Shopping Tips: షాపింగ్ చేసేటప్పుడు ఈ చిట్కాలను పాటించండి!
Shopping Tips: పెళ్లిళ్ల సీజన్లో కొనుగోళ్లపై డబ్బు ఆదా కోసం గుర్తుంచుకోవాల్సిన కొన్ని చిట్కాలు ఇవిగో..
ఇంటర్నెట్ డెస్క్: పెళ్లిళ్ల సీజన్ మొదలైంది. ఈ వేడుకలకు కొనుగోళ్లు ఎక్కువే ఉంటాయి. వివాహాలు జరిపే కుటుంబాలే కాకుండా హాజరయ్యేవారూ షాపింగ్ చేయడం పరిపాటి. సీజన్ సమీపిస్తున్న కొద్దీ ఆకర్షణీయమైన తగ్గింపులు ఉంటాయి. చాలా మంది అత్యుత్తమ డీల్స్ను పొందేందుకు ఆసక్తి చూపుతారు. ఈ నేపథ్యంలో ఖర్చులను తెలివిగా ప్లాన్ చేయడం అవసరం. దాని కోసమే ఇవిగో కొన్ని చిట్కాలు..
బడ్జెట్..
షాపింగ్ చేసే ముందు బడ్జెట్ సెట్ చేసుకోండి. పెళ్లి షాపింగ్ ఒక్కటే ఖర్చు కాదు.. అనేక వ్యయాల మిళితం. ప్రతి ఖర్చులోను తగిన జాగ్రత్తలు తీసుకోవడం అవసరం. షాపింగ్ ప్రారంభించే ముందు ఎంత ఖర్చు చేయగలరో నిర్ణయించుకోండి. వివిధ వ్యాపార సంస్థలు ఆఫర్లు ఇస్తుంటాయి. అలాగని బడ్జెట్ గురించి ఆలోచించకుండా ఖర్చు పెడితే ఇబ్బంది పడతారు. బడ్జెట్లో వచ్చే వస్తువులను కొనుగోలు చేయాలి. తగిన బడ్జెట్ను ముందే సెట్ చేసుకోవడం వల్ల అధిక వ్యయం చేయకుండా ఉంటారు. అవసరమైన కొనుగోళ్లకే ప్రాధాన్యతనిస్తారు.
షాపింగ్ జాబితా..
కావలసిన వస్తువుల జాబితాను ఇంటి దగ్గరే రాసుకోండి. కొనుగోలు సమయంలో ఆ జాబితాకే కట్టుబడి ఉండండి. అనవసరమైన వస్తువులను కొనుగోలు చేయకుండా ఇది నిరోధిస్తుంది. అంతేకాకుండా, వివాహానికి సరిపడా అన్ని వస్తువులు ఒకేచోట లభించకపోవచ్చు. చాలా చోట్ల షాపింగ్ చేయవలసి ఉంటుంది. షాపింగ్ చేసే ప్రతిచోటా అనవసర కొనుగోళ్లు చేయకుండా జాబితా ఉపయోగపడుతుంది. చాలామంది రిటైలర్లు వ్యూహాత్మకంగా క్యాష్ / చెక్అవుట్ కౌంటర్ల వద్ద ఆకర్షణీయ వస్తువులను ప్రదర్శనలో ఉంచుతారు. వాటిపై దృష్టి కేంద్రీకరించకపోవడమే మంచిది. లిస్ట్లో రాసుకున్నవాటినే కొనుగోలు చేయడం వల్ల మీకు సమయంతో పాటు డబ్బు కూడా ఆదా అవుతుంది.
ధరల పోలిక..
వస్తువులను చూసిన మొదటి షాప్లోనే కొనుగోలు చేయనక్కర్లలేదు. నాణ్యతగల వస్తువును, సరైన ధరకు పొందుతున్నారని నిర్ధరించుకోవడానికి వివిధ రిటైలర్లు, ఆన్లైన్ స్టోర్స్ ధరలతో సరిపోల్చండి. కొన్ని పేరున్న దుకాణాల్లో, ఆన్లైన్ రిటైలర్స్ వద్ద కొన్ని రోజులలో ప్రత్యేక ఆఫర్లు ఉంటాయి. ఎక్కువ కొనుగోలు చేసినప్పుడు డిస్కౌంట్స్ మరింతగా ఉండొచ్చు. కాబట్టి, ధరల విషయంలో ప్రతి విక్రయశాలను పరిగణనలోకి తీసుకోవడం మంచిది. మీ కొనుగోళ్లపై అదనపు తగ్గింపులను అందించే కూపన్స్, ప్రోమో కోడ్స్ లేదా క్యాష్ బ్యాక్ ఆఫర్ల కోసం చూడండి. కొనుగోళ్లు చేయాలనుకున్నప్పుడు వివిధ రిటైలర్ల నుంచి విక్రయ ప్రకటనలు, అప్డేట్లపై ఓ కన్నేయండి.
ఎర్లీ షాపింగ్..
