ODI WC 2023: ప్రపంచకప్లో స్టార్ బ్యాటర్ల పోటాపోటీ... ఎవరో మేటి?
గురువారం నుంచి ఇంగ్లాండ్ - న్యూజిలాండ్ జట్ల మధ్య మ్యాచ్తో వన్డే ప్రపంచకప్ (ODI World Cup 2023) ప్రారంభం కానుంది.
ప్రతిష్టాత్మక వన్డే ప్రపంచకప్ (ODI WC 2023) ప్రారంభమయ్యేందుకు సమయం ఆసన్నమైంది. అన్ని జట్లూ అస్త్రశస్త్రాలతో సిద్ధం. ఈ మెగా టోర్నీలో తమ బ్యాటింగ్ విన్యాసాలతో అభిమానులను అలరించడమే కాక.. కప్పు ఒడిసి పట్టాలని కొందరు మేటి బ్యాటర్లు సన్నద్ధమవుతున్నారు. మరి ఉత్తమ ప్రదర్శన చేసి తమ జట్టు టైటిల్ విజయానికి తోడ్పడి ప్రపంచ మేటి బ్యాటర్ అనిపించుకునే ఆటగాడు ఎవరవుతారా అని క్రికెట్ అభిమానులు ఉత్కంఠగా ఎదురు చూస్తున్నారు.
విరాట్ కోహ్లి (Virat Kohli), స్టీవ్ స్మిత్ (Steve Smith), కేన్ విలియమ్సన్ (Kane Williamson), జో రూట్ (Joe Root).. సచిన్ తరం ఆటకు టాటా చెప్పాక ప్రపంచ క్రికెట్లో మేటి బ్యాటర్లుగా పేరు తెచ్చుకుంది ఈ నలుగురే. వీరిని ఫ్యాబ్-4 అని పిలుస్తారు అభిమానులు. వీరి హవా మొదలైన కొన్నేళ్ల తర్వాత బాబర్ అజామ్ (Babar Azam) వెలుగులోకి వచ్చాడు. ఈ ప్రపంచకప్లో అభిమానుల దృష్టిని బాగా ఆకర్షిస్తున్న స్టార్ బ్యాటర్లు వీరు. టోర్నీలో వీరి ప్రదర్శన ఆధారంగానే ఆయా జట్లు ఎక్కడిదాకా వెళ్తాయన్నది ఆధారపడి ఉందనడంలో సందేహం లేదు.
మంచినీళ్ల ప్రాయంగా శతకాలు
గత పదేళ్లనే కాదు.. మొత్తంగా క్రికెట్ చరిత్రలోనే అత్యుత్తమ బ్యాటర్లలో ఒకడిగా గుర్తింపు సంపాదించాడు విరాట్ కోహ్లి. సచిన్ సహా చాలామంది మేటి బ్యాటర్ల రికార్డులను బద్దలు కొడుతూ.. కొత్త రికార్డులు నెలకొల్పుతూ తనకు తానే సాటి అనిపించాడీ బ్యాటింగ్ యోధుడు. అయితే మూడేళ్ల కిందట అతను అనూహ్యంగా ఫామ్ కోల్పోయాడు. కరోనా, కెప్టెన్సీ నుంచి తప్పించడం అతడిని మానసికంగా కొంత దెబ్బ తీశాయి. మంచినీళ్ల ప్రాయంగా శతకాలు బాదేసే అతను.. రెండున్నరేళ్ల పాటు ఏ ఫార్మాట్లోనూ సెంచరీ చేయలేదంటే ఎంతగా ఇబ్బంది పడ్డాడో అర్థం చేసుకోవచ్చు. కానీ ఏడాది నుంచి అతడి ప్రదర్శన మెరుగుపడుతూ వస్తోంది. ఈ ఏడాది మంచి ఊపులో ఉన్నాడు విరాట్. 2023లో అతను అయిదు సెంచరీలు సాధించాడు. ప్రపంచకప్ ముంగిట మంచి లయలో ఉన్నాడు. 2011 విజేత జట్టులో సభ్యుడైనప్పటికీ.. అప్పుడు అతడి పాత్ర పరిమితం. ఈసారి బ్యాటింగ్లో అతను ఎంతో కీలకం. విరాట్ ఇంకో ప్రపంచకప్ ఆడతాడా అన్నది సందేహమే. సొంతగడ్డపై మరో కప్పుతో వన్డే కెరీర్కు ముగింపు పలుకుతాడేమో చూడాలి.
