Bhagavanth Kesari: భగవంత్‌ కేసరి.. ఉయ్యాలో ఉయ్యాల..

‘భగవంత్‌ కేసరి’గా థియేటర్లలో సందడి చేయనున్నారు నందమూరి బాలకృష్ణ. ఆయన కథానాయకుడిగా నటించిన ఈ చిత్రాన్ని అనిల్‌ రావిపూడి తెరకెక్కించారు. సాహు గారపాటి, హరీష్‌ పెద్ది సంయుక్తంగా నిర్మించారు. కాజల్‌ కథానాయిక. శ్రీలీల, అర్జున్‌ రాంపాల్‌ కీలక పాత్రలు పోషించారు. ఈ సినిమా ఈనెల 19న ప్రేక్షకుల ముందుకు రానుంది. ఈ నేపథ్యంలో ప్రచార పర్వంలో భాగంగా ఈనెల 4న ‘‘ఉయ్యాలో ఉయ్యాల’’ అనే గీతాన్ని విడుదల చేయనున్నారు. ఈ విషయాన్ని ఆదివారం అధికారికంగా ప్రకటిస్తూ.. ఓ కొత్త పోస్టర్‌ను పంచుకుంది చిత్ర బృందం. అందులో బాలకృష్ణ నది ఒడ్డున ఓ పాపతో కూర్చొని సరదాగా గడుపుతున్నట్లు కనిపించారు. తెలంగాణ నేపథ్యంలో సాగే మాస్‌ యాక్షన్‌ చిత్రమిది. దీనికి తమన్‌ సంగీతమందిస్తున్నారు. సి.రామ్‌ప్రసాద్‌ ఛాయాగ్రాహకుడు.