కేవీకేలకు డ్రోన్‌ల పంపిణీ

డ్రోన్‌లు అందజేస్తున్న ఎన్జీ రంగా వర్సిటీ ఉపకులపతి విష్ణువర్ధన్‌రెడ్డి

గోరంట్ల(గుంటూరు), న్యూస్‌టుడే: ఆచార్య ఎన్జీ రంగా వ్యవసాయ విశ్వవిద్యాలయం పరిధిలోని రెడ్డిపల్లి, ఉండి కేవీకేలకు, మార్టేరు ప్రాంతీయ పరిశోధన స్థానానికి వర్సిటీ ఉపకులపతి డాక్టర్‌ ఆదాల విష్ణువర్ధన్‌రెడ్డి డ్రోన్‌లను పంపిణీ చేశారు. గుంటూరు సమీపంలోని లాంఫాంలో మంగళవారం నిర్వహించిన కార్యక్రమంలో ఆయా డ్రోన్‌లు పంపిణీ చేశారు. ఈసందర్భంగా ఆయన మాట్లాడుతూ వ్యవసాయంలో డ్రోన్‌ల వినియోగ ప్రదర్శన చేపట్టేందుకు, రైతులకు అవగాహన కల్పించేందుకు వీటిని అందిస్తున్నామన్నారు. కేవీకేలకు అటారి జోన్‌టెన్‌ ఆర్థిక సహకారంతోనూ, మార్టేరు పరిశోధన స్థానానికి ఎస్సీ, ఎస్టీ పథకం కింద డ్రోన్లను సమకూర్చినట్లు తెలిపారు. కార్యక్రమంలో పరిశోధన సంచాలకులు డాక్టర్‌ ఎల్‌.ప్రశాంతి, విస్తరణ సంచాలకులు డాక్టర్‌ ఎ.సుబ్బరామిరెడ్డి తదితరులు పాల్గొన్నారు.