స్మిత్ ‘గ్రేట్’
కోహ్లి లాగే స్టీవ్ స్మిత్ కూడా ఇప్పటికే ఓ ప్రపంచకప్ నెగ్గాడు. 2015 ప్రపంచకప్ విజేత జట్టులో అతను సభ్యుడు. అయితే అప్పుడు అతడి కెరీర్ పతాక స్థాయిలో ఉండేది. కానీ కొన్నేళ్ల తర్వాత బాల్ టాంపరింగ్ కుంభకోణం వల్ల అతడి ప్రతిష్ట మసకబారింది. ఏడాది నిషేధం తర్వాత జట్టులోకి పునరామగనం చేసి మళ్లీ నిలకడగా ఆడుతూ పోయిన గౌరవాన్ని సంపాదించాడు. యాషెస్లోనూ జట్టును గెలిపించాడు. అయితే టెస్టుల్లో మేటి బ్యాటర్ అయినప్పటికీ.. వన్డేల్లో అతడి ప్రదర్శన అంచనాలకు తగ్గట్లు లేదు. ఈసారి ప్రపంచకప్లో ఉత్తమ ప్రదర్శన చేసి.. జట్టును గెలిపిస్తే ఈ ఫార్మాట్లోనూ స్మిత్ ‘గ్రేట్’గా గుర్తింపు సంపాదిస్తాడు.
కేన్ @ అందరివాడు
దేశంతో సంబంధం లేకుండా అందరూ ఇష్టపడే క్రికెటర్లలో కేన్ విలియమ్సన్ ఒకడు. జెంటిల్మన్ ఆటను జెంటిల్మన్లా ఆడే కేన్కు ప్రపంచవ్యాప్తంగా అభిమానులున్నారు. టెస్టుల్లోనే కాక వన్డేల్లోనూ అతను మేటి బ్యాట్స్మన్గా పేరు తెచ్చుకున్నాడు. కెప్టెన్గా న్యూజిలాండ్ జట్టును కూడా గొప్ప స్థాయికి తీసుకెళ్లాడు. కాకపోతే ఆ జట్టు ప్రపంచకప్ కలను మాత్రం నెరవేర్చలేకపోయాడు. గత రెండు టోర్నీల్లోనూ కివీస్ రన్నరప్ ట్రోఫీకే పరిమితమైంది. కేన్ ఆడబోయే చివరి ప్రపంచకప్ ఇదే. ఈసారి ఎలాగైనా కప్పు సాధించాలని అతను, కివీస్ ఆటగాళ్లు పట్టుదలతో ఉన్నారు. ఐపీఎల్లో గాయపడి ఒక దశలో ప్రపంచకప్కే అనుమానంగా మారిన కేన్.. తర్వాత వేగంగా కోలుకుని టోర్నీకి అందుబాటులోకి రావడం అభిమానులకు ఉపశమనం. మరి కప్పులో అతనెలాంటి ప్రదర్శన చేస్తాడో?
మరో కప్పు అందిస్తాడా?
ఫ్యాబ్-4లో ఒకప్పుడు వన్డేలకు సరిపోడనే విమర్శలు ఎదుర్కొన్న ఆటగాడు జో రూట్. టెస్టుల్లో గొప్ప ఘనతలెన్నో సాధించినా.. వన్డేల్లో మరీ నెమ్మదిగా ఆడుతుండటంతో అతడిపై వేటు పడింది. కానీ మారిన ఇంగ్లాండ్ జట్టు శైలికి తగ్గట్లు అతను కూడా దూకుడు పెంచాడు. మిగతా ఇంగ్లాండ్ బ్యాటర్లకు దీటుగా ధాటిగా ఆడటం మొదలుపెట్టాడు. టీ20 స్పెషలిస్టుల తరహాలో రివర్స్ స్వీప్లు, స్కూప్లు కూడా ఆడేస్తున్నాడు. వన్డేలకు అవసరమైన వేగం, నిలకడగా రూట్ ఈ ఫార్మాట్లోనూ కీలక ఆటగాడిగా ఎదిగాడు. ప్రపంచకప్లో తనదైన ముద్ర వేయాలని చూస్తున్న రూట్.. డిఫెండింగ్ ఛాంపియన్గా బరిలోకి దిగుతున్న తన జట్టుకు మరో కప్పు అందిస్తాడేమో చూడాలి.
