భారాస దిల్లీలో లేదు గల్లీలో లేదు

భువనగిరి: భారాస పార్టీ గల్లీలో లేదు దిల్లీలో లేదని ఆ పార్టీకి ఇక భవిష్యత్తు ఉండదని భాజపా భువనగిరి లోక్‌సభ నియోజకవర్గ అభ్యర్థి డాక్టర్ బూర నర్సయ్య గౌడ్ అన్నారు. భువనగిరిలో పార్టీ కార్యకర్తల విలేకరుల సమావేశంలో ఆయన మాట్లాడారు. కాంగ్రెస్ పార్టీ అసలు అభ్యర్థి ఎవరో బినామీ అభ్యర్థి ఎవరో అని చాలామంది కన్ఫ్యూజన్లో ఉన్నారన్నారు. ఈ సమావేశంలో రాష్ట్ర ప్రధాన కార్యదర్శి డాక్టర్ కాసం వెంకటేశ్వర్లు, జిల్లా అధ్యక్షుడు పాశం భాస్కర్, రాష్ట్ర కార్యవర్గ సభ్యుడు వడాల శ్రీనివాస్, నాయకులు దోనూరు వీరారెడ్డి, చందా మహేందర్ పాపారావు, బందారపు లింగస్వామి తదితరులు పాల్గొన్నారు.