Identity: శరవేగంగా.. ‘ఐడెంటిటీ’

టోవినో థామస్‌, త్రిష జోడీగా అఖిల్‌ పాల్‌, అనాస్‌ఖాన్‌ తెరకెక్కిస్తున్న క్రైమ్‌ థ్రిల్లర్‌ ‘ఐడెంటిటీ’. ‘2018’ సంచలనం విజయం తర్వాత ఈ సినిమా వస్తుండటంతో దీనిపై అంచనాలు భారీగా పెరిగాయి. మరోవైపు త్రిష నాయిక కావడం ఆసక్తి రేకెత్తిస్తోంది. ఈ చిత్ర షూటింగ్‌ శరవేగంగా సాగుతూ.. రెండో షెడ్యూల్‌ ముగిసింది. ఇందులో కొన్ని కీలకమైన పతాక యాక్షన్‌ సన్నివేశాలు చిత్రీకరించారు. దర్శకద్వయం ఈ విషయాన్ని తెలియజేస్తూ.. త్వరలో చివరి షెడ్యూల్‌కి వెళ్లనున్నట్టు ఆదివారం సామాజిక మాధ్యమాల ద్వారా వెల్లడించాడు. టోవినో థామస్‌, త్రిషలతో ఉన్న ఓ ఫొటోని జత చేశారు. మరోవైపు టోవినో నటించిన ‘నడికర్‌’ మే 1న విడుదలకు సిద్ధంగా ఉంది.