పెండింగ్‌ కేసులు పరిష్కరించాలి: ఎసీ్ప

మాట్లాడుతున్న రవీంద్రనాథ్‌బాబు

మసీదుసెంటర్‌(కాకినాడ), న్యూస్‌టుడే: పెండింగ్‌లో ఉన్న కేసులను సత్వరం పరిష్కరించాలని ఎస్పీ రవీంద్రనాథ్‌బాబు పోలీసు అధికారులకు ఆదేశాలు జారీ చేశారు. జిల్లా పోలీసు కార్యాలయం నుంచి వీడియో కాన్ఫరెన్స్‌ ద్వారా రంపచోడవరం, చింతూరు అదనపు ఎస్పీలు, ఇతర ఎస్‌డీపీవోలు, వివిధ విభాగాల డీఎస్పీలతో శనివారం ఆయన నేర సమీక్ష సమావేశం నిర్వహించారు. ఎస్పీ మాట్లాడుతూ పెండింగ్‌లో ఉన్న అట్రాసిటీ కేసులు, పోక్సో, వరకట్న వేధింపులు, లాంగ్‌ పెండింగ్‌ కేసుల విచారణను నిర్దేశించిన కాలవ్యవధిలో పూర్తి చేయాలన్నారు. ఛార్జ్‌షీట్లను గౌరవ న్యాయస్థానాల్లో సమర్పించాలని సూచించారు. రోడ్డు ప్రమాదాల నివారణ కోసం నిర్వహిస్తున్న నో యాక్సిడెంట్‌ డే కార్యక్రమాన్ని డీఎస్పీలు ప్రత్యక్షంగా పర్యవేక్షించాలని చెప్పారు. ఈ కార్యక్రమంలో ఏఎస్పీ కరణం కుమార్‌, ఎస్బీ డీఎస్పీలు ఎం.అంబికాప్రసాద్‌, ఎం.వెంకటేశ్వరరావు, డీసీఆర్బీ సీఐ లక్ష్మణరావు, ఇతర అధికారులు పాల్గొన్నారు.