close
Array ( ) 1

తాజా వార్తలు

బాలికపై ముగ్గురి అత్యాచారం

అవమానం భరించలేక బాధితురాలి ఆత్మహత్య 
వరంగల్‌లో మరో ఘోరం 
పోలీసుల అదుపులో ఇద్దరు నిందితులు 
భీమారం - న్యూస్‌టుడే

వరంగల్‌లో చిన్నారిపై అత్యాచారం, హత్య ఘటన మరవక ముందే మరో దారుణం జరిగింది. హన్మకొండలో ఓ బాలికపై శనివారం సాయంత్రం ముగ్గురు యువకులు అత్యాచారానికి పాల్పడ్డారు. ఆ అవమానం భరించలేక ఆదివారం తెల్లవారుజామున బాలిక ఇంట్లో ఉరేసుకొని ఆత్మహత్యకు పాల్పడింది. ఈ ఘటనలో ఇద్దరు నిందితులను పోలీసులు అదుపులోకి తీసుకున్నారు. పోలీసులు, బంధువులు చెప్పిన వివరాల ప్రకారం.. తల్లిదండ్రులు లేని 15 ఏళ్ల బాలిక నానమ్మ వద్ద ఉంటూ ఓ పాఠశాలలో తొమ్మిదో తరగతి చదువుతోంది. హసన్‌పర్తి మండలం పెంబర్తి గ్రామానికి చెందిన తిరుపతి, ప్రసన్నకుమార్‌ అనే యువకులకు ఆ బాలికతో పాత పరిచయం ఉంది. ఈ క్రమంలో శనివారం సాయంత్రం ఆ బాలిక ఇంటికి వచ్చిన ఆ యువకులు.. మాయమాటలు చెప్పి ఆమెను ద్విచక్ర వాహనంపై పెంబర్తి సమీపంలోని నిర్మానుష్య ప్రదేశానికి తీసుకెళ్లి అత్యాచారానికి పాల్పడ్డారు. వీరితోపాటు ఓ మైనర్‌ బాలుడు కూడా బాలికపై అత్యాచారానికి పాల్పడ్డాడు. అనంతరం ముగ్గురూ పారిపోయారు. ఇంటికి వచ్చిన బాలిక జరిగిన విషయాన్ని తన నానమ్మకు తెలిపింది. ఆ తరువాత ఆదివారం 
తెల్లవారుజామున ఇంట్లో ఫ్యాన్‌కు ఉరివేసుకుని ఆత్మహత్య చేసుకుంది. బయటకు వెళ్లి తిరిగి వచ్చిన నానమ్మ ఈ విషయాన్ని గుర్తించి ఇరుగు పొరుగు సాయంతో కేయూ పోలీసులకు సమాచారం అందించారు. డీసీపీ నాగరాజు, హన్మకొండ ఏసీపీ శ్రీధర్‌, కేయూ సీఐ డేవిడ్‌రాజ్‌, ఎస్సై హరికృష్ణ రంగంలోకి దిగి.. బాధితురాలి నానమ్మను పరామర్శించి వివరాలు తెలుసుకున్నారు. అత్యాచారానికి పాల్పడిన తిరుపతి, మైనర్‌ బాలుడ్ని అదుపులోకి తీసుకున్నారు. మరో నిందితుడు ప్రసన్నకుమార్‌ పరారీలో ఉన్నట్లు సమాచారం. ఇలాంటి ఘటనలు పునరావృతం కాకుండా జిల్లా యంత్రాంగం గట్టి చర్యలు తీసుకోవాలని కోరుతూ బాధితురాలి బంధువులు, విద్యార్థి సంఘాల ప్రతినిధులు ఆదివారం రాత్రి 9 గంటల సమయంలో కేయూ పోలీసు స్టేషన్‌ ముందు ఆందోళనకు దిగారు.

బాలిక మృతదేహానికి శవపరీక్ష 
ఎంజీఎం ఆసుపత్రి, న్యూస్‌టుడే: అత్యాచార అవమానం భరించలేక ఆత్మహత్యచేసుకున్న బాలిక మృతదేహానికి ఆదివారం రాత్రి వరంగల్‌ ఎంజీఎం ఆసుపత్రిలో శవపరీక్ష నిర్వహించారు. హడావుడిగా పోస్టుమార్టం పూర్తిచేసి మృతదేహాన్ని బంధువులకు అప్పగించారు. మార్చురీ వద్ద బాలిక మృతదేహానికి వరంగల్‌ పశ్చిమ ఎమ్మెల్యే వినయ్‌భాస్కర్‌ నివాళులర్పించారు. కుటుంబ సభ్యుల్ని ఓదార్చారు. రూ.20వేల ఆర్థిక సహయాన్ని అందించారు.  ముఖ్యమంత్రి దృష్టికి తీసుకెళ్లి మృతురాలి కుటుంబానికి న్యాయం చేస్తానని హామీ ఇచ్చారు.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
సినిమా

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.