నంబర్వన్ అనిపించుకుంటాడా?
ప్రస్తుతం వన్డేల్లో నంబర్వన్ బ్యాటర్ బాబర్ అజామే. గత కొన్నేళ్లలో అతను వేగంగా ఎదిగాడు. విరాట్ను మించి పరుగుల వరద పారిస్తూ ఐసీసీ ర్యాంకింగ్స్లో అగ్రస్థానం సాధించాడు. అయితే ఎక్కువగా సొంతగడ్డపై, సెకండ్ హోమ్ అనదగ్గ యూఏఈలో మాత్రమే అతను రాణిస్తాడని.. అందుకే అతడి సగటు ఎక్కువగా ఉంటుందని.. బౌలింగ్కు ఎక్కువ అనుకూలించే పిచ్లపై సత్తా చాటలేడని విమర్శలు ఉన్నాయి. భారత్లో ఆడిన అనుభవం లేని బాబర్.. ప్రపంచకప్లో ఎలాంటి ప్రదర్శన చేస్తాడన్నది ఆసక్తికరం. తనేంటో ప్రపంచానికి చాటడానికి వచ్చిన మంచి అవకాశాన్ని బాబర్ ఎంతమేర ఉపయోగించుకుంటాడో మరి?
- ఈనాడు క్రీడా విభాగం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పారిస్ ఒలింపిక్స్లో భారత్ ఈవెంట్లు.. పూర్తి షెడ్యూల్ ఇదే
ప్రపంచంలో అతిపెద్ద క్రీడా ఈవెంట్ ఆరంభానికి మరికొన్ని గంటల సమయమే ఉంది. రేపటి నుంచే ఒలింపిక్స్ పోటీలు ప్రారంభం కానున్నాయి. -
పది వచ్చే అవకాశం ఉందా! భారీ అంచనాలతో పారిస్లోకి అడుగుపెట్టిన భారత సేన
ఒలింపిక్స్ అనగానే అభిమానుల్లో ఎన్నో ఆశలు! భారత్ అదరగొడుతుందనే అంచనాలు! 100 మంది వెళ్తున్నారు 10 పతకాలైనా రావా అనే ఆలోచనలు! కానీ వాస్తవానికి పరిస్థితి వేరే ఉంటుంది. -
ఒలింపిక్స్ మస్కట్ ఫ్రీజ్ ముచ్చట తెలుసా..?
పారిస్ ఒలింపిక్స్కు మస్కట్ ఏమిటో తెలుసా.. ఓ టోపీ బొమ్మ. పెద్ద కళ్లతో ఆకర్షణీయంగా ఉన్న ఈ టోపీతో ఫ్రాన్స్ చరిత్రకు విడదీయలేని సంబంధం ఉంది. -
పారిస్ ఒలింపిక్స్.. ఆఖరి మజిలీలో ఆశ తీర్చుకుంటారా!
సీనియర్ అథ్లెట్లుగా పారిస్ ఒలింపిక్స్లోకి అడుగుపెట్టిన ముగ్గురు.. తొలి పతకం నెగ్గేందుకు తీవ్రంగా ప్రయత్నిస్తున్నారు. ఎన్నో ఏళ్ల ఎదురుచూపులకు ఫుల్స్టాప్ పెట్టేయాలని చూస్తున్నారు. -
చేయి చేయి కలిపి పారిస్కు రక్షణ కవచం: 40 దేశాల నుంచి భద్రతా సిబ్బంది
పారిస్ ఒలింపిక్స్కు భద్రతా ఏర్పాట్లు కట్టుదిట్టంగా జరుగుతున్నాయి. దాదాపు 40 దేశాలకు చెందిన భద్రతా బృందాలు భాగం కావడం విశేషం. -
పారిస్ ఒలింపిక్స్లో ఆడేందుకు వేలు తొలగించుకొని..ఆసీస్ ఆటగాడి త్యాగం
పారిస్ ఒలింపిక్స్ ఆడేందుకు ఆటంకంగా మారుతుందని భావించి తన చేతి వేలును ఒక ఆటగాడు తొలగించుకొన్నాడు. -
పారిస్ ఒలింపిక్స్ ఆశలను ఆ నది ముంచేస్తోందా..?
