కొనసాగుతున్న సార్వత్రిక పరీక్షలు

మంచిర్యాల విద్యావిభాగం, న్యూస్‌టుడే: ఓపెన్‌ పదో తరగతి, ఇంటర్‌ పరీక్షలు కొనసాగుతున్నాయి. జిల్లా వ్యాప్తంగా మంచిర్యాల, బెల్లంపల్లి డివిజన్‌ కేంద్రాల్లో 8 పరీక్ష కేంద్రాల్లో పరీక్షలను విద్యాశాఖ నిర్వహిస్తోంది. సోమవారం ఆయా సబ్జెక్టులకు సంబంధించి ఉదయం 9 నుంచి 12 గంటల వరకు జరిగిన పరీక్షలో 643 మంది పదోతరగతి అభ్యర్థులకు 534 మంది హాజరయ్యారు. ఇంటర్‌లో 788 మందికిగానూ 684 మంది పరీక్ష రాశారు. మధ్యాహ్నం 2.30 నుంచి 5.30 గంటల వరకు జరిగిన పరీక్షలో పదో తరగతిలో 21 మందికి 15 మంది పరీక్ష రాయగా ఇంటర్‌లో 270 మందికి 222 మంది అభ్యర్థులు హాజరయ్యారు. అన్ని కేంద్రాల్లో పరీక్షలు సజావుగా సాగుతున్నాయని డీఈవో యాదయ్య తెలిపారు.