ఎంచుకుంటే..
చాలామంది తమ పదవీ విరమణ అవసరాల కోసం ఉద్యోగ భవిష్య నిధి, పబ్లిక్ ప్రావిడెంట్ ఫండ్, జాతీయ పింఛను పథకం (ఎన్పీఎస్)లాంటి పథకాలను ఎంచుకుంటారు. ఎన్పీఎస్ మినహా ఇతర రెండు పథకాలూ పూర్తిగా సురక్షితం. కేవలం వీటి ద్వారానే పదవీ విరమణ నిధిని సమకూర్చుకోవడం సాధ్యం కాదు. గణనీయమైన మొత్తం సంపాదించాలంటే.. దీర్ఘకాలం పాటు కాస్త అధిక రాబడులు ఇచ్చే పథకాల్లో పెట్టుబడులు పెట్టాలి. ఈక్విటీ మ్యూచువల్ ఫండ్లలాంటి వాటిని ఇందుకోసం పరిశీలించవచ్చు. యూనిట్ ఆధారిత బీమా పాలసీలు, సంప్రదాయ పాలసీలూ ఉంటాయి. బీమా అవసరాల కోసం వీటిని ఎంచుకోవడం వల్ల పెద్దగా ఉపయోగం ఉండదు. సాధ్యమైనంత వరకూ తక్కువ ప్రీమియంతో ఎక్కువ రక్షణ కల్పించే పాలసీలను ఎంచుకోవాలి.
మధ్యలోనే తీసుకోవడం..
పదవీ విరమణ అనేది పని నుంచి విశ్రాంత జీవితంలోకి మారే దశ. ఇది సంపాదనకు ముగింపు, ఖర్చులకు ప్రారంభాన్నీ సూచిస్తుంది. సరైన ప్రణాళిక లేకపోతే.. మీ నిధి మధ్యలోనే నిండుకోవచ్చు. పదవీ విరమణ నిధి నుంచి సాధ్యమైనంత వరకూ డబ్బును తీయొద్దు. నిధిపై వచ్చిన రాబడితోనే ఖర్చులను వెళ్లదీయాలి. తప్పనిసరి అవసరం వచ్చినా 2-3 శాతానికి మించి వెనక్కి తీసుకోవద్దు. ఉపసంహరణలపై స్వీయ పరిమితి విధించుకోవాలి.
కొత్త అప్పులు...
పదవీ విరమణకు రెండేళ్ల ముందు నుంచే అప్పులు వదిలించుకోవాలి. కొత్త రుణాల జోలికి వెళ్లకూడదు. కొంతమంది 50 ఏళ్ల తర్వాత గృహరుణాలు తీసుకుంటారు. వడ్డీ రేట్లు పెరిగినప్పుడు వ్యవధి పెరుగుతుంది. దీంతో పదవీ విరమణ తర్వాతా ఈఎంఐ చెల్లించాల్సి వస్తుంది. వ్యక్తిగత రుణాల్లాంటి వాటికీ దూరంగానే ఉండాలి. అప్పులు తీర్చేందుకు మీ పొదుపు మొత్తాన్ని వాడకూడదు.
ఆరోగ్య ఖర్చులనూ..
వయసు పెరిగే కొద్దీ వైద్య ఖర్చుల అవసరం అధికంగా ఉంటుంది. కానీ, చాలామంది దీన్ని పట్టించుకోరు. అనుకోని అనారోగ్యం మీ మలి జీవితం నిధిపై తీవ్ర ప్రభావం చూపిస్తుంది. ఉద్యోగంలో నుంచి బయటకు వచ్చిన తర్వాత యాజమాన్యం అందించే బృంద బీమా సౌకర్యం వర్తించకపోవచ్చు. కాబట్టి, ఉద్యోగంలో ఉన్నప్పుడే సొంతంగా ఒక పాలసీని తీసుకునే ప్రయత్నం చేయాలి. ఇప్పటికైనా ఆలస్యం చేయకుండా ఒక సీనియర్ సిటిజన్ హెల్త్ ఇన్సూరెన్స్ పాలసీని తీసుకోవాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది. -
టర్మ్ బీమా ప్రీమియంలు ఎంతెంత?
