మాకు ఏం చేశారని ఓటెయ్యాలి

నిలదీసిన వృద్ధురాలు
మంగళగిరి వైకాపా అభ్యర్థినికి చేదు అనుభవం

వైకాపా నాయకులను నిలదీస్తున్న వృద్ధురాలు

మంగళగిరి:  మంగళగిరి వైకాపా అభ్యర్థి మురుగుడు లావణ్యకు చేదు అనుభవం ఎదురైంది. పట్టణంలోని రత్నాలచెరువులో శనివారం ఆమె ఎన్నికల ప్రచారం నిర్వహించారు. ఈ క్రమంలో ఓ వృద్ధురాలిని ఓటు అభ్యర్థించారు. ‘ఏముందని వేస్తామమ్మా.. మాకు ఏమి చేశారని వేస్తాం చెప్పండి. పలానాది చేశాడని చెప్పండీ వేస్తాం’. అని అనడంతో అంతా అవాక్కయ్యారు. దీంతో ఏం చెప్పాలో తెలియక అక్కడి నుంచి వెనుదిరిగారు. అనంతరం ఆ వృద్ధురాలు తన ఆవేదనను స్థానికులతో చెబుతూ ‘వెయ్యం..వెయ్యం.. మాకేమీ ఇవ్వలా.. మాకేమీ చేయలా.. అందుకని మేము ఓటు వెయ్యం..ఆఖరికి మాకున్న రేషన్‌ కార్డు కూడా తీసేశారు.. ఎవరు అభివృద్ధి చేస్తే వాళ్లకే వేస్తాం’ అని స్పష్టం చేశారు. ఈ వీడియో సామాజిక మాధ్యమంలో వైరల్‌ కావడంతో నియోజకవర్గంలో చర్చనీయాంశమైంది.