వేలాడే అరల్ని ఇలా శుభ్రం చేద్దాం! - easy tips to clean different types of floating shelves in telugu
close
Published : 02/09/2021 17:05 IST

వేలాడే అరల్ని ఇలా శుభ్రం చేద్దాం!

ఇంటీరియర్‌లో భాగంగా ఇప్పుడు చాలామంది వేలాడే అరల (Floating Shelves)కి ప్రాధాన్యమిస్తున్నారు. ఇంటికి సరికొత్త అందాన్ని తీసుకురావడంతో పాటు స్థలాన్ని ఆదా చేయడమే వీటికున్న ప్రత్యేకత! అయితే వీటిని అమర్చుకుంటే సరిపోదు.. ఎప్పటికప్పుడు శుభ్రం చేయకపోతే మాత్రం దుమ్ము-ధూళి చేరి వాటికున్న అందం దెబ్బతింటుంది. అలాగని సాధారణ అరల్లా మోటుగా శుభ్రం చేస్తే అవి డ్యామేజ్‌ అయ్యే అవకాశాలూ ఎక్కువే! కాబట్టి కాస్త మృదువుగా క్లీన్‌ చేయాల్సి ఉంటుంది. మరి, అదెలాగో తెలుసుకుందాం రండి..

చెక్క షెల్ఫులైతే..!

చాలా ఇళ్లలో చెక్కతో చేసిన ఫ్లోటింగ్‌ షెల్ఫులను ఏర్పాటు చేసుకుంటుంటారు. అందులోనూ అవి ఓపెన్‌ షెల్ఫులు కావడం వల్ల త్వరగా దుమ్ము చేరే అవకాశాలుంటాయి. కాబట్టి వాటిని ఎప్పటిప్పుడు శుభ్రం చేయాలి. ఇందుకోసం నీటిని ఉపయోగిస్తే చెక్క పాడవ్వచ్చు. అందుకే దీనికి బదులు బేకింగ్‌ సోడా, నీళ్లు కలిపి తయారుచేసిన మిశ్రమంలో ఒక కాటన్‌ క్లాత్‌ను ముంచి బాగా పిండాలి. దీంతో షెల్ఫుల్ని మూలమూలలా శుభ్రం చేస్తే సరిపోతుంది. ఆపై మరోసారి పొడి కాటన్‌ క్లాత్‌తో తుడవాలి. తద్వారా అవి నీటిని పీల్చుకోకుండా త్వరగా ఆరిపోతాయి.

గాజు అరలా?

గాజు అరలు ఇంటికి ఎంత అందాన్నిస్తాయో.. వాటి నిర్వహణ విషయంలో జాగ్రత్త తీసుకోకపోతే అంత త్వరగా డ్యామేజ్‌ అవుతాయి. ముఖ్యంగా వాటిపై గీతలు పడే అవకాశాలు ఎక్కువ..! అందుకే వాటిని శుభ్రం చేయడానికి మృదువైన కాటన్‌/టర్కీ క్లాత్‌ తీసుకోవాలి. దాన్ని నీళ్లు-వెనిగర్‌ సమపాళ్లలో తీసుకొని కలిపిన మిశ్రమంలో ముంచి, పిండి.. షెల్ఫుల పైన, కింద, మూలల్లో క్లీన్‌ చేయాలి.. లేదంటే ఈ మిశ్రమాన్ని నేరుగా షెల్ఫులపై స్ప్రే చేసి కూడా తుడవచ్చు. ఆపై పొడి గుడ్డతో మరోసారి తుడవాలి. ఇలా చేయడం వల్ల వాటిపై ఉండే దుమ్ము-ధూళి తొలగిపోవడంతో పాటు, వాటిపై పడిన జిడ్డు మరకలు కూడా వదిలిపోయి కొత్త వాటిలా మెరుస్తాయి.

తుప్పు వదిలేలా..!

లోహాలతో తయారైన షెల్ఫులు, వైర్‌తో అల్లినట్లుగా ఉండే ఫ్లోటింగ్‌ షెల్ఫులు కూడా ప్రస్తుతం కొంతమంది తమ ఇంట్లో భాగం చేసుకుంటున్నారు. అయితే ఈ తరహా షెల్ఫులు తేమకు త్వరగా తుప్పు పట్టే అవకాశం ఉంది. కాబట్టి ఇలాంటి వాటిని శుభ్రం చేయడానికి ప్రస్తుతం మార్కెట్లో ‘ఆల్‌ పర్పస్‌ క్లీనర్స్‌’ దొరుకుతున్నాయి. వాటిని నేరుగా అరలపై స్ప్రే చేసి టూత్‌ బ్రష్‌ సహాయంతో రుద్ది శుభ్రం చేయచ్చు. ఆపై పొడి క్లాత్‌తో తుడిచేయాలి. ఒకవేళ ఈ అరలు ఎక్కడైనా తుప్పు పట్టినట్లు అనిపిస్తే.. ఆ భాగంలో కొద్దిగా ఉప్పు వేసి రుద్దచ్చు.. ఆ తర్వాత నిమ్మరసం-వైట్‌ వెనిగర్‌ సమపాళ్లలో కలిపిన మిశ్రమాన్ని ఆ భాగంపై నుంచి పోసి పది నిమిషాల తర్వాత శుభ్రం చేసి పొడి గుడ్డతో మరోసారి తుడవాలి.

ప్లాస్టిక్‌వైతే ఇలా!

కొంతమంది ఇళ్లలో ప్లాస్టిక్‌ ఫ్లోటింగ్‌ షెల్ఫుల్ని కూడా చూస్తుంటాం. ఈ తరహా అరల్ని శుభ్రం చేయడానికి బేకింగ్‌ సోడా, నీళ్లు కలిపి మిశ్రమంలా తయారుచేయాలి. దీన్ని స్ప్రే బాటిల్‌లో నింపి అరలపై స్ప్రే చేయాలి. ఇప్పుడు తడి గుడ్డతో ఓసారి తుడిచి, పొడి క్లాత్‌తో మరోసారి తుడిచేస్తే అవి శుభ్రపడతాయి. అయితే వాటిపై ఏవైనా జిడ్డు మరకల్లాంటివి ఉంటే క్లీనింగ్‌ బ్రష్‌ని ఉపయోగించి వాటిని తొలగించచ్చు.

ఇవి గుర్తుంచుకోండి!

* ఇలా వేలాడే అరల్ని శుభ్రం చేసే క్రమంలో వాటిపై ఒత్తిడి పడకుండా చూసుకోవాలి. మూలల్లో ఇయర్‌ బడ్స్‌ ఉపయోగించి క్లీన్‌ చేయచ్చు.

* ఇక అవి పూర్తిగా ఆరాకే వాటిపై వస్తువుల్ని అమర్చడం, పుస్తకాలు సర్దడం వంటివి చేయాలి.

* తేమ చేరకుండా ఉండేందుకు అక్కడక్కడా సిలికా జెల్‌, నాఫ్తలీన్‌ బాల్స్‌.. వంటివి అమర్చాలి.

మరి, మీ ఇంట్లోనూ వేలాడే అరలున్నాయా? అయితే వాటిని మీరెలా శుభ్రం చేస్తున్నారు? మాతో పంచుకోండి!


Advertisement


మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని