AUS vs IND: రెండో టీ20 ఆసీస్‌దే.. నాలుగు వికెట్ల తేడాతో గెలుపు

ఇంటర్నెట్‌ డెస్క్‌: మెల్‌బోర్న్‌ వేదికగా టీమ్‌ఇండియా, ఆస్ట్రేలియా మధ్య జరిగిన రెండో టీ20లో కంగారూ జట్టు నాలుగు వికెట్ల తేడాతో విజయం సాధించింది. 13.2 ఓవర్లలో 6 వికెట్లు కోల్పోయి 126 పరుగులు చేసింది. తొలుత బ్యాటింగ్‌ చేసిన టీమ్‌ఇండియా 18.4 ఓవర్లలో 125 పరుగులకు ఆలౌటైంది. 126 పరుగుల లక్ష్యంతో బరిలోకి దిగిన ఆసీస్‌ తొలి నుంచీ దూకుడుగానే ఆడింది. ఓపెనర్‌ మిచెల్‌ మార్ష్‌ (46; 26 బంతుల్లో, 2 ఫోర్లు, 4 సిక్స్‌లు) రాణించాడు. అతడు ఔట్‌ కావడానికి ముందు రెండు ఫోర్లు, రెండు సిక్స్‌లతో విరుచుకుపడ్డాడు. 7.6 ఓవర్‌లో కుల్‌దీప్‌ బౌలింగ్‌లో అభిషేక్‌ శర్మకు క్యాచ్‌ ఇచ్చి వెనుదిరిగాడు. మరో ఓపెనర్‌ ట్రావిస్‌ హెడ్‌ (28; 15 బంతుల్లో, 1 ఫోర్‌) క్రీజులో ఉన్నంత వరకు దూకుడుగానే ఆడాడు. జోస్‌ ఇంగ్లిస్‌ (20; 20 బంతుల్లో, 1 ఫోర్‌) ఫర్వాలేదనిపించాడు. 

• హాకీ, రేసింగ్‌, గిటార్‌, క్రికెట్‌.. జెమీ ఆల్‌రౌండర్‌!

భారత బౌలర్లలో వరుణ్‌ చక్రవర్తి, కుల్‌దీప్‌ యాదవ్‌, బుమ్రా తలో రెండు వికెట్లు తీసుకున్నారు. బ్యాటింగ్‌లో రాణించిన హర్షిత్‌ రాణా.. బౌలింగ్‌లో మాత్రం ప్రభావం చూపించలేకపోయాడు. ఆఖర్లో భారత బౌలర్లు వెంట వెంటనే వికెట్లు తీసుకున్నప్పటికీ ఆసీస్‌ను మాత్రం నిలువరించలేకపోయారు.