చిన్న వయసులోనే జీవిత బీమా తీసుకుంటే ప్రీమియం తక్కువగా ఉంటుంది. వివిధ బీమా సంస్థలు వసూలు చేసే ప్రీమియంలు ఎంతెంతున్నాయో ఇక్కడ చూడండి. -
రెగ్యులర్ Vs డైరెక్ట్ మ్యూచువల్ ఫండ్.. ఏది బెటర్?
Mutual Funds: మ్యూచువల్ ఫండ్లలో మదుపర్లకు రెండు రకాల పథకాలు అందుబాటులో ఉంటాయి. వాటిలో ఏది ఎంచుకోవాలో చాలా మందికి అవగాహన ఉండదు. -
వివిధ లార్జ్ క్యాప్ ఫండ్లపై రాబడులు ఇలా ఉన్నాయి
3, 5, 10 సంవత్సరాల్లో అత్యుత్తమ పనితీరు కనబరిచిన లార్జ్ క్యాప్ మ్యూచువల్ ఫండ్ పథకాలు ఇక్కడ ఉన్నాయి. -
స్థిరాస్తుల్లో మదుపు చేద్దామా
పెట్టుబడులు పెట్టేందుకు అనేక మార్గాలు అందుబాటులో ఉన్నాయి. షేర్లు, బాండ్లు, ఫిక్స్డ్ డిపాజిట్లలాంటి పెట్టుబడి పథకాలు, బంగారం, స్థిరాస్తుల వరకూ ఎన్నో విస్తృత శ్రేణి ఎంపికలు ఉన్నాయి. -
ఓటీపీ ఆ అంకెలు జాగ్రత్త
ఒక్క క్లిక్తో కావాల్సినవన్నీ కొనేస్తున్నాం. బ్యాంకింగ్ లావాదేవీలన్నీ చేసేస్తున్నాం. వీటన్నింటికీ ఆరంకెల ఓటీపీ (వన్ టైమ్ పాస్వర్డ్) చాలు.. ఇంత సౌలభ్యంతోపాటు, కొన్ని ప్రమాదాలూ పొంచి ఉన్నాయి -
పన్ను ప్రణాళికకు తరుణమిదే..
ఆర్థిక సంవత్సరం ప్రారంభం కావడంతో.. ఆదాయపు పన్ను మినహాయింపుల గురించి ఆలోచించాల్సిన సమయం వచ్చేసింది. ఈ నేపథ్యంలో పాత పన్నువిధానంలోనే ముందుకెళ్లాలని ఆలోచిస్తున్న వారు -
రెస్టరంట్లో డబ్బు ఆదా చేయడానికి చిట్కాలు
ఎప్పుడైనా కుటుంబంతో కలిసి రెస్టరంట్కు వెళ్లాలనుకునేవారు బిల్లుపై తగ్గింపు పొందాలనుకుంటారు. అలాంటి వారికోసమే కొన్ని చిట్కాలు. -
ఆన్లైన్ vs ఆఫ్లైన్ బీమా.. ఏది మెరుగైనది?
ప్రస్తుతం అన్ని రకాల బీమా పాలసీలు ఆన్లైన్, ఆఫ్లైన్లో లభిస్తున్నాయి. ఇవి వినియోగదారులకు ఎలాంటి సేవలు అందిస్తాయి? ఎలా మెరుగైనవి అనేది ఇక్కడ తెలుసుకోండి. -
ఎన్పీఎస్ లాగిన్, క్రెడిట్ కార్డ్ రూల్స్.. ఏప్రిల్ 1 నుంచి రాబోతున్న మార్పులివీ..
Changes from april 1st: కొత్త ఆర్థిక సంవత్సరంలో ఆర్థిక పరమైన మార్పులు చోటుచేసుకోబోతున్నాయి. అవేంటో చూసేయండి..
తాజా వార్తలు (Latest News)
-
జగన్ ఎదుటే జనసేనానికి జేజేలు.. విద్యార్థుల నినాదాలతో అవాక్కయిన సీఎం
-
‘ఉండి’ అభ్యర్థిగా 22న నామినేషన్: రఘురామ
-
తెదేపా కార్యాలయం వద్ద టాస్క్ఫోర్స్ కదలికలు
-
ఒలింపిక్స్లో పతకం తెస్తే బీఎండబ్ల్యూ కారు
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!