ఒలింపిక్స్తో తమ పేరు ప్రఖ్యాతులు పెరుగుతాయని ఆశించిన ఫ్రాన్స్కు.. ఇప్పుడు అది బెడిసికొట్టేలా ఉంది. స్విమ్మింగ్కు సంబంధించిన కొన్ని ఈవెంట్ల కారణంగా దేశం పరువు పోయే పరిస్థితి నెలకొంది. -
రికార్డు సెంచరీ చేసినా నో ప్లేస్.. టీమ్ఇండియా ఎంపికలో ఇవి గమనించారా?
సీనియర్లలో బుమ్రా, రవీంద్ర జడేజా విశ్రాంతి తీసుకుంటున్నారు. యువ క్రికెటర్లకు ప్రాతినిధ్యం ఇస్తూనే నాయకత్వ బాధ్యతల్లోకి కొత్తనీరు ఎక్కించాడు కోచ్ గంభీర్. -
టీమ్ఇండియా కొత్త కోచ్గా గంభీర్ ఏం చేస్తాడో!
భారత నూతన కోచ్గా గంభీర్ పేరును బీసీసీఐ ప్రకటించింది. దీంతో అతడు ఎలా రాణిస్తాడనేది ఇప్పుడు చర్చనీయాంశంగా మారింది. మెంటార్గా ఐపీఎల్లో అనుభవం ఉన్న సంగతి తెలిసిందే. -
ఆ ఒక్కటి తక్కువైంది.. ద్రవిడ్ మాటను నెరవేర్చాలి!
ప్రపంచ క్రికెట్లో భారత్ దూకుడు కొనసాగుతోంది. రెండేసిసార్లు వన్డే, టీ20 ప్రపంచ కప్లను నెగ్గింది. అయితే, ఒక్క కప్ మాత్రం అందడం లేదు. ఇప్పటికే రెండుసార్లు ప్రయత్నించినా సఫలం కాలేదు. -
జింబాబ్వేకు యువ భారత్.. ఈ కుర్రాళ్లపై ఓ లుక్కేద్దాం!
జింబాబ్వే పర్యటనకు టీమ్ఇండియా వెళ్లింది. కుర్రాళ్లతో కూడిన జట్టును సెలక్టర్లు ఎంపిక చేశారు. శుభ్మన్ గిల్ ఈ జట్టుకు నాయకత్వం వహిస్తాడు. -
ఛాంపియన్లు వస్తున్నారు
13 ఏళ్ల సుదీర్ఘ విరామం తర్వాత ఐసీసీ ట్రోఫీ సాధించిన టీమ్ఇండియాకు గురువారం స్వదేశంలో ఘనంగా స్వాగతం పలికేందుకు ఏర్పాట్లు పూర్తయ్యాయి. -
జింబాబ్వే పర్యటనకు భారత్.. గత హీరోలు ఎవరంటే?
జింబాబ్వేతో టీ20 సిరీస్ అయినా సరే తేలిగ్గా తీసుకోకూడదు. ఆ జట్టు కూడా పెద్ద టీమ్లకు షాక్ ఇచ్చిన దాఖలాలున్నాయి. భారత్ కూడా రెండు మ్యాచుల్లో ఓడిన చరిత్ర ఉంది. -
రోహిత్- కోహ్లీ లేని లోటును భర్తీ చేసేదెవరు?
పొట్టి వరల్డ్ కప్ ఫైనల్లో భారత్ విజయం సాధించిన అనంతరం రోహిత్, కోహ్లీ టీ20లకు గుడ్ బై చెప్పేశారు. మరి ఈ ద్వయం లేని లోటును ఏ ఆటగాళ్లు భర్తీ చేస్తారనే దానిపై చర్చ మొదలైంది. -
రోహిత్ తర్వాత ఎవరు..?
టీమ్ ఇండియాలో కెప్టెన్ స్థానం ఖాళీ అయింది. రోహిత్ స్థాయి నాయకత్వాన్ని భవిష్యత్తులో జట్టుకు అందించేవారి కోసం బీసీసీఐ అతి త్వరలోనే వేట మొదలు పెట్టవచ్చు. ఈ రేసులో కొందరు ఆటగాళ్లు ముందున్నారు. -
పొట్టి కప్పు విజేతగా భారత్.. వీళ్లనూ మరిచిపోవద్దు!
