పెళ్లి శుభలేఖపై పెంపుడు శునకాల పేర్లు

మధ్యప్రదేశ్‌ యువకుడి జంతుప్రేమ

ఓ జంతు ప్రేమికుడు తన ఇంట్లో ఉన్న శునకాలపై వినూత్న రీతిలో ప్రేమను చాటుకున్నాడు. తన వివాహ ఆహ్వాన పత్రికపై వాటి పేర్లను ముద్రించాడు. ఈ ఘటన మధ్యప్రదేశ్‌లోని సాగర్‌ జిల్లాలో జరిగింది. జిల్లాలోని రాణిపురకు చెందిన యశ్వంత్‌ రైక్వార్‌ స్కూటర్‌ టైర్‌ కింద ఐదేళ్ల క్రితం ఓ కుక్క పిల్ల పడింది. అదృష్టవశాత్తు దానికి ఏం కాలేదు. దీంతో ఆ శునకాన్ని యశ్వంత్‌  ఇంటికి తెచ్చుకుని పెంచుకున్నాడు. అనంతరం అతడికి శునకాలపై ఇష్టం ఏర్పడింది. అలా మరో మూడు శునకాలను ఇంటికి తెచ్చి పెంచుకుంటున్నాడు. ఏప్రిల్‌ 21న యశ్వంత్‌ వివాహం జరిగింది. ఆ వేడుకకు సంబంధించిన ఆహ్వానపత్రికలో ‘భౌ భౌ’ పార్టీ పేరుతో నాలుగు శునకాలు.. రాకీ, జోజో, కాలు, లాలూ పేర్లను అతడు ముద్రించాడు. హల్దీ వేడుక, సంగీత్‌, పెళ్లి ఊరేగింపు లాంటి ప్రతి కార్యక్రమంలో ఈ శునకాలను భాగం చేశాడు.

ఈటీవీ భారత్‌