ఇంకా చిక్కని చిరుత

విమానాశ్రయంలో నిఘా పెంచిన అధికారులు

శంషాబాద్‌, న్యూస్‌టుడే: ఎయిర్‌పోర్ట్‌ రన్‌వే మైదానంలో ప్రహరీ దూకిన చిరుతను బంధించడానికి అటవీ శాఖ, విమానాశ్రయంలో భద్రతాధికారులు ప్రయత్నాలు ముమ్మరం చేశారు. సోమవారం అదనంగా మరో బోనును ఏర్పాటు చేసి, అనుమానిత ప్రాంతాల్లో 10 ట్రాప్‌ కెమెరాలను బిగించారు. రన్‌వే ప్రాంతంలో చెరువు, చిట్టడవి ఉండటంతో అక్కడికి సేదతీరడానికి వస్తుందని భావిస్తున్నారు. మరో రెండు రోజుల పాటు బంధించడానికే ప్రయత్నిస్తామని, చిక్కకపోతే ఉన్నతాధికారుల ఆదేశాల మేరకు ట్రాంక్విలైజర్‌తో పట్టుకుంటామని ఎయిర్‌పోర్ట్‌ అధికారులు ఓ ప్రకటనలో పేర్కొన్నారు.