పెద్దగా అంచనాలు లేకుండా.. వచ్చిన అవకాశాలను సద్వినియోగం చేసుకుని సత్తా చాటితే వారిని అభిమానులకు గుర్తుండి పోతారు. భారత్ ఛాంపియన్గా నిలవడంలో వీరూ కీలక పాత్ర పోషించారు. -
బుమ్రా యాక్షన్ స్పెషల్.. అందుకే కదిలించరు..!
టీమ్ ఇండియాలో జెస్సీ చాలా స్పెషల్. జట్టు కష్టాల్లో ఉందంటే నేనున్నానంటూ ముందుకొస్తాడు. తన మాయాజాలంతో ప్రత్యర్థి బ్యాటింగ్ లైనప్ను కకావికలం చేస్తాడు. అతడి బౌలింగ్ యాక్షన్ వెనుక ఆసక్తికరమైన అంశాలు మీకోసం.. -
సలామ్....శర్మా జీ! హిట్ మ్యాన్.. నీ ముద్ర చెరిగిపోనిది!
టీ20ల నుంచి రిటైర్ అయిన సందర్భంలో హిట్ మ్యాన్ రోహిత్ శర్మ ప్రతిభ, రికార్డుల గురించి ఆసక్తికర కథనం... -
పైసా వసూల్.. మ్యాచ్ ప్రతి దశలో నరాలు తెగే ఉత్కంఠ..!
టీ20 ప్రపంచకప్ ఫైనల్స్లో ఓ హైవోల్టేజీ మ్యాచ్ ఆవిష్కృతమైంది. బ్యాటింగ్.. బౌలింగ్లో భారత్ పని అయిపోయిందనుకొన్న ప్రతిసారి నేలను తాకిన బంతిలా ఎగసిపడింది. ఓటమి కోరల్లో చిక్కుకొన్న మ్యాచ్ను దేశం కోసం గెలిచి చూపింది. -
‘మాటలు పడి’లేచిన కెరటం... పాండ్య
ఓడిపోయినప్పుడు మనది కాని రోజు ఇది అనుకోవాలి. గేలి చేస్తున్నప్పుడు గెలిచి చూపించాలి అనుకోవాలి. మనదైన రోజున మనమేంటో ఆడి చూపించాలి. టీ20 ప్రపంచకప్లో హార్దిక్ పాండ్య చేసింది ఇదే. ‘మాటలు పడి’లేచిన కెరటం పాండ్య గురించి ఓ సారి చూద్దాం. -
మైదానంలో మాస్టర్మైండ్.. రోహిత్ స్టైల్ కెప్టెన్సీ ఇదీ
ప్రెస్మీట్లలో సరదాగా కనిపించే రోహిత్.. మైదానంలో ఉండే హిట్మ్యాన్ వేర్వేరు. గ్రౌండ్లోకి అడుగుపెట్టాక అతడి మెదడు పాదరసం కంటే వేగంగా పనిచేస్తుంది. ప్రత్యర్థులను వ్యూహాలతో ఉక్కిరిబిక్కిరి చేసి జట్టుకు విజయాన్ని అందిస్తాడు. ఇదీ హిట్మ్యాన్ శైలి కెప్టెన్సీ..!
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ఫ్రెండ్తో వివాహం.. కీర్తి సురేశ్ ఏమన్నారంటే..?
-
గోదావరి వరద బాధితుల్ని ఆదుకుంటాం: అసెంబ్లీలో చంద్రబాబు ప్రకటన
-
భారీ లాభాల్లో సూచీలు.. మదుపర్ల సంపద ₹7 లక్షల కోట్లు జంప్
-
‘ఎమర్జెన్సీ’ దారుణాలు.. ‘షా కమిషన్’ నివేదికపై రాజ్యసభ ఛైర్మన్ కీలక సూచన
-
జూమ్ కాల్లో 1.64 లక్షల మంది.. ₹16 కోట్ల విరాళాలు : కమలా హారిస్ సరికొత్త రికార్డ్
-
రామ్ కెరీర్లోనే బిగ్గెస్ట్ ఓటీటీ డీల్.. భారీ ధరకు ‘డబుల్ ఇస్మార్ట్’ రైట్స్