TRS Sarpanch: తెరాస సర్పంచ్‌పై కక్ష.. ఆమె కారు, ట్రాక్టర్‌కు నిప్పు!

మిర్‌దొడ్డి: సర్పంచ్‌పై కక్ష కట్టిన గుర్తు తెలియని వ్యక్తులు.. ఇంటి ముందు నిలిపి ఉంచిన ఆమె కారు, ట్రాక్టర్‌కు నిప్పంటించారు. తెలంగాణలోని సిద్దిపేట జిల్లా మిర్‌దొడ్డి మండలం అక్బర్‌పేటలో ఆదివారం అర్ధరాత్రి ఈ ఘటన చోటు చేసుకుంది. 

ఈ విషయంపై అధికార తెరాసకు చెందిన సర్పంచ్‌ స్వరూప మాట్లాడుతూ తనపై కక్ష కట్టిన కొందరు వ్యక్తులు ఈ చర్యకు పాల్పడ్డారని ఆమె ఆవేదన వ్యక్తం చేశారు. తన ప్రాణాలకు సైతం ముప్పు పొంచి ఉందని చెప్పారు. ఈ ఘటనపై భూంపల్లి పోలీస్‌ స్టేషన్‌లో ఫిర్యాదు చేసినట్లు తెలిపారు. దుండగులను గుర్తించి చట్టపరంగా వారిని శిక్షించాలని పోలీసులను కోరినట్లు చెప్పారు.