kalanjali_200
Comments
0
Recommend
0
Views
823
ముంబయి దాడులపై నేడు హెడ్లీ సాక్ష్యం
ముంబయి: పాకిస్థానీ అమెరికన్‌, లష్కర్‌-ఎ-తోయిబా (ఎల్‌ఈటీ) ఉగ్రవాది డేవిడ్‌ హెడ్లీ.. 26/11 ముంబయి దాడుల కుట్రను బయటపెట్టేందుకు సోమవారం పెదవి విప్పనున్నాడు! ముంబయి కోర్టులో వీడియో కాన్ఫెరెన్స్‌ ద్వారా ఈ కేసులో సాక్ష్యం చెప్పనున్నాడు. ఓ విదేశీ ఉగ్రవాది భారత న్యాయ స్థానం ముందు హాజరు కావడం, సాక్ష్యం చెప్పడం భారత న్యాయ చరిత్రలో ఇదే మొదటిసారని ప్రత్యేక ప్రభుత్వ ప్రాసిక్యూటర్‌ ఉజ్వల్‌ నికమ్‌ తెలిపారు. ముంబయి దాడుల గుట్టును ఛేదించేందుకు హెడ్లీ సాక్ష్యం చాలా ముఖ్యమని ఆయన చెప్పారు. ఈ దారుణంలో పాకిస్థాన్‌ పాత్రను సైతం బయటపెట్టే అవకాశముందని వివరించారు. గత ఏడాది డిసెంబరు 10న తనను క్షమిస్తే.. అప్రూవర్‌గా మారతానని భారత న్యాయస్థానాన్ని హెడ్లీ కోరాడు. దీనికి ప్రత్యేక న్యాయమూర్తి సనాప్‌ కొన్ని షరతులపై అంగీకరించారు. ప్రస్తుతం హెడ్లీ అమెరికా న్యాయస్థానంలో 35 ఏళ్ల కారాగార శిక్షను అనుభవిస్తున్నాడు.
 
Your Rating:
-
Overall Rating:
5.0