ఉదయం వేళలలో షాపింగ్ చేయడం కొనుగోలుదారులకు అనుకూలంగా ఉంటుంది. రద్దీ ఎక్కువ ఉండదు కాబట్టి, దుకాణదారులు ఎక్కువ ఐటెమ్స్ను విసుగు లేకుండా చూపిస్తారు. బేరమాడడానికి అవకాశముంటుంది. కొన్ని దుకాణాలలో ఎక్కువ జనాదరణ పొందిన వస్తువులు త్వరగా అయిపోతాయి. ఉదయం వెళ్లడం వల్ల వాటిని చేజిక్కుంచుకోవడానికి అవకాశం ఉంటుంది. షాపులు మూసివేసే సమయంలో హడావుడిగా కొనుగోలు చేయడం అంతగా లాభించదు. ఇలాంటి సమయాల్లో బేరమాడడానికి పెద్దగా అవకాశం ఉండదు.
బల్క్ కొనుగోళ్లు..
వివాహ వేడుకలలో ఒకే రకమైన వస్తువును ఎక్కువ మొత్తం (బల్క్గా)లో కొనుగోలు చేసే అవసరం ఉంటుంది. సాధారణంగా కొంత కాలం నిల్వ ఉండే వస్తువులు, అతిథులకు ఇచ్చే బహుమతులు వంటి కొన్ని వస్తువులను పెద్ద మొత్తంలో కొనుగోలు చేస్తుంటారు. ఇలా ఎక్కువ వస్తువులు కొనుగోలు చేసేటప్పుడు భారీగా డిస్కౌంట్స్ లభించే అవకాశం ఉంది. ఇలాంటి కొనుగోళ్లకు రిటైల్ మార్కెట్లను ఆశ్రయించకుండా.. టోకు సరకుల దుకాణాల్లో కొనుగోలు చేయడం మంచిది. ధరలు పెద్ద మొత్తంలో తగ్గే అవకాశం ఉంది.
నగదు..
చాలా మంది షాపింగ్ సమయంలో డెబిట్ / క్రెడిట్ కార్డులను, యూపీఐను ఉపయోగిస్తున్నారు. మీ ఆర్థిక సామర్థ్యం ఆధారంగా కొనుగోలు చేయగలిగిన వాటిని మాత్రమే డెబిట్ కార్డులను ఉపయోగించి కొనుగోలు చేయండి. జేబు / ఖాతాలో ఉన్న నగదును ఇచ్చేటప్పుడు ఖర్చు గురించి ఎక్కువగా ఆలోచిస్తాం! దీనివల్ల కొంతవరకు ఆదా చేసుకోవచ్చు.
క్రెడిట్ కార్డ్స్..
తప్పనిసరి పరిస్థితుల్లో కొన్నిసార్లు క్రెడిట్ కార్డులను ఉపయోగించవలసి ఉంటుంది. చాలా క్రెడిట్ కార్డులు క్యాష్బ్యాక్, రివార్డ్ పాయింట్లను అందిస్తాయి. కొన్ని సీజన్ కొనుగోళ్లపై క్యాష్బ్యాక్ లేదా రివార్డ్స్ను పొందగలరో లేదో తెలుసుకోవడానికి మీ కార్డ్ నిబంధనలు, షరతులను చెక్ చేయండి. డబ్బు ఆదా చేయడంలో సహాయపడుతుంది. భవిష్యత్తులో ఖర్చులు చేసేటప్పుడు ఈ పాయింట్లు ఉపయోగపడతాయి. అనేక కార్డులు ఎంచుకున్న బ్రాండ్లపై రివార్డులను అందిస్తాయి. చాలా క్రెడిట్ కార్డు సంస్థలు కొనుగోళ్లపై నో - కాస్ట్ ఈఎంఐను అందిస్తాయి. ఖర్చుల భారం వెంటనే లేకుండా కొనుగోళ్లను సున్నా వడ్డీతో సులభమైన నెలవారీ వాయిదాలుగా మార్చుకోవడానికి అవకాశముంటుంది.
దుస్తులు..
వివాహంలో దుస్తులకు అధిక ప్రాధాన్యం ఉంటుంది. ముఖ్యమైన దుస్తులను కొనుగోలు చేసేటప్పుడు ఆన్లైన్పై ఆధారపడకుండా షోరూం / మాల్స్లలో కొనుగోలు చేస్తే వాటి నాణ్యతను అక్కడే పరిశీలించవచ్చు. ట్రయల్ రూమ్స్ కూడా అందుబాటులో ఉంటాయి కాబట్టి ఫిట్టింగ్ సమస్య లేకుండా చూసుకోవచ్చు. చాలా షోరూమ్లలో దర్జీ (టైలర్) ఉంటారు. మీ అవసరాలకు అనుగుణంగా దుస్తుల కొలతలను సర్దుబాటు చేస్తారు.
రిటర్న్ పాలసీ..
కొనుగోలు చేస్తున్న స్టోర్ లేదా వెబ్సైట్లో రిటర్న్ / ఎక్స్ఛేంజ్ విధానాల గురించి తెలుసుకోండి. కొన్నిసార్లు వస్తువును కొనుగోలు చేసిన తర్వాత అది మీ అవసరాలకు నప్పకపోవచ్చు. లేదా ఆ వస్తువు డ్యామేజ్ అయి ఉండవచ్చు. ఎన్ని రోజుల్లో ఆ వస్తువులను తిరిగి మార్చుకోవడానికి అవకాశముంటుందో కొనుగోలు చేసినప్పుడే వాకబు చేయాలి. అలాగైతే రిటర్న్ లేదా ఎక్స్ఛేంజ్ అవకాశం ఉన్నప్పుడు వినియోగదారులు నష్టపోకుండా ఉంటారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది.