RGV: వాళ్లు నా సంతకాన్ని ఫోర్జరీ చేశారు: వర్మ

పోలీసులకు ఫిర్యాదు చేసిన దర్శకుడు

పంజాగుట్ట: నట్టి క్రాంతి, కరుణ.. తన సంతకాన్ని ఫోర్జరీ చేశారంటూ దర్శకుడు రాంగోపాల్‌ వర్మ పోలీసులకు ఫిర్యాదు చేశారు. శనివారం ఉదయం పంజాగుట్ట పీఎస్‌లో సీఐ నిరంజన్‌రెడ్డిని కలిసి ఫిర్యాదు అందించారు. ‘మా ఇష్టం’ సినిమా సమయంలో తన సంతకం ఫోర్జరీ చేశారని అందులో పేర్కొన్నారు. 2020 నవంబర్‌ 30న తన లెటర్‌హెడ్‌ తీసుకొని నకిలీ పత్రాలు సృష్టించి ఫోర్జరీ సంతకంతో వారికి డబ్బులు ఇవ్వాల్సి ఉన్నట్లు సృష్టించారన్నారు. ఫోర్జరీ సంతకాలను ఫోరెన్సిక్‌ ల్యాబ్‌కు పంపి నిజానిజాలు తేల్చాలని కోరారు. ఏప్రిల్‌లో ‘డేంజరస్‌’ సినిమా విడుదల కావాల్సిందని, నకిలీ పత్రాలతో దావా వేసి సినిమా అడ్డుకున్నారని ఆయన పోలీసులకు వివరించారు.